Yohane 20

Yesu wusɔreɛ

(Mateo 28:1-10; Marko 16:1-11; Luka 24:1-12)

1Afei nnawɔtwe da a odi kane he, Maria Magdalene kɔɔ da he so anɔpatutuutu na ohuu sɛ boɔ he nna nna he ano. 2#Yoh 13:23 Nti ɔde mmirika kɔɔ Petro ne suani foforɔ a Awurade pɛ n’asɛm he nkyɛne kɔka kyerɛɛ bɛ sɛ, “Bɛafa Awurade afiri nna he mu, na yennim baabi a bɛde no akɔto.” 3Na Petro ne suani foforɔ he firii adi baa nna he ho. 4Na bɛ mmienu ne beetu mmirika boom nso suani baako he de mmirika tɛntɛ dii Petro anim, na oduruu nna he ho kane. 5Na ɔbɔɔ ne mu ase hwɛɛ nna he mu, nso wankɔ mu. 6Na Simon Petro dii n’akyi baeɛ, na ɔkɔɔ nna he mu na ohuu nwera he sɛ ogu hɔ, 7#Yoh 11:44 na afei ntoma a bɛde bɔɔ ne ti he nso bɛabobɔ gu nkyɛne baabi a ɔnka nwere he ho. 8Na afei suani foforɔ he a oduruu nna he ho kane he nso kɔɔ mu, na ohuuiɛ, na ɔgye diiɛ. 9#1 Ko 15:4; Aso 2:24-32 Saa berɛ he na ɔntee twerɛsɛm he ase sɛ otwa sɛ onyane firi awufoɔ mu. 10Nti asuafoɔ he sane kɔɔ bɛ afie mu.

Yesu yii ne ho adi kyerɛɛ Maria Magdalene

11Maria deɛ, na ɔda soaa gyina da he nkyɛne baabi a oosu. Na oguso oosu he, ɔbɔɔ ne mu ase hwɛɛ da he mu. 12Na ohuu abɔfoɔ mmienu bi a bɛhyɛ ntaadeɛ fitaa a na bɛtete baabi a na Yesu amu da he; na baako te baabi a na Yesu amu he da he atifi na baako nso te anafoɔ. 13Bebisaa no sɛ, “Baa, ɛɛne nti ne woosu yi?” Na ɔka kyerɛɛ bɛ sɛ, “Bɛafa m’Awurade amu kɔ na mennim baabi a a bɛde no akɔto.” 14Na ɔkaa yei wieeɛ he ɔdane ne ho na ohuu Yesu sɛ ogyina hɔ, nso wanhu sɛ ɔyɛ Yesu a. 15Yesu bisaa no sɛ “Baa, Mmɛ nti ne woosu yi? Hwane ne woohwehwɛ no?” Maria deɛ na osusu sɛ ɔyɛ turom hɔ hwɛfoɔ nti ɔkaa sɛ, “Owura, sɛ wone wafa no afiri ha a, kyɛrɛ me baabi a wode no akɔto.” 16Na Yesu ka kyerɛɛ no sɛ, “Maria!” Na ɔdanee ne hoka kyerɛɛ no Hebri kasa mu sɛ “Rabuni” (asekyerɛ ne sɛ “Kyerɛkyerɛfoɔ!”) 17#Heb 2:11-12 Yesu ka kyerɛɛ no sɛ, “Mfa wo nsa nka me, efiri sɛ menya nkɔɔ soro, m’Agya nkyɛne. Na kɔ me nuanom nkyɛne kɔka kyerɛ bɛ sɛ, ‘Meekɔ soro, m’Agya ne ho Agya ne me Nyankopɔn ne ho Nyankopɔn nkyɛne.’ ” 18Na Maria Magdalene bɛkaa nea asi he kyerɛɛ asuafoɔ he sɛ, “Maahu Awurade”, na ɔka kyerɛɛ bɛ sɛ Awurade aka yeinom akyerɛ no.

Yesu yii ne ho adi kyerɛɛ Asuafoɔ he

(Marko 16:14-18; Luka 24:36-49)

19Na saa da he yɛ nnawɔtwe he da a odi kane. Na nwunu dwoeɛ he, ewom sɛ na Yudafoɔ ho hu nti asuafoɔ he atoto apono mu baabi a na bɛya he deɛ, nso Yesu ba begyinaa bɛ mfimfini, na ɔka kyerɛɛ bɛ sɛ, “Asomdwie nka ho!” 20#1 Yoh 1:1 Na ɔkaa saa he, ɔde ne nsa ne ne mfem kyerɛɛ asuafoɔ he. Na asuafoɔ he ani gyee sɛ bɛahu Awurade. 21#Yoh 17:18 Na Yesu sane ka kyerɛɛ bɛ sɛ, “Asomdwie nka ho! Sɛnea Agya he asoma me he, saa are ne me nso meesoma ho.” 22Ɔkaa yei wieeɛ he, ɔhome guu bɛ so, kaa sɛ, “Honye Honhom Kronkron. 23#Mat 16:19; 18:18 Na biaa a hode ne bɔne bɛkyɛ no he, na bɛde akyɛ no dada. Na biaa a hoammfa ne bɔne akyɛ no he, bɛmmfa nkyɛɛ no.”

Yesu ne Toma

24 # Yoh 11:16; 14:5 Na berɛ a Yesu baeɛ he na Toma, Yesu asuafoɔ dummienu he mu baako a bɛfrɛ no Ata he, nka ho. 25#Yoh 19:34 Nti asuafoɔ a aka he ka kyerɛɛ no sɛ, “Yɛahu Awurade.” Nso ɔka kyerɛɛ bɛ sɛ, “Sɛ manhu ne nsam nnadewa twa na mamfa me nsa teaa anka dadewa he twa he a mennye nni.” 26#Yoh 20:19 Ne nnawɔtwe akyi he, na asuafoɔ he ya dane mu bio a na Toma nso ka ho. Ewom sɛ na bɛatoto apono he mu deɛ, nso Yesu ba begyinaa bɛ mfinfini, na ɔkaa sɛ, “Asomdwie nka ho!” 27Afei ɔka kyerɛɛ Toma sɛ, “Fa wo nsa tea ka ha na bɛhwɛ me nsam, na fa wo nsa bɛka me mfem, na nyɛ akyinnyegyefoɔ.” 28#Yoh 1:1 Toma buaa no sɛ, “M’Awurade ne me Nyankopɔn!” 29#1 Pe 1:8 Yesu ka kyerɛɛ no sɛ, “Woahu me nti ne woagye adi? Nhyira ne bɛ a benhuiɛ nso bɛagye adi.”

Nwoma yi Botaeɛ

30Na afei nsɛnkyerɛnne pii nso ya hɔ a Yesu yɔɔ n’asuafoɔ he anim a bɛantwerɛ no nwoma yi mu. 31#1 Yoh 5:13 Nso bɛatwerɛ yei ato hɔ na ama hoagye adi sɛ Yesu ne Kristo he, Nyankopɔn Ba, na hogye di a, hoanya nkwa ne dini mu.

Currently Selected:

Yohane 20: BBTP

Highlight

Copy