प्रेरित कितापक परिचय
कितापक परिचय
इसे किताप लुकाइ लेख्ल दोस्रा किताप हखइ। पइलाक कितापचाहिँ लुकाक सुसमचार हखइ कने दोस्राचाहिँ “प्रेरितसब्क काम” हखइ। इक्र मुक्खे उदेस्से चाहिँ येसुक पइलाक चेलासबेइ कस्के पबित्र आत्माक अगुवाइ पाउल र उसबेइ “यरुसलेम, सामरिया, यहुदिया र पुरइ पिर्थिबिक कोन्धोर-कोन्धोरसमन” १:८ ओनेन्क सुसमचार फइलाल कइकुन बाताइके हखइ। इसे ख्रिस्टियन आस्थाक प्रचार यहुदिसब्कमाटे फइलिकुन जम्मइ सन्सारक लागि आस्था बनिके जइल एक्टा घटना हखइ। इसे पढ्लाहारके ख्रिस्टियनसब रोमि राज्जेक लागि तोडफोड आन्लाहार कोलोउ खतरा नइजे, ख्रिस्टियन बिस्वासचाहिँ यहुदि धर्मक पुर्ति हखइ कइकुन बिस्वास देइके लेख्ल हखइ।
प्रेरितसब्क कामके मुक्खे तिन भागयँ बाटिके सक्ताहिँ: १ येसु सोर्ग जाइके भइलपाछु यरुसलेमयँ सुरु भइल ख्रिस्टियन हलचल; २ प्यालेस्टाइनक अरु ठाउयँ प्रचार फइलिल; ३ भुमध्ये सागरक छेउछाउक देसयँ र रोमसमन प्रचार फइलिल।
इसे कितापक मुक्खे बिसयचाहिँ पबित्र आत्माक काम हखइ। ओनेन् पेन्तिकोसक दिन यरुसलेमक बिस्वासियँ सक्तिसाहिन आइकेभइल, मन्डलि र अगुवासब्के अगुवाइ करिकेभइल र उसब्के बिस्वासयँ दह्र बानाइकेभइल कुरा इसे कितापयँ लेखिल बाटइ। सुरुक ख्रिस्टियन सुसमचारके बिभिन्न बचनयँ लेख्ल बाटइ। इसे कितापयँ लेख्ल घटनासबेइ बिस्वासिसब्क जिबन र सङ्गतियँ इसे सुसमचारक सक्तिके देखाइत।
बिसय-सुचि
साछिक लागि तयारि १:१-२६
क) येसुक अन्तिम आग्या र प्रतिग्या १:१-१४
ख) यहुदाक साटोयँ चुनिल मानुस १:१५-२६
यरुसलेमयँ साछि २:१—८:३
यहुदिया र सामरियायँ साछि ८:४—१२:२५
पावलक प्रचार १३:१—२८:३१
क) पइला प्रचार यात्रा १३:१—१४:२८
ख) यरुसलेमयँ भइल सम्मेलन १५:१-३५
ग) दोस्रा प्रचार यात्रा १५:३६—१८:२२
घ) तेस्रा प्रचार यात्रा १८:२३—२१:१६
ङ) यरुसलेम, कइसरिया र रोमयँ पावल कइदि भइल २१:१७—२८:३१
Currently Selected:
प्रेरित कितापक परिचय: DRY
Highlight
Share
Copy
Want to have your highlights saved across all your devices? Sign up or sign in
© 2024 (Active), Mother Tongue Translators Society and Wycliffe Bible Translators, Inc. All rights reserved.