Asomafoɔ 6

Asafo he yii asomfo

1 # Aso 4:35 Na afei nna he mu a na asuafoɔ he ɔɔdɔɔso he, Yudafoɔ na beka Hela kasa a ɔno nti ne bɛfrɛ bɛ Helenifoɔ he nwiinwii tia Hebrifoɔ he, efiri sɛ na bebu bɛ ani gu Helenifoɔ akunafoɔ he daa daa aduane ma dwumadie so. 2Nti dummienu he frɛɛ asuafokuo he ka kyerɛɛ bɛ sɛ, “Ɔmfata sɛ yebegya Nyankopɔn asɛm hɔ akɔkyekyɛ aduane apono so. 3#1 Ti 3:7-8 Nti anuanom, ho ankasa honhwehwɛ ho mu mmeema nson a hobetumi adi bɛ ho adanse-pa, na Honhom ne nyansa ahyɛ bɛ ma, na yɛmfa saa dwumadie yi nhyɛ bɛ nsa, 4na yɛ nso yebetu yɛ ho asi hɔ ama mpaebɔ ne asɛm he nkyerɛkyerɛ.” 5#Aso 8:5 Nea bɛkaeɛ he sɔɔ nnipakuo he nyinaa ani, na beyii Stefano a gyidie ne Honhom Kronkron ahyɛ no mma, ne Filipo, Prokoro, Nikanor, Timon, Parmena ne Nikolao a ofiri Antiokia a wasakra abɛyɛ Yudani he. 6#Aso 1:24; 13:3; 14:23 Bɛde bɛ begyinaa asomafoɔ he anim, na bɛde bɛ nsa guu bɛ so bɔɔ mpaeɛ maa bɛ.

7 # Aso 19:20 Na Nyankopɔn asɛm kɔɔ so trɛeɛ, na asuafoɔ he kɔɔ so yɛɛ dodo ya Yerusalem, na Yudafoɔ som he mu asɔfoɔ mu pii gyee asɛm he diiɛ.

8Afei Stefano a na adom ne tumi ahyɛ no ma he, yɔɔ anwanwadeɛ ne nsɛnkyerɛnne akɛseɛ nnipa he mu. 9Nso nnipa bi a befiri nea bɛfrɛɛ no Ahofadiefoɔ Hyiadane he mu ne Kirenefoɔ ne Aleksandriafoɔ ne bɛ a befiri Kilikia ne Asia, sɔree sɛ bɛne Stefano oobedi anobaabaeɛ. 10#Luk 21:15 Nso bɛantumi annyina ne nyansa ne Honhom a ɔde kasaeɛ he ano. 11#Mat 26:60-66 Na betutu guu nnipa bi asum sɛ bɛnka sɛ, “Yɛate sɛ ɔɔka abususɛm atia Mose ne Nyankopɔn.” 12Na behwanyanee nnipa he ne mpanyimfoɔ he ne atwerɛfoɔ he maa bɛbaa no so mpofirem bɛkyee no kɔmaa Sanhedrin he. 13#Yer 26:11 Na bɛmaa adansekunumufoɔ bɛkaa sɛ, “Beema yi nnyae nsɛm a ɔka tia kronkronbea yi ne Mmara he; 14na yɛate sɛ ɔdɛ Yesu yi a ɔyɛ Nasareni he bedwiri bea yi agu fam na wasakra amanneɛ a Mose de maa yɛ he.” 15Berɛ a bɛ a bɛte Sanhedrin badwa he mu nyinaa hwɛɛ no dinn he, behuu sɛ n’anim te sɛ bɔfoɔ anim.

Currently Selected:

Asomafoɔ 6: BBTP

Highlight

Copy