Yohane 17

Yesu bɔɔ mpaeɛ maa asuafoɔ he

1Yesu kaa nsɛm yeinom wieeɛ he, ɔhwɛɛ soro kaa sɛ, “Agya, berɛ he anya aduru, hyɛ wo ba animuonyam na Ba he nso ahyɛ wo animuonyam 2#Mat 11:27 sɛnea woama no nnipa nyinaa so tumi, sɛ biaa a wode ama no he ɔmma bɛ daa nkwa. 3#1 Yoh 5:20 Na yei ne daa nkwa sɛ bebehu wo, wo a aoyɛ Nyankopɔn kann koro he, ne Yesu Kristo nea wasoma no he. 4Mawie adwuma a wode ama me sɛ menyɔ he de ahyɛ wo animuonyam asaase so. 5#Yoh 17:24; 1:1; Flp 2:6 Na afei, Agya, fa animuonyam a na mewɔ no wo nkyɛne ansa na wiase ɔɔba he hyɛ me bio woaa wo nkyɛne.

6 # Yoh 17:9 “Maada wo dini adi akyerɛ bɛ a wode befiri wiase ama me he. Bɛyɛ wo deɛ ne wode bɛ ama me. Na bɛadi w’asɛm so. 7Afei bɛahu sɛ adeɛ biaa a wode ama me he nyinaa firi wo nkyɛne; 8#Yoh 16:30 efiri sɛ nsɛm a wode maa me he mede ama bɛ; na bɛ nso bɛagye; na bɛahu ampa sɛ, mefiri wo nkyɛne ne baeɛ, na bɛagye adi sɛ wone wosomaa me. 9#Yoh 6:37; 6:44 Meebisa ama bɛ; memmisa mma wiase na mmom mebisa ma bɛ a wode bɛ ama me he, efiri sɛ bɛyɛ wo deɛ. 10#Yoh 16:15 Nea mewɔ nyinaa yɛ wo dea, na wo deɛ nyinaa nso yɛ me deɛ, na maanya animuonyam yam. 11#Yoh 10:30 Na afei nso, menni wiase bio, na mmom bɛ deɛ bɛya wiase, na meeba wo nkyɛne. Agya Kronkron, bɔ bɛ a wode bɛ ama me he ho bane wo dini mu na bɛayɛ baako sɛ yɛyɛ baako he. 12#Yoh 6:39; Dwom 41:9; 109:8 Meya bɛ nkyɛne he, mede bɛ siee wo dini mu. Mekoraa bɛ yie na bɛ mu baako pɛ mpo annyera gye sɛ yera ba he, na ama twerɛsɛm he aba mu. 13#Yoh 15:11 Na afei meeba wo nkyɛne, na meeka yeinom wiase na ama bɛanya m’anigyeɛ, na awie pɛyɛ bɛ mu. 14#Yoh 15:19 Mede w’asɛm ama bɛ, na wiase atane bɛ efiri sɛ bɛnyɛ wiase deɛ sɛnea me nso menyɛ wiase deɛ he. 15#2 Te 3:3 Mensrɛ sɛ yi befiri wiase, na mmom mesrɛ sɛ bɔ bɛ ho bane firi sɛefoɔ he ho. 16Bemfiri wiase sɛnea me nso memfiri wiase he. 17#Yoh 6:63 Fa nɔkorɛ he te bɛ ho, w’asɛm yɛ nɔkorɛ, 18#Yoh 20:21 sɛnea woasoma me wiase he, saa ne me nso meesoma bɛ wiase. 19#Heb 10:10 Meyɔɔ me kronkron maa bɛ, na bɛ nso bɛ ho ate nɔkorɛ mu. 20“Mensrɛ mma yeinom nkoaa, na mmom mesrɛ ma bɛ a bɛnam bɛ asɛm so bɛgye me adi nso 21#Gal 3:28 sɛ bɛ nyinaa bɛbɛyɛ baako, sɛnea wo, Agya, woya me mu, na meya wo mu; sɛ bɛ nso bɛnyɛ baako yɛ mu, na ama wiase agye adi sɛ wone wosomaa me. 22#Aso 4:32 Animuonyam a wode maa me he mede ama bɛ, sɛ ɔbɛyɛ na bɛbɛyɛ baako sɛnea yɛyɛ baako he. 23#1 Ko 6:17 Meya bɛ mu, na woya me mu, sɛ ɔbɛyɛ a bebewie pɛyɛ baakoyɛ mu, na wiase ahu sɛ wone woasoma me na wodɔ bɛ sɛnea wodɔ me he. 24#Yoh 12:26 Agya mepɛ sɛ bɛ a wode bɛ ama me he ba baabi a meya he. Bɛmmɛka me ho na benhu m’animuonyam a wode ama me he, efiri sɛ wodɔɔ me ansa na wohyɛɛ wiase fapem ase. 25“Oo! Agya Teneneeni, wiase nnim wo, nso menim wo, na yeinom nim sɛ woasoma me. 26Maada wo dini adi akyerɛ bɛ, na mɛda no adi akyerɛ, sɛ ɔbɛyɛ a dɔ a wode adɔ me he bɛtena bɛ mu, na matena bɛ mu.”

Currently Selected:

Yohane 17: BBTP

Highlight

Copy