མར་ཀུ། 11

ལེའུ་བཅུ་གཅིག

ཡེ་ཤུ་ཡེ་རུ་ས་གླིང་རྒྱལ་ས་ལེ་ཕེབས་པ།

1དེ་ནས་ཡང་ཁོང་དིང་སློབ་མ་ཀྱ་ཡེ་རུ་ས་གླིང་ཉེ་འགྲམ་ལེ་ཕེབས་རྒྱ། སྐྱུ་རུ་རིའི་ངོས་ལེ་འོད་ཡོད་པེ་ཕཱ་གེ་དིང་པེ་ཐན་ཡཱ་ཟེར་རི་ཡུལ་སྡེ་དེ་ལེ་ཡེ་ཤུས་རང་གི་སློབ་མ་གཉིས་སྔོན་ལེ་བརྫངས་ཏེ། 2སློབ་མ་ཀྱ་ལེ། ཁྱེད་ཀྱི་མདུན་ལེ་འོད་ཡོད་ཕ་གེར་ཡུལ་སྡེ་དེ་ལེ་རྒྱུགས་དང་། དེ་རུ་མི་སུས་ཟང་བཞོན་མྱོང་མེད་མེད་ལོ་གཉིས་ཚོད་ཡིན་མཁན་བོང་ཕྲུག་ཅིག་བཏགས་ཏེ་བོར་འོད་དི་མཐོང་གྱི་དིག དེ་ནས་ཁྱེད་གཉིས་ཀྱིས་བོང་ཕྲུག་དེ་བཀྲོལ་ཏེ་འདི་རུ་ཁྲིད་ལེད། 3གལ་སྲིད་མི་གཞན་གྱིས་ཁྱེད་གཉིས་ལེ་བོང་ཕྲུག་ཅི་ལེ་བཀྲོལ་ལི་ཡིན་དོ་ཟིན་དྲིས་ནི། ཉེད་ཀྱི་ཇོ་བོ་ལེ་དགོས་པ་འདུག ཁོང་གིས་མགྱོགས་པོ་ཕ་ལེ་ལོག་རྫོངས་ངོ་ཟིན་འདུག་སྨྲོས་ཤིག་ཟིན་གསུངས་པི་དིག 4དེ་ནས་ཁོང་གཉིས་ཡུལ་དེ་ལེ་ཕྱིན་ཏེ། བོང་ཕྲུག་ཞིག་ཁྱིམ་གྱི་སྒོ་རྩ་ལེ་བཏགས་བོར་འོད་དི་མཐོང་སྟེ། ཁོང་གཉིས་ཀྱིས་བོང་ཕྲུག་དེ་བཀྲོལ་རྒྱ། 5དེ་རུ་ལངས་ཏེ་བསྡད་འོད་ཡོད་མི་ཁ་ཤས་ཞིག་གིས་ཁོ་གཉིས་ལེ། བོང་ཕྲུག་དེ་ཅི་ལེ་བཀྲོལ་ལི་ཡིན་དོ་ཟིན་དྲིས་པི་དིག 6དེ་ནས་ཁོ་གཉིས་ཀྱིས་ཟང་ཡེ་ཤུས་ཅི་གསུངས་པི་ཅོག་འདྲ་སྨྲས་ཕེན། མི་དེ་ཀྱ་ཀྱིས་ཟང་ཁོ་གཉིས་ལེ་ཁྲིད་དུ་བཅུག་པི་དིག 7དེ་ནས་བོང་ཕྲུག་དེ་ཡེ་ཤུའི་དྲུང་དུ་ཁྲིད་འོངས་ཏེ། ཁོ་གཉིས་ཀྱིས་རང་གི་ཕྱི་གོས་བུད་དེ་བོང་ཕྲུག་དེའི་ལྟག་ག་ལེ་བཏིང་པི་མ་ཟད། ཁོང་ཟང་བོང་ཕྲུག་དེའི་ལྟག་ག་ལེ་བཅིབས་པི་དིག 8ཡང་དེ་རྒྱ་མི་མང་པོ་ཞིག་གིས་ཟང་རང་གི་ཕྱི་གོས་བུད་དེ་ཁོང་གི་ཕེབས་ལམ་ལེ་བཏིང་པི་མ་ཟད། ཡང་མི་གཞན་མ་ཀྱ་ཀྱིས་ཞིང་ནང་ལེ་འོད་ཡོད་སྡོང་པོའི་ཡལ་ག་ལེ་ལོ་མ་མང་པོ་འོད་ཡོད་དེ་ཀྱ་བཅད་དེ། ཁོང་གི་ཕེབས་ལམ་ལེ་བཏིང་པི་དིག 9ཡང་ཁོང་གི་མདུན་ལེ་འགྲོ་མཁན་དིང་རྒྱབ་ལེ་འོང་མཁན་མི་ཀྱ་ཀྱིས་སྐད་ཆེན་པོས་ངང་ནས། དཀོན་མཆོག་ལེ། ཧོ་ཟན་ནཱ། ཇོ་བོའི་མཚན་གྱི་བརྒྱུད་ནས་ཕེབས་མཁན་ཁྱེད་ལེ། བྱིན་གྱིས་རླབས་པར་ཤོག་ཟིན་འོད་དིག#11.9 ཧོ་ཟན་ནཱ་ཟེར་རི་དོན་དེ་ནི། དཀོན་མཆོག་ལེ་བསྟོད་པར་ཤོག་ཟེར་རི་དིག ཟེར་ལུགས་དེ་ནི་ཨིབ་རི་པའི་སྐད་ཡིན་དིག ཚིགས་བཅད་དེ་ནི་གསུང་མགུར་མདོ་ལེའུ་ 118 ཨང་ 26 ནང་ལེ་གཟིགས་རོགས། 10འུ་ཀྱ་ཀྱི་མེས་མེས་དཱ་བིད་ཀྱི་རྒྱལ་ཁབ་སླེབས་པི་དེ་ལེ་བྱིན་རླབས་ཆེའོ། ཞིང་ཁམས་ལེ་བཞུགས་མཁན་བླ་ན་མེད་པའི་དཀོན་མཆོག་ལེ་བསྟོད་པ་འབུལ་ལོ་ཟིན་སྐད་མང་པོ་རྒྱག་གྱོ་འོད་དིག 11དེ་ནས་ཡེ་ཤུས་ཡེ་རུ་ས་གླིང་རྒྱལ་སའི་མཆོད་ཁང་ཡེ་རེ་ལེ་ལྟ་སྐོར་ཕེབས་ཏེ། ནམ་ལ་ཕྱི་མོ་བྱུང་ཕེན། ཁོང་སློབ་མ་བཅུ་གཉིས་ཀྱ་ཀྱི་སྐྱེན་ལེ་པེ་ཐན་ཡཱ་ཡུལ་ལེ་རང་འཇགས་ལོག་ཕེབས་པི་དིག

འབྲས་བུ་མེད་མེད་སྡོང་པོ།

12དེའི་སྔ་དྲོ་ཁོང་ཀྱ་ཡང་དང་པེ་ཐན་ཡཱ་ཡུལ་ནས་ཡེ་རུ་ས་གླིང་ལེ་འགྲོ་རྒྱ། ཁོང་གྲོད་པ་ལྟོགས་པི་དིག 13དེ་ནས་ཁོང་གིས་རྒྱང་རིང་པོ་ནས་བསེ་ཡབ་སྡོང་པོ་ཞིག་འོད་དི་གཟིགས་ཕེན། སྡོང་པོ་དེ་ལེ་ཤིང་ཏོག་སྨིན་འོད་འདྲོ་བསམས་ཏེ། སྡོང་པོ་དེའི་རྩ་ལེ་ཕེབས་པི་དིག ཡིན་ནའང་། སྡོང་པོ་དེ་ལེ་ལོ་མ་པ་རྐྱང་མན་དི་གཞན་ཅི་གང་མེད་དི་གཟིགས་པི་དིག ཅི་ལེ་ཟེར་ནི། སྡོང་པོ་དེ་ལེ་ཤིང་ཏོག་སྨིན་པའི་དུས་ཚོད་དེ་སླེབས་མེད་དིག 14དེ་ནས་ཡེ་ཤུས་སྡོང་པོ་དེ་ལེ་གཟིགས་ཏེ། དུས་ད་ནས་ཕྱིན་ཆད། སྡོང་པོ་ཁྱོད་ཀྱི་ཤིང་ཏོག་དེ་མི་སུ་ཞིག་གིས་ཟང་མི་བཟའ་བར་ཤོག་ཟིན་གསུངས་པི་དེ་སློབ་མ་ཀྱ་ཀྱིས་ཐོས་པི་དིག

མཆོད་ཁང་ནང་གི་ཚོང་པ་ཕྱི་ལེ་བུད་པ།

15དེ་ནས་ཁོང་ཀྱ་ཡེ་རུ་ས་གླིང་རྒྱལ་ས་རུ་སླེབས་པི་དིང་། ཁོང་རང་མཆོད་ཁང་ནང་ལེ་ཕེབས་པི་དིག མཆོད་ཁང་གི་དྭངས་རའི་ནང་ལེ་དམར་མཆོད་ཀྱི་ཆེད་དུ། ཕུང་མོ་ཚོང་མཁན་དིང་། ཉོ་མཁན་ཡེ་རེ་ཕྱི་ལེ་བུད་དི་མ་ཟད། དངུལ་རྗེ་མཁན་གྱི་ཅོག་ཙེ་དེ་ཟང་ས་ལེ་ཨ་ལོག་བརྒྱབ་པི་དིག 16ཡང་མི་སུ་ལེ་ཟང་མཆོད་ཁང་གི་དྭངས་རའི་ནང་ལེ། ཚོང་ཟོག་འཁྱེར་ཏེ་ཡར་འགྲོ་མར་འགྲོ་བགྱིད་དུ་མ་བཅུག་པི་དིག 17དུས་དེ་རྒྱ་ཁོང་གིས་མི་ཀྱ་ལེ། དཀོན་མཆོག་གིས་གསུང་རབ་ཀྱི་མདོ་ནང་ལེ་ཟང་། ངའི་ཁྱིམ་ནི་མི་རིགས་ཡེ་རེའི་ཆེད་དུ། གསོལ་བ་སྨོན་ལམ་འདེབས་ས་ཡིན་དིག་ཟིན་གསུངས་འོད་དི་མ་དིག་གས། ཡིན་ནའང་། ཁྱེད་ཀྱ་ཀྱིས་ཇག་པའི་ཚང་ཅོག་འདྲ་བཟོས་འདུག་ཟིན་གསུངས་པི་དིག#11.17 ཚིགས་བཅད་འདི་ནི་ལུང་སྟོན་པ་ཡེ་རེམ་ཡཱས་བྲིས་པའི་མདོ་ལེའུ་ 7 ཨང་ 11-15 ནང་ལེ་གཟིགས་རོགས། 18དེ་རྒྱ་མཆོད་ཁང་དེ་རུ་ཡ་ཧུ་དཱ་པའི་མཆོད་པ་འབུལ་མཁན་ཀྱ་དིང་། ཆོས་ཁྲིམས་མཁས་པ་ཀྱ་ཟང་འོད་ཕེན། ཁོང་ཀྱ་ཀྱིས་ཟང་གསུངས་དེ་ཐོས་ཏེ། ཁོང་ཀྱ་ཀྱིས་ཡེ་ཤུ་ཅི་གི་བྱས་ཏེ་གསོད་རྒྱུ་ཟིན་ཐབས་ཤེས་འཚོལ་གྱོ་འོད་དི་མ་ཟད། འཁྱར་སྣང་ཟང་བགྱིད་འོད་དིག ཅི་ལེ་ཟེར་ནི། མི་ཚོགས་ཡེ་རེས་ཡེ་ཤུས་བསླབ་བྱ་བསྟན་གནང་པི་དེ་ལེ་ངོ་མཚར་ཆེན་པོ་སྐྱེས་པི་དིག 19དེ་ནས་ཡང་དགོང་མོ་དུས་ལེ། ཡེ་ཤུ་དིང་སློབ་མ་ཀྱ་ཡེ་རུ་ས་གླིང་རྒྱལ་སའི་ཕྱི་ལེ་ཕེབས་པི་དིག

ཤིང་ཏོག་མེད་མེད་བསེ་ཡབ་སྡོང་པོའི་སྐོར།

20ཡང་སྔ་དྲོ་ཁོང་ཀྱ་ལམ་ལེ་འགྲོ་རྒྱ། ཤིང་ཏོག་སྨིན་མེད་མེད་སེབ་ཡབ་སྡོང་པོ་དེ་ནི། རྩ་བ་ནས་བསྐམས་འོད་དེ་མཐོང་ཕེན། 21པེ་ཏྲོས་ཡེ་ཤུས་སེབ་ཡབ་སྡོང་པོ་དེ་ལེ་ཅི་གསུངས་གནང་པི་དེ་དྲན་ཏེ། སློབ་དཔོན། གཟིགས་དང་། ཁྱེད་ཀྱིས་མི་སུ་ཞིག་གིས་ཟང་མ་བཟའ་པར་ཤོག་གསུངས་པའི་སྡོང་པོ་དེ་བསྐམས་འདུག་ཟིན་ཞུས་ཕེན། 22ཡེ་ཤུས་ཁོང་ཀྱ་ལེ། ཁྱེད་ཀྱ་ཀྱིས་དཀོན་མཆོག་ལེ་དད་པ་གྱིས་ཤིག 23ང་ཁྱེད་ཀྱ་ལེ་བདེན་པ་ཟེར་རོ། མི་སུ་ཞིག་གིས་རི་འདི་ལེ། ད་རྒྱ་མཚོའི་ནང་ལེ་ཐིམ་རྒྱུགས་ཤིག་སྨྲས་ནི། སྨྲས་པི་ཅོག་འདྲ་འགྲུབ་ཀྱི་དིག་ཟིན་སེམས་ལེ་ཐེ་ཚོམ་མེད་དི་དད་པ་བྱས་ནི། མི་དེའི་ཆེད་དུ་དོན་དེ་འགྲུབ་ཀྱི་དིག 24འོ་དེ་ལེ་བརྟེན་ཏེ། ང་ཁྱེད་ཀྱ་ལེ་ཟེར་རོ། ཁྱེད་ཀྱ་ཀྱིས་གསོལ་བ་སྨོན་ལམ་ཅི་ཞིག་བཏབ་ནའང་། དེ་ཁྱེད་ཀྱ་ལེ་ཐོབ་ཚར་རི་དད་པ་གྱིས་དང་འཐོབ་ཀྱི་དིག 25ཡང་ནམ་མཁའི་ཞིང་ཁམས་ལེ་བཞུགས་མཁན་ཁྱེད་ཀྱ་ཀྱི་ཡབ་ཆེན་ཁོང་གིས་ཟང་། ཁྱེད་ཀྱ་ཀྱི་སྡིག་ཉེས་ཀྱ་སེལ་རྒྱུ་ཆེད་དུ། ཁྱེད་ཀྱ་ཀྱིས་གསོལ་བ་སྨོན་ལམ་འདེབས་རྒྱ། མི་གཞན་མ་ཞིག་ལེ་སྙིང་ནད་འོད་ནི། རང་གི་སེམས་གཏིང་ནས་སྙིང་ནད་དེ་དགོངས་ཡངས་གཏོང་དང་ཟིན་གསུངས་པི་དིག 26#11.26 མར་ཀུས་བྲིས་པའི་གཏམ་བཟང་བཤུས་ཡིག་སྔ་ཤོས་ནང་ལེ་ཨང་ 26 འདི་མེད་དིག

ཡེ་ཤུའི་དབང་དིང་ནུས་མཐུའི་སྐོར།

27དེ་ནས་ཡང་ཁོང་དིང་སློབ་མ་ཀྱ་སྐྱེན་ལེ་ཡེ་རུ་ས་གླིང་རྒྱལ་ས་ལེ་ཕེབས་གནང་པི་མ་ཟད། ཁོང་རང་ཡ་ཧུ་དཱ་པའི་མཆོད་ཁང་ལེ་ཕེབས་པི་དིག དེ་ནས་མཆོད་པ་འབུལ་མཁན་ཀྱ་དིང་། ཆོས་ཁྲིམས་མཁས་པ་ཀྱ་དིང་། ཡང་རྒན་མི་ཀྱ་ཁོང་གི་མདུན་དུ་འོངས་ཏེ། 28ཁྱོད་ཀྱིས་སུའི་དབང་ཆ་ལེ་དོན་དེ་ཀྱ་བགྱིད་དི་ཡིན་དོ། ཡང་ནི་མི་སུ་ཞིག་གིས་ཁྱོད་ལེ་དོན་དེ་ཀྱ་བགྱིད་རྒྱུ་ལེ་དབང་ཆ་གཏད་བྱུང་གོ་ཟིན་དྲིས་ཕེན། 29ཡེ་ཤུས་མི་དེ་ཀྱ་ལེ། ངས་ཟང་ཁྱེད་ལེ་དྲི་བ་གཅིག་འདྲི་གྱི་ཡིན། ཁྱེད་ཀྱ་ཀྱིས་ཟང་དྲི་བ་འདི་ལེ་ལན་སློགས་དང་། ངས་ཟང་དོན་དེ་སུའི་དབང་ཆ་ལེ་བགྱིད་འོད་མེད་ཟེར་རོ། 30ཡོ་ཧ་ནན་གྱིས་ཁྲུས་གསོལ་བྱས་པའི་དབང་ཆ་དེ་ནི། དཀོན་མཆོག་གི་ཞིང་ཁམས་ནས་བྱུང་པི་ཡིན་གོ། ཡང་ནི། མི་ནས་བྱུང་པི་ཡིན་གོ། ང་ལེ་ལན་སློགས་དང་ཟིན་གསུངས་ཕེན། 31མི་དེ་ཀྱ་ཀྱིས་ཕན་ཚུན་གཅིག་གིས་གཅིག་ལེ་གྲོས་གླེང་བྱས་ཏེ། གལ་སྲིད་དཀོན་མཆོག་ནས་བྱུང་པི་ཡིན་དིག་སྨྲས་ནི། ཁོང་གིས་འོ་ནེ། ཁྱེད་ཀྱ་ཀྱིས་ཅི་ལེ་ཡོ་ཧ་ནན་ལེ་ཡིད་ཆེས་མི་བགྱིད་དི་ཡིན་དོ་ཟེར་གྱི་དིག 32ཡང་མི་ནས་ཡིན་དིག་སྨྲ་ནི། མི་ཡེ་རེས་ཡོ་ཧ་ནན་ཁོ་རང་ངོ་ཐོག་ལུང་སྟོན་པ་ཞིག་ཡིན་དི་བརྩིས་པའི་རྐྱེན་གྱིས་མི་ཚོགས་ལེ་འཇིགས་པི་དིག 33དེ་ནས་མི་དེ་ཀྱ་ཀྱིས་ཡེ་ཤུ་ལེ། ཉེད་ཀྱ་ལེ་ཆ་མེད་ཟིན་ལན་བསློགས་ཕེན། ཡེ་ཤུས་ཟང་མི་དེ་ཀྱ་ལེ། ངས་ཟང་སུའི་དབང་ཆ་ལེ་བརྟེན་ཏེ་བགྱིད་འོད་མེད་ཤོད་རྒྱུ་མན་ཟིན་གསུངས་པི་དིག །

Currently Selected:

མར་ཀུ། 11: DLPO

Highlight

Copy