Yohane 8

1Na Yesu kɔɔ Ngo Bepɔ he so. 2Na anɔpa tutuutu he ɔsane baa asɔredane he mu. Na mane mũ he nyinaa baa ne nkyɛne na ɔtenaa ase kyerɛkyerɛ bɛ. 3Afei atwerɛfoɔ ne Farisifoɔ de baa bi a bɛakye no adwamammɔ mu baeɛ, na bɛde no begyinaa mfimfini. 4Na bɛka kyerɛɛ no sɛ, “Kyerɛkyerɛfoɔ, bɛakye baa yi adwamammɔ so pɛɛ. 5#Lew 20:10 Mose hyɛɛ yɛ mmara he mu sɛ, yensi mmaa a bɛ te saa he aboɔ. Na wo nso ɛɛne ne wooka?” 6Bɛkaa yei de sɔɔ no hwɛeɛ, sɛ ɔbɛyɛ na bebenya soboɔ bi abɔ no. Na Yesu bɔɔ ne mu ase de ne nsateaa twerɛtwerɛɛ fam. 7Na bɛkɔɔ soaa bisaa no he, ɔmaa ne mu so ka kyerɛɛ bɛ sɛ, “Ho mu nea ɔnyɔɔ bɔne da he nni kane nto boɔ mmɔ no.” 8Na ɔsane bɔɔ ne mu ase bio de ne nsateaa twerɛtwerɛɛ fam. 9#Rom 2:22 Na bɛtee yei he, (bɛ tiboa buu bɛ fɔ), nti befirii adi mmaako mmaako firi mpanyimfoɔ so. Na ɔkaa Yesu ne baa he nkoaa a ogyina mfinfini hɔ. 10Yesu maa ne mu so bisaa baa he sɛ, “Baa, bɛya he? Biaa ammu wo fɔ?” 11#Yoh 5:14 Na baa he kaa sɛ, “Me wura, daabi.” Na Yesu ka kyerɛɛ no sɛ, “Me nso memmu wo fɔ, kɔ na nkɔyɔ bɔne bio.”]#8:11 Tete atwerɛeɛ he bi mfa yei nka ho.

Yesu ne wiase hann

12 # Yes 49:6; Yoh 1:5; 1:9 Na Yesu ka kyerɛɛ bɛ bio sɛ, “Mene wiase hann. Nea odi m’akyi he nnante sum mu da, na obenya nkwa hann he.” 13Afei Farisifoɔ he ka kyerɛɛ no sɛ, “Wo deɛ wodi w’ankasa wo ho adanseɛ; w’adanseɛ he nyɛ nɔkorɛ.” 14#Yoh 5:31 Yesu buaa sɛ, “Mpo sɛ medi meaa me ho adanseɛ a, m’adanseɛ he yɛ nɔkorɛ, efiri sɛ, menim baabi a mefiri baeɛ ne baabi a meekɔ. Na ho deɛ honnim baabi a mefiri ne baabi a meekɔ. 15Ho deɛ hobu atɛne honam mu, na me deɛ memmu biaa atɛne. 16#Yoh 8:29 Na sɛ mebu atɛne mpo a, m’atemmuo he yɛ nɔkorɛ efiri sɛ nyɛ me nkoaa ne mebu atɛne, na mmom me ne Agya a ɔsomaa me he ne bu atɛne. 17#Deut 19:15 Bɛatwerɛ no ho mmara he mu sɛ, “Nnipa mmienu adanseɛ yɛ nɔkorɛ.” 18Mene medi me ho adanseɛ, na Agya a ɔsomaa me he nso di me ho adanseɛ.” 19#Yoh 14:7 Na bebisaa no sɛ, “W’Agya ya he?” Yesu buaa sɛ, “Honnim me, na honnim m’Agya nso; sɛ honim me a, nka honim m’Agya nso.” 20#Yoh 7:30; Luk 22:53 Ɔkaa nsɛm yi berɛ a na ɔɔma nkyerɛkyerɛ ya asɔrefie sikakorabea hɔ; na biaa ankye no, efiri sɛ na ne mmerɛ nya nnuruiɛ.

Yesu hyɛɛ ne Wuo ho Nkɔm

21 # Yoh 7:34; 13:33 Na ɔka kyerɛɛ bɛ bio sɛ, “Me deɛ, meekɔ, na hobɛhwehwɛ me, na hobewu ho bɔne mu; na baabi a meekɔ he, ho deɛ, hontumi mma hɔ.” 22#Yoh 7:35 Nti Yudafoɔ he kaa sɛ, “Oobeku ne ho anaa? Nti na ɔdɛ, ‘Baabi a meekɔ he, honntumi mma hɔ yi’?” 23#Yoh 3:31 Na ɔka kyerɛɛ bɛ sɛ, “Ho deɛ hofiri fam, na me deɛ, mefiri soro. Hofiri wiase; na me deɛ, memmfiri wiase yi mu. 24Meka kyerɛɛ ho sɛ hobewu ho bɔne mu, na sɛ hoannye anni sɛ mene no a, hobewu ho bɔne mu.” 25Bebisaa no sɛ, “Hwane ne wo”? Yesu ka kyerɛɛ bɛ sɛ, “Mene nipa korɔ a maka sɛ meyɛ ofiri me dwumadie ahyɛaseɛ he. 26Mewɔ ho ho nsɛm pii a mɛka, na mabu atɛne, na nea ɔsomaa me he yɛ nɔkwafoɔ. Na nea mate afiri ne hɔ ne meka kyerɛ wiase.” 27Bɛante aseɛ sɛ Agya he ho asɛm ne ɔɔka kyerɛ bɛ. 28#Yoh 3:14; 12:32 Nti Yesu ka kyerɛɛ bɛ sɛ, “Sɛ honya ma nipa ba he so a, saa berɛ he ne hobehu sɛ mene no, na memmɔ m’ankasa me tim nyɔ bibiaa, na nea Agya he kyerɛkyerɛ me he, ɔno ne meka. 29#Yoh 8:16 Na nea ɔsomaa me he ka me ho, na onnyae me nko, efiri sɛ meyɔ nea ɔsɔ n’ani daa.” 30#Yoh 7:31 Na ɔɔka saa nsɛm yi he, nnipa bebree gyee no diiɛ.

Asuafoɔ kann

31 # Yoh 15:14 Na afei Yesu ka kyerɛɛ Yudafoɔ a bɛagye adi he sɛ, “Sɛ hotena m’asɛm mu a, hoyɛ m’asuafoɔ ampa; 32na hobehu nɔkorɛ he, na nɔkorɛ he ama ho ayɛ adehyeɛ.” 33#Mat 3:9 Bɛka kyerɛɛ no sɛ, “Yɛ yɛ Abraham asefoɔ, na yɛ nyɛɛ bi nkoa da. Ɛɛne nti ne wooka sɛ, ‘Hobenya adehyeɛ’?”

34 # Rom 6:16; 6:20; 1 Yoh 3:8 Yesu buaa bɛ sɛ, “Meeka akyerɛ ho nɔkorem sɛ, biaa a ɔyɔ bɔne he yɛ bɔne akoa. 35Afei nso akoa ntena fie daa, na ba deɛ ɔtena fie hɔ daa. 36#Rom 6:18; 6:22 Nti sɛ Ba he ma ho fahodie a hobɛyɛ adehyeɛ ampa. 37Menim sɛ hoyɛ Abraham asefoɔ, nso hopɛ sɛ hoku me, efiri sɛ m’asɛm nsene ho mu. 38Nea mahu no Agya he nkyɛne ne meka, na ho deɛ honyɔ nea hoate firi Agya he nkyɛne.”

Yesu ne Abraham

39Bebuaa no sɛ, “Yɛ Agya ne Abraham.” Yesu ka kyerɛɛ bɛ sɛ, “Sɛ ho Agya ne Abraham a, nka hobɛyɔ nea Abraham yɔeɛ, 40nso seesei hopɛ sɛ hoku me, nipa a maaka nɔkorɛ a mete firi Agya he nkyɛne akyerɛ ho he. Nso Abraham deɛ wanyɔ saa adeɛ yi. 41Hoyɔ nea ho agya yɔ ampa.” Na bɛka kyerɛɛ no sɛ, “Bɛanwo yɛ adwamammɔ mu, yɛwɔ Agya baako, ɔno ne Nyankopɔn.” 42Yesu ka kyerɛɛ bɛ sɛ, “Sɛ Nyankopɔn yɛ ho Agya a nka hobɛdɔ me, efiri sɛ mefiri Nyankopɔn hɔ ne baeɛ. Ɔnyɛ mene mede mepɛ baeɛ na mmom ɔno ne somaa me. 43Mmɛ nti ne ho nte nea meka he ase yi? Efiri sɛ hontumi ntie m’asɛm. 44#1 Yoh 3:8-10; Gye 3:4; 2 Pe 2:4 Hofiri ho agya bronsam hɔ, na hopɛ sɛ hoyɔ ho Agya he apɛdeɛ. Ɔyɛ wudini firi mfitiaseɛ, na wannyina nɔkorɛ he mu efiri sɛ nɔkorɛ nni ne mu. Sɛ odi torɔ a, ofiri ɔno ankasa ne mu ne ba, efiri sɛ ɔyɛ torɔfoɔ ne atorɔ agya. 45Na esiane sɛ mekaa nɔkorɛ kyerɛ ho nti, honnye me nni. 46#2 Ko 5:21; 1 Pe 2:22 Ho mu hwane ne bu me bɔne bi ho atɛne? Sɛ meka nɔkorɛ a, mmɛ nti ne honnye me nni? 47#Yoh 18:37 Nea ɔyɛ Nyankopɔn deɛ biaa tie Nyankopɔn asɛm. Nea nti a hontie ne sɛ, ho nyɛ Nyankopɔn deɛ.”

48 # Yoh 7:20 Yudafoɔ he buaa no sɛ, “Sɛ yɛka sɛ woyɛ Samariani na wowɔ honhommɔne a, ɔnyɛ nɔkorɛ?” 49Yesu buaa sɛ, “Menni honhommɔne, na mmom medi m’Agya ni, na ho deɛ honni me ni. 50#Yoh 5:41 Nso menhwehwɛ animuonyam mma me ho, bi ya hɔ a ɔhwehwɛ na obu atɛne. 51#Yoh 6:40; 6:47 Meeka nɔkwasɛm paa akyerɛ ho sɛ, biaa a obedi me nsɛm so he, onwu da.” 52Yudafoɔ he ka kyerɛɛ no sɛ, “Afei deɛ yɛahu sɛ wowɔ honhommɔne. Abraham wuiɛ, na adiyifoɔ he nso wuiɛ. Nso wo dɛ, ‘Biaa a obedi me nsɛm so he, onwu da.’ 53Wo so kyɛne yɛ agya Abraham a owuiɛ he anaa? Adiyifoɔ he nso wuiɛ. Afei wo dɛ wo ne hwane?” 54Yesu buaa sɛ, “Sɛ m’ankasa mehyɛ me ho animuonyam a, m’animuonyam he nyɛ hwee. M’Agya a hoka sɛ ɔyɛ ho Nyankopɔn he ne hyɛ me animuonyam 55#Yoh 7:28 nso honnim no. Na me deɛ menim no. Na sɛ meka sɛ mennim no a, na meyɛ torɔfoɔ te sɛ ho. Menim no na medi n’asɛm so. 56Ho agya Abraham dii ahurusie ɔnam anidasoɔ a onyaa sɛ obehu me nti, na ɔte sɛ deɛ ohuu me, nti n’ani gyeeɛ.” 57Na afei Yudafoɔ he ka kyerɛɛ no sɛ, “Wonnii mfie aduonum mpo na woahu Abraham yi?” 58Yesu ka kyerɛɛ bɛ sɛ, “Meeka akyerɛ ho nɔkorem paa sɛ, Abraham nnya mmaeɛ he, ne meya hɔ.” 59#Yoh 10:31 Yei nti bɛsesaa aboɔ sɛ bɛɛbɛtoto abɔ no, nso Yesu de ne ho sieeɛ, na ofirii asɔrefie hɔ kɔeɛ.

Currently Selected:

Yohane 8: BBTP

Highlight

Copy