ཡོ་ཧ་ནན། 9

ལེའུ་དགུ་པ།

ཡེ་ཤུས་མི་ཞར་ར་ཞིག་མཐོང་རྒྱུ་འོད་ཡོད་བཟོས་པ།

1དེ་ནས་ཡང་ཡེ་ཤུ་ལམ་ལེ་ཕེབས་གནང་རྒྱ། སྐྱེས་དུས་ནས་ཕེན་མིག་ཞར་ར་བྱུང་བའི་མི་ཞིག་ཐུག་ཕེན། 2ཁོང་གི་སློབ་མ་ཀྱ་ཀྱིས་ཡེ་ཤུ་ལེ། རཱབ་བི། མི་འདི་ཞར་ར་ལེ་སྐྱེས་དགོས་པའི་རྒྱུ་མཚན་ཅི་ཡིན་གོ། ཁོས་བྱས་པའི་སྡིག་པ་ཡིན་གོ། ཡང་ནི། ཁོའི་ཕ་མས་བསགས་པའི་སྡིག་པ་ཡིན་གོ་ཟིན་དྲིས་ཕེན། 3ཡེ་ཤུས་ཁོང་ཀྱ་ལེ། ཞར་ར་འདི་ནི་རང་གིས་སྡིག་པ་བྱས་པའི་རྐྱེན་གྱིས་མ་དིག ཡང་ཁོའི་ཕ་མས་བསགས་པའི་སྡིག་པ་ཟང་མན་དིག དཀོན་མཆོག་གི་མཛད་པའི་ངོ་མཚར་འདི་མི་འདིའི་མི་ཚེའི་ནང་ལེ་སྟོན་རྒྱུ་ཆེད་དུ་ཁོ་ཞར་ར་སྐྱེས་པི་དིག 4འུ་ཀྱ་ཀྱིས་ཟང་ང་རྫོང་མཁན་ཁོང་གི་ཕྱག་ལས་དེ་ཉིན་མོའི་དུས་ལེ་བགྱིད་དགོས་འོད་དིག ཡིན་ནའང་། མཚན་མོའི་དུས་ལེ་མི་སུ་ཞིག་གིས་ཟང་ལས་ཀ་བགྱིད་མི་ཐུབ་འོད་དིག 5ཡིན་ནའང་། ང་འཇིག་རྟེན་ལེ་སྡོད་རྒྱ། ང་ནི་འཇིག་རྟེན་གྱི་འོད་ཟེར་དེ་ཡིན་གསུངས་པི་དིག 6དེ་ནས་དེའི་རྗེས་ལེ་ཡེ་ཤུས་ཞལ་ནས་ས་ལེ་མཆིལ་མ་གཏོར་ཏེ་འདམ་བག་ཞིག་བཟོས་གནང་སྟེ་འདམ་བག་དེ་ཞར་ར་ཁོའི་མིག་ལེ་བསྐུས་པི་དིག དེ་ནས་ཡེ་ཤུས་ཞར་ར་ཁོ་ལེ། 7ད་ཁྱོད་རང་རྒྱུགས། རང་གི་ངོ་གདོང་སི་ལོམ་ཟེར་རི་རྫིང་ཆུ་ལེ་ཁྲུས་ལེད་ཟིན་གསུངས་པི་དིག (སི་ལོམ་ཟེར་དོན་དེ་ནི་བརྫངས་པ་ཟེར་རི་དིག) དེ་ནས་ཞར་ར་ཁོས་ཟང་སི་ལོམ་ཟེར་རི་རྫིང་ཆུ་ལེ་ཕྱིན་ཏེ། རང་གི་ངོ་གདོང་བཀྲུས་ཕེན། མིག་མཐོང་རྒྱུ་འོད་ཡོད་བྱུང་སྟེ། རང་གི་ཡུལ་ལེ་ལོག་བུད་དི་དིག 8དེ་ནས་ཁོའི་ཁྱིམ་མཚེས་ཀྱ་དིང་། ཡང་དེ་སྔོན་ཁོ་རང་སློང་མོ་སློང་མཁན་ཡིན་དི་མཐོང་མཁན་མི་ཀྱ་ཀྱིས་ཟང་ཁོ་ལེ། མི་འདི་ནི་སློང་མོ་སློང་མཁན་ཁོ་མ་གས་ཟིན་འོད་དིག 9ཡང་ལ་ལས་ཁོ་ཡིན་དིག་ཟེར་རི་དིང་། ཡང་ལ་ལས་ཁོ་ཡིན་གྱི་མ་དིག ཁོ་ཅོག་འདྲ་མི་གཞན་མ་ཞིག་ཡིན་སྲིད་ཀྱི་དིག་སྨྲས་པི་དིག དེ་ནས་ཁོས་མི་དེ་ཀྱ་ལེ། མི་དེ་ནི་ང་རང་ཡིན་སྨྲས་པི་དིག 10དེ་ནས་མི་དེ་ཀྱ་ཀྱིས་ཁོ་ལེ། ད་ལྟ་ཁྱོད་ཅི་གི་བྱས་ཏེ་མཐོང་རྒྱུ་འོད་ཡོད་བྱུང་པི་གོ་ཟིན་དྲིས་ཏེ། 11ཁོས་མི་དེ་ཀྱ་ལེ། མི་ཞིག་འདུག མི་ཀྱ་ཀྱིས་ཁོའི་མིང་ལེ་ཡེ་ཤུ་ཟིན་འབོད་ཀྱི་འདུག ཁོས་འདམ་བག་ཞིག་བཟོས་ཏེ་ངའི་མིག་ལེ་བསྐུས་ཏེ། ད་ཁྱོད་རང་སི་ལོམ་ཟེར་རི་རྫིང་ཆུ་ལེ་ཁྲུས་ལེད་ཅིག་ཟིན་གསུངས་བྱུང་། དེ་ནས་ངས་ཟང་ཁོང་གི་གསུངས་པི་ཅོག་འདྲ་རྫིང་ཆུ་དེ་ལེ་ཕྱིན་ཏེ་བཀྲུས་ཕེན། ངའི་མིག་མཐོང་རྒྱུ་འོད་ཡོད་བྱུང་སོང་སྨྲས་པི་དིག 12དེ་ནས་མི་དེ་ཀྱ་ཀྱིས་ཡེ་ཤུ་ཟེར་མཁན་མི་དེ་ད་ལྟ་ག་ན་འདུག་གོ་ཟིན་དྲིས་ཏེ། ཁོས་ང་ལེ་ཆ་མེད་སྨྲས་པི་དིག

ཕཱ་རུ་ཤི་པ་ཀྱ་ཀྱིས་ཞར་རའི་མིག་དྲག་གི་དེའི་སྐོར་ལེ་རྩད་གཅོད་བྱས་པ།

13དེ་ནས་མི་དེ་ཀྱ་ཀྱིས་སྔོན་མ་ཞར་ར་ཡིན་མཁན་ཁོ་ཕཱ་རུ་ཤི་པ་ཀྱ་ཀྱི་དྲུང་དུ་ཁྲིད་དི་དིག 14ཡེ་ཤུས་འདམ་བག་བཟོས་ཏེ་ཞར་རའི་མིག་དྲག་ཏུ་བཅུག་གི་ཉིན་མ་དེ་ནི་ངལ་གསོ་བའི་ཉིན་མོ་ཡིན་དིག 15དེ་ནས་ཕཱ་རུ་ཤི་པ་ཀྱ་ཀྱིས་ཟང་ཡེ་ཤུས་ཁོའི་མིག་ཅི་གི་བྱས་ཏེ་མཐོང་རྒྱུ་འོད་ཡོད་བཟོས་པའི་སྐོར་ལེ་དྲིས་ཏེ། ཁོས་མི་དེ་ཀྱ་ལེ། ཁོང་གིས་ངའི་མིག་ལེ་འདམ་བག་བསྐུས་ཏེ་ངས་བཀྲུས་ཕེན། ངའི་མིག་མཐོང་རྒྱུ་འོད་ཡོད་བྱུང་སོང་སྨྲས་པི་དིག 16དེ་ནས་ཕཱ་རུ་ཤི་པ་ཀྱ་ནང་ནས་མི་ཁ་ཤས་ཀྱིས་ངལ་གསོ་བའི་ཉིན་མོའི་ཆོས་ཁྲིམས་མི་སྲུང་མཁན་འདི་དཀོན་མཆོག་གི་བརྒྱུད་ནས་བྱུང་པི་མ་དིག ཅི་ལེ་ཟེར་ནི། མི་ཁོས་ངལ་གསོ་བའི་ཉིན་མོའི་ཆོས་ཁྲིམས་དེ་མི་སྲུང་འདུག་ཟིན་འོད་དིག ཡང་མི་ཁ་ཤས་ཀྱིས་མི་སྡིག་ཉེས་ཅན་ཞིག་གིས་འོ་དེ་གི་ཡ་མཚན་གྱི་རྟགས་ཅི་གི་བྱས་ཏེ་བསྟན་ཐུབ་རྒྱུ་སྨྲས་ཕེན། ཁོང་ཀྱ་ལྟ་བ་མ་མཐུན་པི་དིག 17དེ་ནས་ཡང་ཕཱ་རུ་ཤི་པ་ཀྱ་ཀྱིས་སློང་མཁན་ཞར་ར་ཁོ་ལེ། མི་དེས་ཁྱོད་ཀྱི་མིག་དྲག་དུ་བཅུག་ཕེན། ཁྱོད་ཀྱིས་སེམས་ཚུལ་ལེ་མི་དེ་ཅི་གི་ཞིག་ཡིན་དིག་བསམ་གྱི་གོ་ཟིན་དྲིས་ཏེ། ཁོས་མི་དེ་ནི་ལུང་སྟོན་པ་ཞིག་ཡིན་དིག་ཟིན་སྨྲས་པི་དིག 18དེ་ནས་ཡང་ཡ་ཧུ་དཱ་པའི་དཔོན་རིགས་ཀྱ་ཀྱིས་ཟང་སྔོན་མ་ཁོ་ཞར་ར་ཡིན་དིག ད་ལྟ་མིག་མཐོང་རྒྱུ་འོད་ཡོད་བྱུང་པི་དེ་ལེ་ཡིད་མི་ཆེས་ཕེན། ཁོའི་ཨ་ཀྱི་དིང་ཨ་མ་ཤོག་སྨྲས་ཏེ། 19འདི་ཁྱོད་ཀྱི་བི་ས་ཡིན་གས། ཁྱེད་གཉིས་ཀྱིས་ཁོ་སྐྱེས་དུས་ནས་ཕེན་ཞར་ར་སྐྱེས་པི་དིག་ཟིན་འདུག ཡིན་ནའང་། ད་ལྟ་ཁོའི་མིག་མཐོང་རྒྱུ་འོད་ཡོད་ཅི་གི་བྱས་ཏེ་བྱུང་པི་ཡིན་གོ་ཟིན་དྲིས་པི་དིག 20དེ་ནས་ཕ་མ་གཉིས་ཀྱིས་ཁོ་ཉེད་ཀྱི་བི་ས་ཡིན་དི་མ་ཟད། ཁོ་རང་སྐྱེས་དུས་ནས་ཕེན་ཞར་ར་ཡིན་དི་ཉེད་གཉིས་ཀྱིས་ཧ་གོ་འོད། 21ཡིན་ནའང་། ད་ལྟ་ཁོའི་མིག་ཅི་གི་བྱས་ཏེ་མཐོང་རྒྱུ་འོད་ཡོད་བྱུང་པི་དིང་། ཡང་མི་སུ་ཞིག་གིས་ཁོའི་མིག་མཐོང་རྒྱུ་འོད་ཡོད་བཟོས་པི་དེའི་སྐོར་ཉེད་གཉིས་ལེ་ཆ་མེད། ཁོ་རང་ད་ལྟ་ན་ཚོད་ལོན་འོད་ཕེན། ཁོས་ལབ་ཟེར་གྱི་དིག་སྨྲས་པི་དིག 22-23ཁོའི་ཕ་མ་གཉིས་ཀྱིས་ཡ་ཧུ་དཱ་པའི་དཔོན་རིགས་ཀྱ་ལེ་འཁྱར་རི་དིག ཅི་ལེ་ཟེར་ནི། མི་སུ་ཞིག་གིས་ཡེ་ཤུ་ནི་སྐྱབས་མགོན་ཡིན་དིག་སྨྲས་ནི།#9.22-23 གེ་རིག་ཟེར་ལུགས་ནང་ལེ་སྐྱབས་མགོན་ཟིན་མི་ཟེར་འོད་དིག ཁི་རིའི་སི་ཐོ་ཟིན་འོད་དིག མི་དེ་ཀྱ་ཡ་ཧུ་དཱ་པའི་མཆོད་ཁང་ནས་འབུད་རྒྱུ་ལེ་སྔོན་མ་ནས་ཐག་གཅོད་བྱས་ཚར་རི་ཡིན་ཕེན། ཁོའི་ཕ་མ་གཉིས་ཀྱིས་འོ་དེ་གི་སྨྲས་པི་དིག

24འོ་དེ་ལེ་བརྟེན་ཏེ། ཕཱ་རུ་ཤི་པ་ཀྱ་ཀྱིས་ཞར་ར་ཁོ་ཡང་དང་སྐད་བཏང་སྟེ། ཁྱོད་ཀྱིས་དཀོན་མཆོག་གི་མདུན་དུ་བདེན་པ་ཤོད་ཅིག ཉེད་ཀྱ་ཀྱིས་ཁྱོད་ཀྱི་མིག་དྲག་དུ་འཇུག་མཁན་མི་དེ་ནི་སྡིག་ཅན་ཞིག་ཡིན་དི་ཧ་གོ་བྱུང་སྨྲས་པི་དིག 25དེ་ནས་ཞར་ར་ཁོས་ཁོང་སྡིག་ཅན་ཡིན་མིན་ང་ལེ་ཆ་མེད། ང་ནི་སྔོན་མ་ནས་ཞར་ར་ཡིན། ད་ལྟ་ང་མཐོང་རྒྱུ་འོད་ཡོད་བྱུང་པི་དེ་ངས་ཧ་གོ་འོད་སྨྲས་པི་དིག 26ཡིན་ནའང་། ད་རུང་ཕཱ་རུ་ཤི་པ་ཀྱ་ཀྱིས་ཁོ་ལེ། མི་དེས་ཁྱོད་ཀྱི་མིག་ཅི་གི་བྱས་ཏེ་དྲག་དུ་བཅུག་སོང་ཟིན་དྲིས་ལས་བྱས་ཕེན། 27ཡང་ཁོས་ཕཱ་རུ་ཤི་པ་ཀྱ་ལེ། ངས་ཟེར་རྒྱ། ཁྱེད་ཀྱ་ཀྱིས་དགའ་མོ་བྱས་ཏེ་མི་ཉན་འོད་དིག ད་ཅི་ལེ་ཡང་དང་ཉན་འདོད་འདུག་གོ ཁྱེད་ཀྱ་ཟང་ཁོང་གི་སློབ་མ་བགྱིད་འདོད་འདུག་གས་སྨྲས་པི་དིག 28དེ་ནས་ཕཱ་རུ་ཤི་པ་ཀྱ་ཀྱིས་ཁོ་ལེ་ཚིག་ངན་སྨྲས་ཏེ། ཁྱོད་རང་མི་དེའི་སློབ་མ་ཡིན་དིག ཡིན་ནའང་། ཉེད་ཀྱ་ནི་ལུང་སྟོན་པ་མོ་ཤེ་ཀྱི་སློབ་མ་ཡིན། 29དཀོན་མཆོག་གིས་མོ་ཤེ་ལེ་གསུང་གླེང་མཛད་མྱོང་པི་དེ་ནི་ཉེད་ཀྱ་ལེ་ཆ་འོད། ཡིན་ནའང་། མི་འདི་ག་ནས་འོངས་པི་ཡིན་དི་ཉེད་ཀྱ་ལེ་ཆ་མེད་སྨྲས་པི་དིག 30དེ་ནས་ཁོས། ཁོང་གིས་ངའི་མིག་ཞར་ར་ནས་མཐོང་རྒྱུ་འོད་ཡོད་བཟོས་གནང་པི་དིག ཡིན་ནའང་། ཁྱེད་ཀྱ་ཀྱིས་ཁོང་ག་ན་ནས་འོངས་པི་དེ་ཟང་མི་ཤེས་པི་དེ་ཁྱད་མཚར་པོ་ཡིན་དིག 31དཀོན་མཆོག་གིས་མི་སྡིག་ཅན་ཀྱ་ཀྱི་སྨོན་ལམ་ལེ་གསན་མི་གནང་འོད་དིག ཡིན་ནའང་། ཁོང་ལེ་དད་གུས་དིང་ཁོང་གི་ཐུགས་དགོངས་ཅོག་འདྲ་བགྱིད་མཁན་ཀྱ་ཀྱི་སྨོན་ལམ་དེ་ལེ་གསན་གནང་གྱོ་འོད་དི་ཉེད་ཀྱ་ལེ་ཆ་འོད། 32འཇིག་རྟེན་བཀོད་པ་ནས་ཕེན། མི་སུ་ཞིག་གིས་ཟང་སྐྱེས་དུས་ནས་ཞར་ར་བྱུང་པི་མི་ཞིག་གི་མིག་མཐོང་ཐུབ་རྒྱུ་འོད་ཡོད་བཟོས་གནང་བའི་གནས་ཚུལ་ཞིག་རྩ་བ་ནས་ཐོས་མྱོང་མེད། 33གལ་སྲིད་ངའི་མིག་མཐོང་ཐུབ་རྒྱུ་འོད་ཡོད་བཟོས་མཁན་ཁོང་རང་དཀོན་མཆོག་ནས་བྱུང་པི་ཞིག་མན་ནི། མི་སུ་ཞིག་གིས་དོན་དེ་གི་བགྱིད་ནུས་སྲིད་ཀྱི་མན་དིག་སྨྲས་པི་དིག 34དེ་ནས་ཕཱ་རུ་ཤི་པ་ཀྱ་ཀྱིས་ཁོ་ལེ། ཁྱོད་སྐྱེས་དུས་ནས་ཕེན་སྡིག་ཅན་ཞིག་ཡིན་ནའང་། ཁྱོད་ཀྱིས་ཉེད་ཀྱ་ལེ་བསླབ་བྱ་རྒྱག་གྱོ་འོད་དས་ཟིན་ཁོ་ཕྱི་ལེ་བཏོན་པི་དིག

35དེ་ནས་ཡེ་ཤུས་མིག་མཐོང་རྒྱུ་འོད་ཡོད་བཟོས་གནང་བའི་མི་དེ་ཕྱི་ལེ་བཏོན་པའི་ལབ་ཐོས་ཕེན། ཁོང་གིས་མི་འདི་བཙལ་ཏེ་རྙེད་དེ་ཁོ་ལེ། ཁྱོད་ཀྱིས་མིའི་བི་ས་ལེ་དད་པ་བགྱིད་འོད་དས་ཟིན་གསུངས་པི་དིག 36དེ་ནས་ཁོས། རྒན། མིའི་བི་ས་ཟེར་མཁན་དེ་སུ་ཡིན་གོ། ཁྱེད་ཀྱིས་ང་ལེ་གསུངས་དང་། ངས་ཁོང་ལེ་དད་པ་བགྱིད་ཀྱི་ཡིན་ཞུས་པི་དིག 37དེ་ནས་ཡེ་ཤུས་ཁོ་ལེ། ཁྱོད་ཀྱིས་ཁོང་རང་མཐོང་མྱོང་འོད་དི་མ་ཟད། མི་དེ་ནི་ང་རང་ཡིན་ཟིན་གསུངས་པི་དིག 38དེ་ནས་མི་ཁོས། ཇོ་བོ། ང་དད་པ་འོད་ཟིན་ཁོང་ལེ་ཕྱག་འཚལ་ལི་དིག 39དེ་ནས་ཡེ་ཤུས་ང་འཇིག་རྟེན་འདི་རུ་བཟང་ངན་གྱི་ཁྲིམས་གཅོད་བགྱིད་རྒྱུ་ཆེད་དུ་དིང་། ཡང་ཞར་ར་ཀྱ་མཐོང་ཐུབ་པི་དིང་། མཐོང་མཁན་ཀྱ་ཞར་ར་འོང་རྒྱུ་ཆེད་དུ་འོངས་པི་ཡིན་ཟིན་གསུངས་པི་དིག 40དེ་ནས་ཡང་ཡེ་ཤུའི་དྲུང་དུ་འོད་ཡོད་ཕཱ་རུ་ཤི་པ་ཁ་ཤས་ཀྱིས་ཁོང་གི་གསུང་དེ་ཐོས་ཕེན། ཁོང་ལེ་ཉེད་ཀྱ་ཟང་ཞར་ར་ཡིན་གས་ཟིན་དྲིས་པི་དིག 41དེ་ནས་ཡེ་ཤུས་གལ་སྲིད་ཁྱེད་ཀྱ་ཞར་ར་ཡིན་ནི། སྡིག་པ་ཟང་མེད་དིག ཡིན་ནའང་། ཁྱེད་ཀྱ་ཀྱིས་ཉེད་ཀྱ་མཐོང་གྱོ་འོད་སྨྲས་ཕེན། ཁྱེད་ཀྱ་སྡིག་ཅན་ཞིག་ཡིན་དིག་ཟིན་གསུངས་པི་དིག །

Currently Selected:

ཡོ་ཧ་ནན། 9: DLPO

Highlight

Copy