Mariko NDANGIRISO
NDANGIRISO
Mariko iwáanjikaa chine chitabo. Bénde bámwěrika kanji mbu i'Yowani-Mariko (Mikolo ye'ndumwa 12:12). Oyu Mariko atábaa muuma mwa banafunzi ekumi na babiri ba Yesu. Si ábaa atúla muuma mwa bandu ba béndee báenda na Petero, ndumwa ya Yesu Kirisito. Myasi inene mwe'ra Mariko aánjikire era luulu sa Yesu, ômvaa'i kurengera Petero. Mariko áanjikaa chine chitabo chasiya abálire ba bàtatula Bayuta eMwasi Mubuya-buya. Yeke mwa kuanjika chine chitabo, átendee álorera chira mango kwa bya bìri mwa Chilaano cho'kwa Mira ngo'kwa Matayo áiraa.
Mariko alósise kwa Yesu Kirisito i'Mwana wa Ongo, kanji Mwana we'Mundu. Kanji alósise kwa Yesu ábahaa chasiya énde ákorera ebandu na kuchana kuba mitulo kwa kununula'bo. Ei myasi ungàisoma mu Mariko 10:45. Aola, Yesu àtechire mbu: «Bushi nyi Mwana we'Mundu, nanyi ndábahaa mbu béndaa bányikorera. Si nábahaa nyínde nákorerana na kwâna ekalamo kanyi, nyinúnule bandu banene.»
Mariko àtatechire era luulu se'kubutwa kwa Yesu ne'ra luulu se'lyane'toto lyai. Si àtechire kwa myasi ya Yesu mango oyu Yesu ábaa era mundu aséne. Kutengera kwa chimbi chibere-bere kuikira kwa che'kumi, Mariko alósise bya Yesu áiraa mwa chio che'Kalilaya. Mwa chimbi che'kumi na chiuma kuikira kwa che'kumi na ndatu, alósise bya Yesu áiraa mwa chio che'Yuteya no'mwa musi we'Yerusalemu. Kwa businda, àtechire era luulu se'lufu lwa Yesu kwa musalaba ne'kwômoka kwai. Mwa bitabo bine bye'Mwasi Mubuya-buya wa Yesu Kirisito, echitabo cha Mariko chi chitúla chùfu. Mwe'chine chitabo, emwasi ola Mariko àserire'ko àli ewe'bisomerano bya Yesu áiraa.
Currently Selected:
Mariko NDANGIRISO: tbt
Highlight
Share
Copy
Want to have your highlights saved across all your devices? Sign up or sign in
© 2017 Wycliffe Bible Translators, Inc.