Asomafoɔ NNIANIMU
NNIANIMU
Asomafoɔ He Nnwuma yɛ Luka Asɛmpa he ntoasoɔ. Ne botaeɛ titire paa ne sɛ ɔbɛka sɛdeɛ Honhom Kronkron dii Yesu akyidifoɔ a bedii kane he akyi, ma bɛkaa ne ho Asɛmpa he ya Yerusalem, Yudea ne Samaria mu de kosii asaase ano nohoa (1:8). Nwoma yi yɛ nsɛm a ɔfa Kristofoɔ anammɔntuo ho sɛdeɛ ɔhyɛɛ aseɛ ya Yudafoɔ mu na ɔkɔɔ soaa bɛyɛɛ wiase nyinaa gyidie. Twerɛfoɔ he botaeɛ ne sɛ ɔbɛma n’akenkanfoɔ ate aseɛ sɛ na Akristofoɔ he nyɛ amammɔfoɔ ya Romafoɔ ahemmane he mu. Ɔdaa no adi sɛ akristofoɔ gyidie he yɛ deɛ ɔbɛhyɛ Yudasom he ma.
Asomafoɔ he Nnwuma he wɔ nkyekyɛmu ahodoɔ mmeɛnsa: (1) Kristofoɔ anammɔntuo a ɔhyɛɛ aseɛ Yerusalem, Yesu sorokɔ akyiri; (2) Bɛtrɛɛ asɛmpa he mu kɔɔ Palestina; (3) Bɛsane trɛɛ mu kɔɔ wiase fa a ɔwɔ po agya, de koduruu Roma.
Adeɛ a ho hia baako ya Asomafoɔ He Nnwuma mu ne Honhom Kronkron dwumadie a ɔde tumi baa agyidifoɔ he so ya Yerusalem berɛ a Pentekoste da he duruiɛ he. Honhom Kronkron kɔɔ soaa hyɛɛ Asafo he ne n’akannifoɔ nkrunee. Ɔbɔ Akristofoɔ a bedii kane he nsɛm mua ya asɛnka ahodoɔ mu, na nsɛm a bɛatwerɛ ya Asomafoɔ He Nnwuma mu he de kyerɛ tumi a ɔya nsɛm yi mu agyidifoɔ abrabɔ ne Asafo he ayɔnkofa mu.
MU NSƐM
Adansedie ho ahosiesie 1:1-26
1. Yesu ahyɛdeɛ ne bɔhyɛ a odi akyire 1:1-14
2. Yuda anamusini 1:15-26
Adansefoɔ ya Yerusalem 2:1—8:3
Adansedie ya Yudea ne Samaria 8:4—12:25
Paulo som adwuma 13:1—28:31
1. N’asɛnka akwantuo a odi kane 13:1—14:28
2. Yerusalem nhyiamu he 15:1-35
3. N’asɛnka akwantuo a ɔtɔ so mmienu 15:36—18:22
4. N’asɛnka akwantuo a ɔtɔ so mmeɛnsa 18:23—21:16
5. Paulo yɛ deduani ya Yerusalem, Kaesarea ne Roma 21:17—28:31
Currently Selected:
Asomafoɔ NNIANIMU: BBTP
Highlight
Share
Copy
Want to have your highlights saved across all your devices? Sign up or sign in
Bono New Testament © The Bible Society of Ghana, 2021