Yohane 15
15
Yesu ne bobe trodoo he
1“Mene bobe trodoo he, m’Agya ne kuafoɔ he. 2Mmane biaa ɔnso aba he, oyi firi ho; na nea ɔsõ aba he oyiyi ho ma ne so bebree. 3Asɛm a maka akyerɛ ho nti, ho ho afiri dada. 4Hontena me mu na me nso mentena ho mu. Sɛnea mmane bi ankasa ntumi nso aba gye sɛ ɔtena bobe he mu he, saa nso ne hontumi nso aba gye sɛ hotena me mu. 5#2 Ko 3:5 Mene bobe he, ho ne mmane he. Nea ɔtena me mu na me nso metena ne mu he, ɔsõ aba bebree; na ho kwati me a hontumi nyɔ hwee. 6Sɛ bi antena me mu a, betwa no twene sɛ mmabaa a mfasoɔ nni so; na bɛboaboa ano de kogu gya mu ma ɔhye. 7#Mar 11:24 Sɛ hotena me mu na me nsɛm tena ho mu a, hommisa bibiaa a hopɛ na ɔbɛyɛ hɔ ama ho. 8Nea ɔhyɛ m’Agya animuonyam ne sɛ hobɛkɔ so aso aba bebree na hoada ho ho adi sɛ m’asuafoɔ. 9Sɛnea Agya he adɔ me na me nso madɔ ho he, hontena me dɔ mu. 10#Yoh 14:15 Sɛ hodi m’ahyɛdeɛ so a, hobɛtena me dɔ mu, sɛnea madi m’Agya ahyɛdeɛ so na mete ne dɔ mu he. 11#Yoh 17:13 Maaka nsɛm yei akyerɛ ho sɛnea ɔbɛyɛ na m’anigyeɛ bɛtena ho mu, na ama ho anigyeɛ awie pɛyɛ.”
12 #
Yoh 13:34
“Yei ne m’ahyɛdeɛ, sɛ honnodɔ ho ho sɛnea medɔɔ ho he. 13#Yoh 10:11; 1 Yoh 3:16 Biaa nni dɔ a ɔkyɛne yei, sɛ bi de ne nkwa bɛto hɔ ama ne nnamfo. 14#Yoh 8:31 Sɛ hoyɔ nea mehyɛ ho he a, hedeɛ hoyɛ me nnamfo. 15Memmfrɛ ho nkoa bio, efiri sɛ akoa nnim nea ne wura yɔ. Na mmom maafrɛ ho me nnamfo, efiri sɛ maada bibiaa a mate afiri m’Agya hɔ adi akyerɛ ho. 16Ɔnyɛ ho na hoayi me, na mmom mene maayi ho. Na maayi ho sɛ honkɔso aba, na hoaba he atena hɔ, sɛ ɔbɛyɛ a nea hobebisa Agya he me dini mu biaa ɔde bɛma ho. 17Yei ne meehyɛ ho na ama hoadodɔ ho ho.”
Tane a wiase betane ho
18“Sɛ wiase tane ho a, honhu sɛ ɔtane me ansa na ɔɔtane ho. 19#1 Yoh 4:5; Yoh 17:14 Sɛ howɔ wiase afa a, wiase bɛdɔ ho sɛ ɔnoaa ne deɛ. Na esiane sɛ honni wiase afa, na mmom maayi ho afiri wiase nti, wiase tane ho. 20#Yoh 13:16 Honkae asɛm a maka akyerɛ ho yi, ‘Akoa nkyɛne ne wura.’ Sɛ bɛtane me a, bɛbɛtane ho nso, sɛ bedi me nsɛm so a, bebedi ho deɛ nso so. 21#Yoh 16:3 Na bɛbɛyɔ yei nyinaa atia ho ɔnam me dini nti, efiri sɛ bennim nea ɔsomaa me he. 22Sɛ mamma ammɛkasa ankyerɛ bɛ a, nka bɛnnyɔɔ bɔne; na seesei deɛ benni bɛ bɔne ho anoyie biaa. 23#Yoh 5:23 Nea ɔtane me he tane m’Agya nso. 24#Yoh 14:11 Sɛ mannyɔ nnwuma a biaa nyɔɔ bi da bɛ mu a, nka bɛnnyɔɔ bɔne. Na afei deɛ bɛahu, nso bɛatane me ne m’Agya nyinaa. 25#Dwom 69:4 Na ɔno ne ɔbɛma asɛm a bɛatwerɛ bɛ mmara he mu aba mu sɛ, ‘Bɛtane me tane hunu.’
26 #
Yoh 14:26; Luk 24:49 “Sɛ Kyigyinafoɔ a mɛsoma no afiri Agya he nkyɛne aba ho hɔ he, Nɔkorɛ Honhom a ofiri Agya nkyɛne he nya ba a, ɔno ne bedi me ho adanseɛ. 27#Aso 1:8; 5:32 Ho nso ɔsɛ sɛ hodi adanseɛ efiri sɛ ho ne me atena ase firi mfitiaseɛ he.
Currently Selected:
Yohane 15: BBTP
Highlight
Share
Copy
Want to have your highlights saved across all your devices? Sign up or sign in
Bono New Testament © The Bible Society of Ghana, 2021
