ལུ་ཀཱ། 18

ལེའུ་བཅོ་བརྒྱད།

ཁྲིམས་དཔོན་དིང་ཡུགས་མོའི་དཔེ་སྐོར།

1ཡང་དེའི་རྗེས་ལེ་ཡེ་ཤུས་རང་གི་སློབ་མ་ཀྱ་ལེ། བློ་མ་ཕམ་སྟེ་དུས་རྟག་ཏུ་དཀོན་མཆོག་ལེ་གསོལ་བ་འདེབས་དགོས་པོའི་སྐོར་ལེ་དཔེ་ཞིག་བསྟན་ཏེ་འོ་དེ་གི་གསུངས་པི་དིག 2རྒྱལ་ས་ཞིག་གི་ནང་ལེ་དཀོན་མཆོག་ལེ་འཁྱར་སྣང་མི་བགྱིད་འོད་དི་མ་ཟད། ཡང་མི་ལེ་ཟང་བརྩི་བཀུར་མི་བགྱིད་མཁན་ཁྲིམས་དཔོན་ཞིག་འོད་དིག 3ཡང་དེ་རྒྱ་ཡུགས་མོ་ཞིག་ཟང་རྒྱལ་ས་དེའི་ནང་ལེ་སྡོད་གྱོ་འོད་དིག དེ་ནས་ཡུགས་མོ་དེས་ནམ་ཞིག་ཡིན་ནའང་། ཁྲིམས་དཔོན་ཁོའི་དྲུང་དུ་ཡང་ནས་ཡང་དུ་འོངས་ཏེ། ཁྱེད་ཀྱིས་ཕྱོགས་རིས་མ་བྱས་ཏེ་ངའི་རྒྱུ་ནོར་ཧམ་ཕྲོགས་བགྱིད་མཁན་དེ་ལེ་ཁྲིམས་གཅོད་དགའ་མོ་ཞིག་བགྱིད་རོགས་གནང་ཟིན་ཞུ་བ་ཕུལ་ནའང་། 4ཁྲིམས་དཔོན་ཁོས་ཡུན་རིང་པོ་གནས་ཚུལ་དེ་ལེ་ཁ་ཡ་མ་བྱས་པི་དིག ཡིན་ནའང་། རྗེས་ལེ་ཁྲིམས་དཔོན་ཁོའི་སེམས་པ་ལེ། ང་ནི་དཀོན་མཆོག་ལེ་བརྩི་བཀུར་མི་བགྱིད་མཁན་དིང་། མི་ལེ་ཟང་བརྩི་མཐོང་མི་བགྱིད་མཁན་ཞིག་ཡིན། 5ཡིན་ནའང་། ཡུགས་མོ་དེས་ངའི་མདུན་དུ་ཉིན་གྲངས་འོངས་ཏེ། ངའི་རྣ་མཆོག་སུན་དུ་འཇུག་གྱི་འདུག ངས་མོ་ལེ་བདེན་ལུགས་ཀྱི་ཁྲིམས་གཅོད་བགྱིད་ཀྱི་ཡིན། དེ་གི་མ་བྱས་ནི་མོ་ང་འོད་ས་ལེ་ཡང་ནས་ཡང་དུ་འོངས་ཏེ། ང་ལེ་འུ་ཐུག་ཏུ་འཇུག་འདོད་འདུག་བསམས་པི་དིག་ཟིན་གསུངས་པི་དིག 6ཡང་ཇོ་བོས་སློབ་མ་ཀྱ་ལེ། དྲང་པོ་མེད་མེད་ཁྲིམས་དཔོན་གྱིས་ཅི་སྨྲས་པི་ལབ་དེ་ལེ། ཁྱེད་ཀྱ་ཀྱིས་བསམ་བློ་དགའ་མོ་ཐོངས་ཤིག 7དཀོན་མཆོག་གིས་བདམས་པའི་མི་ཀྱ་ཀྱིས་ཉིན་མཚན་མེད་ཁོང་ལེ་རེ་དོན་ཞུ་ནི། ཁོང་གིས་མི་དེ་ཀྱ་ལེ་སྐྱོབས་མི་གནང་འོད་དི་གས། ཡང་ནི། ཁོང་གིས་དུས་ཡུན་རིང་པོ་མ་འགོར་རི་མི་དེ་ཀྱ་ལེ་བདེན་ལུགས་ཀྱི་ཁྲིམས་གཅོད་མི་གནང་འོད་དི་གས། 8ང་ཁྱེད་ཀྱ་ལེ་ཟེར་རོ། དཀོན་མཆོག་གིས་གང་མྱུར་མྱུར་མི་དེ་ཀྱ་ལེ་བདེན་ལུགས་ཀྱི་ཁྲིམས་གཅོད་གནང་གྱི་དིག ཡིན་ནའང་། མིའི་བི་ས་འོང་རྒྱ་འཇིག་རྟེན་འདི་རུ་ཁོང་ལེ་དད་པ་བགྱིད་མཁན་མི་ཞིག་རྙེད་གྱོ་འོད་དི་གས་ཟིན་གསུངས་པི་དིག

ཁྲལ་སྡུད་མཁན་དིང་ཕཱ་རུ་ཤི་པའི་དཔེ་སྐོར།

9ཡང་རང་སོ་སོ་དྲང་པོ་ཡིན་བསམས་ཏེ། མི་གཞན་ལེ་མཐོང་ཆུང་བགྱིད་མཁན་མི་ཁ་ཤས་ཀྱི་སྐོར་ལེ་ཡེ་ཤུས་དཔེ་སྟོན་ཏེ། 10ཕཱ་རུ་ཤི་པའི་མི་ཞིག་དིང་། ཁྲལ་སྡུད་མཁན་མི་ཞིག་འོད་དིག མི་དེ་གཉིས་སྟོད་ཕྱོགས་ཀྱི་མཆོད་ཁང་ལེ་གསོལ་བ་འདེབས་དུ་བུད་དི་དིག 11དེ་ནས་ཕཱ་རུ་ཤི་པའི་མི་དེས་མཆོད་ཁང་གི་མདུན་དུ་ལངས་ཏེ། དཀོན་མཆོག ང་ནི་མི་གཞན་མ་དིང་ཅོག་འདྲ་མི་ལེ་མགོ་སྐོར་མི་གཏོང་འོད་དི་མ་ཟད། དྲང་པོ་མི་བགྱིད་མཁན་དིང་། བྱི་བོ་བགྱིད་མཁན་མི་གཞན་མ་དིང་ཅོག་འདྲ་ཞིག་མན། ཡང་ཁྲལ་སྡུད་མཁན་མི་འདི་རིང་ཅོག་འདྲ་ཟང་མན་ཕེན། ངས་དཀོན་མཆོག་ཁྱེད་ལེ་ཐུགས་རྗེ་ཆེ་ཞུ་འོད། 12ཡང་ངས་གཟའ་འཁོར་རེ་རེ་ནང་ལེ་སྨྱུང་གནས་ཐེངས་གཉིས་སྲུང་གྱོ་འོད་དི་མ་ཟད། ད་རུང་ངས་ཁྱེད་ལེ་ངའི་ཡོང་འབབ་ཅི་འོད་ནའང་། དེ་ནས་བརྒྱ་ཆ་བཅུ་འབུལ་གྱོ་འོད་ཟིན་གསོལ་བ་བཏབ་པི་དིག 13ཡིན་ནའང་། ཁྲལ་སྡུད་མཁན་མི་དེ་ནི། མི་ཚོགས་དིང་རྒྱང་ཐག་རིང་པོ་རུ་ལངས་ཏེ། མིག་ཡར་ཟང་ལྟ་མ་ཕོད་དི་མ་ཟད། རང་གི་བྲང་ཁོག་རང་གིས་བཞུས་ཏེ། སེམས་སྐྱོ་པོའི་ངང་ནས། དཀོན་མཆོག མི་སྡིག་ཅན་ང་ལེ་ཐུགས་རྗེ་གཟིགས་རོགས་གནང་ཟིན་གསོལ་བ་བཏབ་པི་དིག 14ད་ང་ཁྱེད་ཀྱ་ལེ་ཟེར་རོ། ཕཱ་རུ་ཤི་པའི་མི་དེ་ལས་ལྷག་ཚོད་ཁྲལ་སྡུད་མཁན་མི་དེ་ནི། དཀོན་མཆོག་གི་དྲུང་དུ་མི་རྣམ་པར་དག་པོ་ཞིག་བྱུང་སྟེ། ཁོ་རང་ཁྱིམ་ལེ་ལོག་བུད་དི་དིག ཅི་ལེ་ཟེར་ནི། མི་སུ་ཞིག་གིས་རང་ཐོང་ཆེན་པོ་བགྱིད་མཁན་དེ་ལེ་བརྩི་བཀུར་འཐོབ་ཀྱི་མ་དིག ཡིན་ནའང་། རང་གིས་རང་ལེ་ཉམ་ཆུང་བགྱིད་མཁན་དེ་ལེ་བརྩི་བཀུར་འཐོབ་ཀྱི་དིག་ཟིན་གསུངས་པི་དིག

ཕྲུ་གུ་ཀྱ་ཡེ་ཤུ་ལེ་མཇལ་དུ་འོངས་པ།

15ཡང་ཉིན་མ་ཞིག་མི་ཁ་ཤས་ཞིག་གིས་རང་གི་ཕྲུ་གུ་ཀྱ་ལེ་ཕྱག་དབང་ཞུ་རྒྱུ་ཆེད་དུ་ཡེ་ཤུ་དྲུང་དུ་ཁྲིད་འོང་འོད་དིག ཡིན་ནའང་། ཁོང་གི་སློབ་མ་ཀྱ་ཀྱིས་ཕྲུ་གུ་དེ་ཀྱ་ཁྲིད་མ་ཡོང་ཟིན་འཁྲུག་པ་འཚོལ་གྱོ་འོད་དིག 16ཡིན་ནའང་། ཡེ་ཤུས་ཕྲུ་གུ་དེ་ཀྱ་ཚུར་ཤོག་ཟིན་གསུངས་ཏེ། གལ་སྲིད་མི་སུ་ཞིག་གིས་དཀོན་མཆོག་གི་རྒྱལ་ཁབ་འཐོབ་འདོད་འོད་ནི། ཕྲུ་གུ་འདི་ཀྱ་ཅོག་འདྲ་ཉམ་ཆུང་བགྱིད་དགོས་འོད་དིག ཕྲུ་གུ་དེ་ཀྱ་ལེ་མ་འགོག་ཅིག ང་འོད་ས་ལེ་འོང་དུ་བཅུག་ཅིག 17ང་ཁྱེད་ཀྱ་ལེ་བདེན་པ་ཟེར་རོ། མི་སུ་ཞིག་གིས་དཀོན་མཆོག་གི་རྒྱལ་ཁབ་དེ་ནི། ཕྲུ་གུ་འདི་ཀྱ་ཅོག་འདྲ་བྱས་ཏེ་ཁས་མ་བླངས་པི་ཡིན་ནི། མི་དེ་ཀྱ་རྒྱལ་ཁབ་ནང་དུ་འགྲོ་ཐུབ་ཀྱི་མ་དིག་ཟིན་གསུངས་པི་དིག

དཔོན་པོ་ཕྱུག་པོ་ཞིག་ལེ་ཆོས་གསུངས་པ།

18དེ་ནས་དཔོན་པོ་ཞིག་གིས་ཡེ་ཤུ་ལེ། སློབ་དཔོན་བཟང་པོའོ། མཐའ་མེད་པའི་ཚེ་འཐོབ་རྒྱུ་ཆེད་དུ། ངས་ཅི་བགྱིད་དགོས་འོད་དི་གོ་ཟིན་ཞུས་ཕེན། 19ཡེ་ཤུས་དཔོན་པོ་དེ་ལེ། ཁྱོད་ཀྱིས་ང་ལེ་བཟང་པོ་ཅི་ལེ་ཟེར་རི་དོ། དཀོན་མཆོག་པ་རྐྱང་བཟང་པོ་ཡིན་དིག་ཟིན་གསུངས་པི་དིག 20བྱི་བོ་མ་བགྱིད། མིའི་སྲོག་མ་གཅོད། རྐུན་མ་མ་རྐུས། རྫུན་གྱི་དཔང་པོ་མ་བགྱིད། རང་གི་ཕ་མ་ལེ་བརྩི་བཀུར་གྱིས་ཟིན་མོ་ཤེའི་ཆོས་ཁྲིམས་ནང་ལེ་འོད་ཡོད་དེ། ཁྱོད་ཀྱིས་ཧ་གོ་གོ་བར་ཡིན་དིག་ཟིན་གསུངས་པི་དིག 21ཡང་དཔོན་པོ་ཁོས་ཡེ་ཤུ་ལེ། དོན་ཡེ་རེ་ནི་ང་རང་ན་སོ་ཆུང་མ་ནས་ཕེན་ངས་བསྲུངས་པི་ཡིན་ཞུས་པི་དིག 22དེ་ནས་ཡེ་ཤུས་གཏམ་དེ་གསན་གནང་བའི་རྗེས་ལེ། ཡེ་ཤུས་དཔོན་པོ་དེ་ལེ། ཁྱོད་ལེ་ད་རུང་དོན་ཞིག་མ་ཚང་འདུག ད་ཁྱོད་རང་ལེ་འོད་ཡོད་རྒྱུ་ནོར་ཡེ་རེ་བཙོངས་ཏེ། སྤྲང་པོ་ཀྱ་ལེ་སྦྱིན་པ་ཐོང་ཞིག དེ་ནས་ནམ་མཁའི་ཞིང་ཁམས་རུ་ཁྱོད་རང་ལེ་རྒྱུ་ནོར་འཐོབ་ཀྱི་དིག ད་ཁྱོད་རང་ངའི་རྗེས་ལེ་འབྲོངས་ལེད་ཟིན་གསུངས་པི་དིག 23དཔོན་པོ་དེ་ཕྱུག་པོ་འཇུ་གུ་ཡིན་ཕེན། ཁོས་གསུང་དེ་ཐོས་ཏེ་སེམས་པ་སྐྱོ་པོ་འཇུ་གུ་བྱུང་པི་དིག 24ཡང་ཡེ་ཤུས་ཕྱུག་པོ་ཁོ་ལེ་གཟིགས་གནང་སྟེ། མི་ཕྱུག་པོ་ཀྱ་ནི། དཀོན་མཆོག་གི་རྒྱལ་ཁབ་ནང་ལེ་འགྲོ་ཐུབ་རྒྱུ་དེ་ནི་དཀའ་ལས་ཁག་པོ་འོད་དིག 25མི་ཕྱུག་པོ་ཞིག་དཀོན་མཆོག་གི་རྒྱལ་ཁབ་ནང་ལེ་འགྲོ་བ་ལས། རྔ་མོང་ཞིག་ཁབ་ཀྱི་མིག་བརྒྱུད་ནས་འགྲོ་བ་དེ་ལས་སླ་འོད་དིག་ཟིན་གསུངས་པི་དིག 26གསུང་དེ་ཐོས་མཁན་མི་ཀྱ་ཀྱིས་ཡེ་ཤུ་ལེ། འོ་ནེ། མི་སུ་ལེ་ཐར་པ་འཐོབ་ཐུབ་རྒྱུ་ཟིན་ཞུས་ཕེན། 27ཡེ་ཤུས་མི་དེ་ཀྱ་ལེ། མི་ཀྱ་ཀྱིས་བགྱིད་མི་ཐུབ་པའི་དོན་དེ་ནི། དཀོན་མཆོག་གིས་མཛད་ནུས་ཀྱི་དིག་ཟིན་གསུངས་པི་དིག 28དེ་ནས་པེ་ཏྲོ་ཁོས་ཡེ་ཤུ་ལེ། གཟིགས་དང་། ཉེད་ཀྱ་ཀྱིས་ཟང་རང་ལེ་ཅི་འོད་ཡོད་ཡེ་རེ་གཡུགས་ཏེ་ཁྱེད་ཀྱི་རྗེས་ལེ་འབྲངས་པི་ཡིན་ཟིན་ཞུས་ཕེན། 29ཡེ་ཤུས་ཁོང་ཀྱ་ལེ། ང་ཁྱེད་ཀྱ་ལེ་བདེན་པ་ཟེར་རོ། མི་སུ་ཞིག་གིས་དཀོན་མཆོག་གི་རྒྱལ་ཁབ་ཀྱི་དོན་ལེ། རང་གི་ཁང་པ། བུད་མེད། ཕ་མ། ཕྲུ་གུ སྤུན་ཀྱ་བློད་བཏང་པི་ཡིན་ནི། 30ཚེ་འདི་ལེ་ལྡབ་མང་ང་འཐོབ་ཀྱི་དིག ཡང་དེ་མ་ཟད། མ་འོངས་པའི་དུས་ལེ་ཟང་མཐའ་མེད་པའི་ཚེ་སྲོག་འཐོབ་ཀྱི་དིག་ཟིན་གསུངས་པི་དིག

ཡེ་ཤུས་རང་དགྲོང་རྒྱུ་ཡིན་དི་སྐོར་ལེ་ལུང་བསྟན་པ།

31ཡང་དུས་ཡུན་ཁ་ཤས་རྗེས་ལེ། ཡེ་ཤུས་རང་གི་སློབ་མ་བཅུ་གཉིས་ཀྱ་ཟུར་ལེ་ཁྲིད་གནང་སྟེ། ལྟོས་དང་། ད་ལྟ་འུ་ཀྱ་སྟོད་ཕྱོགས་ཀྱི་ཡེ་རུ་ས་གླིང་རྒྱལ་ས་ལེ་འགྲོ་འོད་དིག ལུང་སྟོན་པ་ཀྱ་ཀྱིས་མིའི་བི་སའི་སྐོར་ལེ་བྲིས་པི་དེ་ཀྱ་འགྲུབ་ཀྱི་དིག 32ཁོང་རང་ཕྱི་མིའི་ལག་ལེ་གཏོད་རྒྱུ་ཡིན་དི་མ་ཟད། མི་དེ་ཀྱ་ཀྱིས་ཟང་ཁོ་ལེ་འཕྱམ་ཆ་གཏོང་གྱི་དིག ཡང་ཚིག་ངན་སྨྲས་ཏེ། ངོ་གདོང་ལེ་མཐུ་རྒྱག་གྱི་དིག 33མི་དེ་ཀྱ་ཀྱིས་ཁོའི་ལུས་ལེ་ལྕག་ཚན་གྱིས་གཞུས་ཏེ་གསོད་ཀྱི་དིག ཡིན་ནའང་། ཉིན་གསུམ་པ་ལེ་ཁོང་རང་ཡང་དང་འཆི་བ་ནས་གསོན་པོ་འོང་གྱི་དིག་ཟིན་གསུངས་པི་དིག 34ཡིན་ནའང་། སློབ་མ་ཀྱ་ཀྱིས་གསུང་དེའི་དོན་དག་ཧ་མ་གོ་པི་དིག ཅི་ལེ་ཟེར་ནི། དོན་དག་དེ་ནི་ཁོང་ཀྱ་ལེ་སྦས་འོད་དིག

ཡེ་ཤུས་སྤྲང་པོ་མིག་ཞ་ར་ཞིག་དྲག་ཏུ་བཅུག་པ།

35ཡང་དེའི་རྗེས་ལེ། ཡེ་ཤུ་ཡེ་རུ་ཀོ་རྒྱལ་ས་ལེ་ཕེབས་རྒྱ། མིག་ཞ་ར་ཡིན་མཁན་མི་ཞིག་ལམ་ལེ་སློང་མོ་སློང་གྱོ་འོད་དིག 36དེ་ནས་ཞ་ར་ཁོས་མི་མང་པོ་ཞིག་ཕ་ལེ་འགྲོ་བའི་འུར་སྒྲ་ཐོས་ཕེན། ཁོས་ལམ་ལེ་འགྲོ་མཁན་མི་ཞིག་ལེ་འུར་སྒྲ་འདི་ཅི་ཡིན་གོ་ཟིན་སྐད་ཆ་དྲིས་པི་དིག 37དེ་ནས་ལམ་ལེ་འགྲོ་མཁན་མི་དེ་ཀྱ་ཀྱིས་ཁོ་ལེ། ནཱ་ཙ་རེལ་གྱི་ཡེ་ཤུ་ཕ་ལེ་ཕེབས་འགྲོ་འདུག་སྨྲས་པི་དིག 38དེ་ནས་ཞ་ར་ཁོས་ལབ་འདི་ཐོས་ལོང་མེད་སྐད་ཆེན་པོས་ངང་ནས། ཡེ་ཤུ། རྒྱལ་པོ་དཱ་བིད་ཀྱི་རིགས་རྒྱུད་ཀྱི་སྲས། ཁྱེད་ཀྱིས་ང་ལེ་ཐུགས་རྗེས་གཟིགས་རོགས་ཟིན་ཞུས་ཕེན། 39སྔོན་ལེ་འགྲོ་མཁན་མི་ཀྱ་ཀྱིས་ཞ་ར་ཁོ་ལེ་ཁུ་སིམ་མེ་སྡོད་ཟིན་འཁྲག་པ་བཙལ་ནའང་། ཞ་ར་ཁོས་འཛེན་སྐད་ཆེ་རུ་བརྒྱབ་སྟེ། རྒྱལ་པོ་དཱ་བིད་ཀྱི་རིགས་རྒྱུད་ཀྱི་སྲས། ཁྱེད་ཀྱིས་ང་ལེ་ཐུགས་རྗེས་གཟིགས་རོགས་གནང་ཟིན་ཞུས་པི་དིག 40དེ་ནས་ཡེ་ཤུས་ཁོང་རང་ཕེབས་འགྲོ་ནས་མ་ཕེབས་ཏེ། ཞ་ར་དེ་ཚུར་ལེ་ཁྲིད་ལེད་ཟིན་བཀའ་གནང་པི་དིག དེ་ནས་ཞ་ར་ཁོ་ཡེ་ཤུའི་མདུན་དུ་ཁྲིད་འོང་ཕེན། ཡེ་ཤུས་ཞ་ར་ཁོ་ལེ། 41ངས་ཁྱོད་ལེ་ཅི་བགྱིད་དགོས་འདུག་གོ་ཟིན་གསུངས་ཕེན། ཞ་ར་ཁོས། ཇོ་བོ། ངའི་མིག་འདི་མཐོང་ཐུབ་རྒྱུ་འོད་ཡོད་ཞིག་བཟོ་རོགས་གནང་ཟིན་ཞུ་བ་ཕུལ་ལི་དིག 42ཡང་ཡེ་ཤུས་མི་ཞ་ར་ཁོ་ལེ། ཁྱོད་ཀྱི་མིག་མཐོང་རྒྱུ་འོད་ཡོད་བྱུང་སོང་། ཅི་ལེ་ཟེར་ནི། ཁྱོད་ཀྱི་དད་པས་ཁྱོད་རང་ལེ་དྲག་ཏུ་བཅུག་པི་དིག་ཟིན་གསུངས་པི་དིག 43དེ་ནས་དེ་ལོང་མེད་ཁོའི་མིག་མཐོང་རྒྱུ་འོད་ཡོད་བྱུང་ཕེན། ཁོ་རང་དཀོན་མཆོག་ལེ་བསྟོད་པ་ཕུལ་ཏེ། ཡེ་ཤུའི་རྗེས་ལེ་འབྲངས་པི་དིག དེ་ནས་མི་ཡེ་རེས་ཟང་གནས་ཚུལ་དེ་མཐོང་སྟེ་དཀོན་མཆོག་ལེ་བསྟོད་པ་ཕུལ་ལི་དིག །

Currently Selected:

ལུ་ཀཱ། 18: DLPO

Highlight

Copy