མར་ཀུ། 5

ལེའུ་ལྔ་པ།

ཡེ་ཤུས་གདོན་འདྲེ་ཞུགས་པའི་མི་ཞིག་དྲག་ཏུ་བཅུག་པ།

1དེ་ནས་ཁོང་དིང་སློབ་མ་ཀྱ་ག་ལིལ་ལུང་པའི་མཚོ་ཕར་ཀན་ལེ་འོད་ཡོད་གེ་ར་སཱ་ལུང་པ་ལེ་ཕེབས་ཏེ། 2ཁོང་རང་གྲུ་ནས་བབས་ལོང་མེད། དུར་ཁྲོད་ནས་གདོན་འདྲེ་ཞུགས་པའི་མི་ཞིག་ཁོང་ལེ་མཇལ་དུ་འོངས་པི་དིག 3མི་དེ་ནམ་རྒྱུན་དུ་དུར་ཁྲོད་ལེ་སྡོད་དི་མ་ཟད། མི་སུ་ཞིག་གིས་ཟང་ཁོ་ཟིན་ཏེ་ལྕགས་ཐག་གིས་བཀྱིགས་མི་ནུས་འོད་དིག 4ཅི་ལེ་ཟེར་ནི། ལུང་པ་དེའི་མི་ཀྱ་ཀྱིས་ལེན་མ་མང་པོ་མི་དེ་ལེ་ལྕགས་ཐག་གིས་རྐང་ལག་བཀྱིགས་པི་དིག ཡིན་ནའང་། ཁོས་ལྕགས་ཐག་འཐེན་ཏེ་དུམ་བུ་དུམ་བུ་བཏང་ཕེན། མི་སུ་ཞིག་གིས་ཟང་བཏུལ་མ་ཐུབ་པི་དིག 5ཁོ་ཉིན་མཚན་མེད་དུར་ཁྲོད་དིང་། རི་ཁྲོད་ལེ་སྐད་བརྒྱབ་ཏེ། རང་གི་གཟུགས་པོ་ལེ་རྡོ་རྒྱག་གྱོ་འོད་དིག 6དེ་ནས་ཁོས་རྒྱང་རིང་པོ་ནས་ཡེ་ཤུ་མཐོང་ཕེན། ཁོང་གི་མདུན་ལེ་རྒྱུགས་འོངས་ཏེ་ཡེ་ཤུ་ལེ་བརྐྱངས་ཕྱག་འཚལ་ལི་དིག 7-8ཡེ་ཤུས་གདོན་འདྲེ་ཁོ་ལེ་ཁྱོད་མིའི་ལུས་ནས་ཕྱི་ལེ་ཐོན་ལེད་ཟིན་བཀའ་གནང་ཕེན། གདོན་འདྲེ་དེ་སྐད་ཆེན་པོས་ངང་བླ་ན་མེད་པའི་དཀོན་མཆོག་གི་སྲས་ཡེ་ཤུ། ཁྱེད་དིང་ང་བར་ལེ་འབྲེལ་བ་ཅི་འོད་དོ། དཀོན་མཆོག་གི་མཚན་ནང་དུ་ངས་ཁྱེད་ལེ་ཞུ་བ་འབུལ་གྱོ་འོད། ཁྱེད་ཀྱིས་ང་ལེ་མནར་གཅོད་མ་བཏོང་རོགས་གནང་ཟིན་ཞུས་པི་དིག 9དེ་ནས་ཁོང་གིས་ཁྱོད་ཀྱི་མིང་ལེ་ཅི་ཟིན་འོད་དོ་ཟིན་དྲིས་ཏེ། ངའི་མིང་ལེ་དམག་ཁྱུ་ཟིན་འོད། ཅི་ལེ་ཟེར་ནི། ཉེད་ཀྱ་ཁྱུ་མང་པོ་འོད། 10ཉེད་ཀྱ་འདི་ནས་ལུང་པ་གཞན་ལེ་མ་བུད་རོགས་གནང་ཟིན་ཁོང་ལེ་ཞུ་བ་ཡང་ཡང་ཕུལ་ལི་དིག 11དེ་རྒྱ་ཕག་རྫི་ཞིག་གིས་ཕག་ཁྱུ་ཆེན་པོ་ཞིག་རི་ཁྲོད་ལེ་འཚོ་འོད་དི་དིང་། 12གདོན་འདྲེ་དེ་ཀྱ་ཀྱིས་ཡེ་ཤུ་ལེ། ཉེད་ཀྱ་ཕག་ཁྱུའི་ནང་ལེ་འགྲོ་རུ་འཇུག་རོགས་གནང་ཟིན་ཞུ་བ་ཕུལ་ལི་དིག 13དེ་ནས་ཁོང་གིས་ཟང་གདོན་འདྲེ་དེ་ཀྱ་ཀྱིས་སྨྲས་པའི་ཅོག་འདྲ་ཆོག་མཆན་གནང་སྟེ། གདོན་འདྲེ་དེ་ཀྱ་མིའི་ལུས་ནས་ཐོན་ཏེ་ཕག་གི་ནང་ལེ་འཛུལ་ལི་དིག ཕག་གཉིས་སྟོང་ཚོད་འོད་ཡོད་ཀྱ་བྲེལ་འཚུབ་འཚུབ་ངང་ནས་གཡང་ནས་མཆོངས་ཏེ་མཚོའི་ནང་ལེ་ཐིམ་སྟེ་ཤི་པི་དིག 14དེ་ནས་ཕག་རྫི་དེ་ཡུལ་ལེ་བྲོས་ཏེ་ཡུལ་མི་ཀྱ་ལེ་གནས་ཚུལ་དེ་བཤད་ཕེན། ཡུལ་མི་ཀྱ་ཟང་ཅི་བྱས་འོད་མེད་ལྟ་རུ་འོངས་པི་དིག 15དེ་ནས་དེ་སྔོན་དམག་ཁྱུ་ཟེར་རི་གདོན་འདྲེ་ཞུགས་པའི་མི་དེ་ནི་དྲན་པ་གསོས་ཏེ་འོད་དི་མ་ཟད། ལུས་ལེ་གོས་གྱོན་ཏེ་ཡེ་ཤུའི་སྐྱེན་ལེ་བསྡད་འོད་དི་མཐོང་ཕེན། མི་དེ་ཀྱ་འཁྱར་སྣང་ཆེན་པོ་བྱུང་པི་དིག 16དེ་ནས་གནས་ཚུལ་འདི་མཐོང་མཁན་མི་ཀྱ་ཀྱིས་གདོན་འདྲེ་ཞུགས་པའི་མི་དེའི་སྐོར་དིང་། ཡང་ཕག་ཁྱུ་ལེ་བྱུང་པའི་གནས་ཚུལ་དེ་མི་ཚོགས་ཀྱ་ལེ་བཤད་ཕེན། 17ཡུལ་མི་ཀྱ་ཀྱིས་ཡེ་ཤུ་ལེ། ཁྱེད་ཀྱ་ལུང་པ་འདི་རུ་མ་སྡོད་རོགས། ས་ཆ་གཞན་མ་ལེ་ཕེབས་རོགས་ཟིན་ཞུ་བ་ཕུལ་ལི་དིག 18དེ་ནས་ཡེ་ཤུ་གྲུའི་ནང་ལེ་བཞུགས་ཏེ་ཕེབས་འགྲོ་རྒྱ། གདོན་འདྲེ་ཞུགས་པའི་མི་ཁོས་ཁོང་ལེ། ང་ཟང་ཁྱེད་ཀྱི་སྐྱེན་ལེ་འོང་དུ་འཇུག་རོགས་གནང་ཟིན་ཞུ་བ་ཕུལ་ལི་དིག 19ཡིན་ནའང་། ཁོང་གིས་ཁས་ལེན་མ་བྱས་ཏེ། མི་ཁོ་ལེ། ཁྱོད་རང་ནང་ལེ་ལོག་རྒྱུགས་ཤིག དཀོན་མཆོག་གིས་ཁྱོད་ལེ་ཅི་གི་བྱས་ཏེ་དྲག་ཏུ་བཅུག་པའི་སྐོར་དིང་། ཅི་གི་བྱས་ཏེ་སྙིང་རྗེ་གནང་པའི་གནས་ཚུལ་དེ་ཡེ་རེ་རང་གི་ནང་མི་དིང་གཉེན་ཚན་ཀྱ་ལེ་ཤོད་ཅིག་ཟིན་གསུངས་པི་དིག 20དེ་ནས་མི་དེས་ཡུལ་སྡེ་བཅུ་ཟེར་རི་ལུང་པ་ལེ་ལོག་སྟེ། རང་ལེ་ཡེ་ཤུས་ཅི་མཛད་པའི་གནས་ཚུལ་དེ་རང་གི་ནང་མི་དིང་གཉེན་ཚན། ཡུལ་ཕྱོགས་ཀུན་ལེ་བཤད་དི་མ་ཟད། ཐོས་མཁན་ཡེ་རེ་ཟང་ཧ་ལས་པི་དིག#5.20 གེ་རིག་སྐད་ལུགས་ནང་ལེ་གྲོང་སྡེ་བཅུ་ཟེར་རི་འདིའི་མིང་ལེ། དེ་ཁ་པོ་ལེ་ཟིན་འོད་དིག

ཤི་ཚར་བའི་བུ་མོ་ཞིག་ཡང་དང་གསོན་དུ་བཅུག་པ།

21དེ་ནས་ཡང་ཡེ་ཤུ་དིང་སློབ་མ་ཀྱ་གྲུ་ལེ་བཞོན་ཏེ་ཡང་དང་མཚོའི་ཕར་ཀན་ལེ་ཕེབས་ཕེན། མི་ཚོགས་མང་པོ་ཞིག་ཟང་ཁོང་གི་དྲུང་དུ་སླེབས་ཏེ། ཁོང་མཚོའི་འགྲམ་ལེ་བཞུགས་པི་དིག 22དེ་ནས་ཡ་ཧུ་དཱ་པའི་ཚོགས་ཁང་གི་འགོ་ཁྲིད་མིང་ལེ་ཡ་ཨིར་ཟེར་མཁན་ཁོ་ཡེ་ཤུ་དྲུང་དུ་འོངས་ཏེ། ཁོས་ཡེ་ཤུ་ལེ་བརྐྱངས་ཕྱག་འཚལ་ཏེ། 23ངའི་བུ་མོ་ཆུང་མ་དེ་ཤི་ལྷག་འདུག བུ་མོ་ནད་ནས་ཐར་རྒྱུ་ཆེད་དུ། ཁྱེད་ངའི་ནང་ལེ་ཕེབས་ཏེ་ཕྱག་དབང་གནང་རོགས་ཟིན་ཞུས་པི་དིག 24དེ་ནས་ཡེ་ཤུ་ཟང་མི་ཁོའི་སྐྱེན་ལེ་ཕེབས་གནང་པི་མ་ཟད། མི་ཚོགས་མང་པོ་ཞིག་ཟང་ཁོང་གི་རྗེས་ལེ་འབྲངས་ཏེ་འཚང་ཁ་བརྒྱབ་པི་དིག

25དེ་རྒྱ་ལོ་བཅུ་གཉིས་བར་དུ་ཟླ་ནད་ཐོན་ཏེ་ནད་པ་བྱུང་བའི་བུ་མའ་ཞིག་འོད་དིག 26མོས་ཨེམ་ཆི་མང་པོ་ལེ་བསྟན་ནའང་། ཨེམ་ཆི་ཀྱ་ཀྱིས་མོ་ལེ་སྨན་བཅོས་མ་ཐུབ་ཕེན་སྡུག་བསྔལ་མང་པོ་མྱངས་པི་མ་ཟད། རང་ལེ་འོད་ཡོད་རྒྱུ་ནོར་ཡེ་རེ་ཟང་སྨན་བཅོས་བྱས་ཏེ་རྫོགས་པི་དིག ཡང་མོ་རང་འོད་ན་ཚ་དེ་ཟང་སྡུག་ཏུ་བུད་དིག 27-28མོས་ཡེ་ཤུའི་སྐོར་ལེ་ཐོས་ཕེན། མོས་རང་གིས་རང་ལེ། གལ་སྲིད་ངས་ཁོང་གི་ནམ་བཟའ་ལེ་པ་རྐྱང་ལག་ག་ཐུག་ཚོད་ཞིག་བྱས་པི་ཡིན་ནི། ང་ན་ཚ་འདི་ནས་ཐར་འཐུབ་ཀྱི་དིག་བསམས་ཕེན། མོ་མི་ཚོགས་ཀྱི་དཀྱིལ་ནས་ཡེ་ཤུའི་རྒྱབ་ལེ་འོངས་ཏེ། ཁོང་གི་ནམ་བཟའ་ལེ་ལག་ག་ཐུག་ཚོད་བྱས་པི་དིག 29དེ་ལོང་མེད་ལུས་ནས་ཁྲག་འཐོན་རྒྱུ་མཚམས་ཆད་དི་མ་ཟད། མོ་རང་ན་ཚ་ནས་དྲག་པི་ཧ་གོ་པི་དིག 30ཡང་དེ་ལོང་མེད་ཡེ་ཤུས་རང་གི་ནུས་མཐུ་དེས་ན་ཚ་དྲག་ཏུ་བཙུགས་པི་དེ་མཁྱེན་ཕེན། ཁོང་མི་ཚོགས་ཀྱི་དཀྱིལ་ལེ་ཞལ་ཚུར་འཁོར་ཏེ། མི་སུས་ངའི་གོས་ལེ་ལག་ག་ཐུག་སོང་ཟིན་དྲིས་ཕེན། 31ཁོང་གི་སློབ་མ་ཀྱ་ཀྱིས་ཁོང་ལེ། མི་ཚོགས་མང་པོས་ཁྱེད་ཀྱི་མཐའ་བསྐོར་ཏེ་འཚང་ག་གྱོ་འོད་དི་ཁྱེད་ཀྱིས་གཟིགས་ནའང་། ད་རུང་མི་སུས་ང་ལེ་ཐུག་སོང་ཟེར་རི་ཡིན་དོ་ཞུས་པི་དིག 32ཡིན་ནའང་། ཁོང་གིས་རང་ལེ་ལག་ག་ཐུག་མཁན་དེ་སུ་ཡིན་མིན་མཐའ་བསྐོར་གྱི་མི་ཀྱ་ལེ་གཟིགས་གནང་པི་དིག 33དེ་ནས་བུ་མའ་མོས་ཟང་རང་གི་ལུས་ལེ་ཅི་བྱུང་པི་དི་ཧ་གོ་ཕེན། འཇིགས་ཏེ་འདར་འཁྲུག་འཁྲུག་ངང་ནས་ཁོང་གི་དྲུང་དུ་བརྐྱངས་ཕྱག་འཚལ་ཏེ། མོས་ཅི་བྱས་པི་དེ་ཡེ་རེ་ཁོང་ལེ་དྲང་པོ་ཞུས་པི་དིག 34ཡང་ཡེ་ཤུས་མོ་ལེ། བུ་མོ། ཁྱོད་ཀྱིས་ངས་དྲག་ཐུབ་པའི་ནུས་པ་འོད་དི་ཡིད་ཆེས་བྱས་ཕེན། ངས་ཁྱེད་རང་དྲག་ཏུ་བཅུགས་པི་ཡིན། ད་ཁྱོད་རང་བློ་བདེ་མོའི་ངང་ནས་ལོག་རྒྱུགས། དུས་ད་ནས་ཕྱིན་ཆད། ཁྱོད་རང་ན་ཚ་ནས་དྲག་པི་དིག་ཟིན་གསུངས་པི་དིག 35ཁོང་གིས་འོ་དེ་གི་གསུང་གནང་རྒྱ། ཡ་ཧུ་དཱ་པའི་ཚོགས་ཁང་གི་འགོ་ཁྲིད་ཁྱིམ་ནས་མི་ཁ་ཤས་འོངས་ཏེ། ཁྱོད་ཀྱི་བུ་མོ་ཤི་ཚར་སོང་། སློབ་དཔོན་ཁོང་ལེ་འོ་བརྒྱལ་ཅི་ལེ་བཟོས་ཡིན་དོ་སྨྲས་པི་དིག 36ཡིན་ནའང་། ཡེ་ཤུས་མི་དེ་ཀྱ་ཀྱིས་ལབ་ལེ་ཁ་ཡ་མ་གནང་སྟེ། འགོ་ཁྲིད་ཁོ་ལེ་ཟང་། ཁྱོད་རང་འཁྱར་སྣང་མ་བགྱིད། དད་པ་པ་རྐྱང་གྱིས་ཤིག་ཟིན་གསུངས་པི་དིག 37དེ་ནས་ཁོང་གིས་རང་གི་སློབ་མ་པེ་ཏྲོ་དིང་། ཡ་ཀོབ། ཡ་ཀོབ་ཀྱི་སྤུན་ཡོ་ཧ་ནན་དེ་གསུམ་པོ་ཀྱ་མ་གཏོགས། ཁོང་གི་སྐྱེན་ལེ་གཞན་མི་སུ་གཅིག་ཟང་འོང་དུ་མ་བཅུག་པི་དིག 38ཡང་ཁོང་ཀྱ་འགོ་ཁྲིད་ཀྱི་ཁྱིམ་ལེ་ཕེབས་གནང་རྒྱ། དེ་རུ་མི་མིང་པོ་ཅ་ཅོ་སྒྲ་དིང་ངུ་སྐད་འོད་དི་གཟིགས་ཕེན། 39ཁོང་གིས་མི་འདི་ཀྱ་ལེ། ཁྱེད་ཀྱ་ཀྱིས་ཅི་ལེ་ཅ་ཅོ་སྒྲ་དིང་ངུ་སྐད་རྒྱག་གི་ཡིན་དོ། བུ་མོ་མ་ཤི་འདུག གཉིད་ཤོར་བསྡད་འདུག་ཟིན་གསུངས་ཕེན། 40མི་དེ་ཀྱ་ཀྱིས་ཁོང་ལེ་ཁྲེལ་དགོད་བརྒྱབ་པི་དིག དེ་ནས་ཡེ་ཤུས་མི་འདི་ཡེ་རེ་ཕྱི་ལེ་བུད་གནང་སྟེ། བུ་མོའི་ཕ་མ་གཉིས་དིང་། སློབ་མ་གསུམ་པོ་དེ་ཀྱ། བུ་མོའི་རོ་འོད་ས་ལེ་ཁྲིད་གནང་ཕེན། 41ཡེ་ཤུས་བུ་མོའི་ལག་ག་ནས་འཇུས་ཏེ། ཁོང་རང་གི་སྐད་ལུགས་ཨཱ་རཱ་མེཀ་ནང་ལེ། ཏ་ལི་ཐཱ་ཀུ་མི་ཟིན་གསུངས་པི་དིག དོན་དག་དེ་ནི། བུ་མོའོ། ངས་ཁྱོད་རང་ཡར་ལོངས་དང་ཟེར་རི་ཡིན་དིག 42དེ་ལོང་མེད་ལོ་བཅུ་གཉིས་ཡིན་དི་བུ་མོ་དེ་ཡར་ལངས་ཏེ། གོམ་པ་བརྒྱབ་སྟེ་ཕར་འགྲོ་ཚུར་འགྲོ་བྱས་ཕེན། སློབ་མ་གསུམ་པོ་དིང་བུ་མོའི་ཕ་མ་གཉིས་འཇུ་གུ་ཧ་ལས་པི་དིག 43ཡང་ཡེ་ཤུས་བུ་མོའི་ཕ་མ་གཉིས་ཀྱ་ལེ། གནས་ཚུལ་འདིའི་སྐོར་མི་གཞན་ལེ་མ་ཟེར་ཅིག་ཟིན་ནན་ཏན་བྱས་ཏེ་བཀའ་གནང་པི་རྗེས་ལེ། ད་བུ་མོ་འདི་ལེ་ཟ་མ་ཞིག་གཏོད་དང་གསུངས་པི་དིག །

Currently Selected:

མར་ཀུ། 5: DLPO

Highlight

Copy