ཡོ་ཧ་ནན། 3

ལེའུ་གསུམ་པ།

ཡེ་ཤུས་ནཱི་ཀོ་དེམ་ཟེར་མཁན་ཁོ་ལེ་ཆོས་གསུངས་པ།

1དེ་ནས་ཡང་མིང་ལེ་ནཱི་ཀོ་དེམ་ཟེར་མཁན་ཕཱ་རུ་ཤི་པ་ཞིག་འོད་དིག ཁོང་རང་ནི་ཡ་ཧུ་དཱ་པའི་ཕྱོགས་ཁག་གི་འགོ་ཁྲིད་ཞིག་ཡིན་དིག 2དེ་ནས་ཉིན་མ་ཞིག་མཚན་མོའི་དུས་ལེ་ཁོས་ཡེ་ཤུ་མཇལ་དུ་འོངས་ཏེ། རཱབ་བི། ཁྱེད་རང་དཀོན་མཆོག་ནས་ཕེབས་འོངས་པའི་སློབ་དཔོན་ཞིག་ཡིན་དི་ངས་ཧ་གོ་བྱུང་། ཅི་ལེ་ཟེར་ནི། ཁྱེད་ཀྱིས་མཛད་པའི་ངོ་མཚར་ཀྱི་རྟགས་དེ་ཅོག་འདྲ། མི་སུ་ཞིག་གིས་ཟང་བགྱིད་མི་ནུས་འོད་དིག་ཟིན་ཞུས་པི་དིག 3དེ་ནས་ཡེ་ཤུས་ཁོ་ལེ། ང་ཁྱོད་ལེ་བདེན་པ་ཟེར་རོ། གལ་སྲིད་མི་ཞིག་ཡང་དང་སྐྱེས་ལས་མ་བྱས་ནི། དཀོན་མཆོག་གི་རྒྱལ་ཁབ་མཐོང་སྲིད་ཀྱི་མ་དིག་ཟིན་གསུངས་པི་དིག 4དེ་ནས་ནཱི་ཀོ་དེམ་གྱིས་ཁོང་ལེ། མི་ཞིག་སྐྱེས་ཏེ་རྒད་པོ་བྱུང་ཚར་འོད་ཕེན། ཅི་གི་བྱས་ཏེ་ཡང་དང་སྐྱེས་ལས་བགྱིད་སྲིད་རྒྱུ། ཡང་དང་ཨ་མའི་བུ་སྣོད་ནང་ལེ་འཛུལ་ཏེ། ལན་མ་གཉིས་པ་སྐྱེ་སྲིད་གྱོ་འོད་དི་གས་ཟིན་དྲིས་པི་དིག 5དེ་ནས་ཡེ་ཤུས་ཁོ་ལེ། ང་ཁྱོད་ལེ་བདེན་པ་ཟེར་རོ། གལ་སྲིད་མི་ཞིག་ཆུ་དིང་དཀོན་མཆོག་གི་ཐུགས་ཉིད་ཀྱི་བརྒྱུད་ནས་མ་སྐྱེས་པི་ཡིན་ནི། དཀོན་མཆོག་གི་རྒྱལ་ཁབ་ནང་ལེ་འཛུལ་སྲིད་ཀྱི་མ་དིག 6ལུས་ནས་སྐྱེས་པ་དེ་ནི་ལུས་རང་ཡིན་དིག དམ་པའི་ཐུགས་ཉིད་ཀྱི་བརྒྱུད་ནས་སྐྱེས་པི་དེ་ནི་སེམས་ཉིད་ཡིན་དིག 7ངས་ཁྱོད་ལེ་ཡང་དང་སྐྱེས་ལས་བགྱིད་དགོས་འོད་དིག་སྨྲས་པི་དེ་ལེ་ཡ་མཚན་སྣང་བགྱིད་དགོས་མེད་དིག 8དཔེར་ན། འུར་བོ་ནི་རང་གི་འདོད་པ་ཅོག་འདྲ་རྒྱག་གྱོ་འོད་དི་དིང་། ཁྱོད་ཀྱིས་འུར་བོའི་སྒྲ་ཐོས་ནའང་། འུར་བོ་དེ་ག་ནས་བྱུང་པི་དིང་། ཡང་ག་ན་ལེ་འགྲོ་འོད་མེད་ཆ་མེད་དི་ཅོག་འདྲ། དཀོན་མཆོག་གི་དམ་པའི་ཐུགས་ཉིད་བརྒྱུད་ནས་སྐྱེས་པི་དེ་ནི་འོ་དེ་ཅོག་འདྲ་ཡིན་དིག་ཟིན་གསུངས་པི་དིག 9ཡང་ནཱི་ཀོ་དེམ་གྱིས་དོན་དེ་ཅི་གི་བྱས་ཏེ་འུང་སྲིད་རྒྱུ་ཟིན་ཞུས་ཕེན། 10ཡེ་ཤུས་ཁོ་ལེ། ཁྱོད་ནི་ཡི་སི་ར་ཨེལ་གྱི་སློབ་དཔོན་ཞིག་ཡིན་ནའང་། དོན་དེ་ཟང་མི་ཤེས་འོད་དས། 11ང་ཁྱོད་ལེ་བདེན་པ་ཟེར་རོ། ཉེད་ཀྱ་ཀྱིས་ཅི་ཤེས་པ་དིང་། ཅི་མཐོང་འོད་ཡོད་དེ་ལེ་དཔང་པོ་བྱས་པི་ཡིན། ཡིན་ནའང་། དཔང་པོ་དེ་ལེ་ཁྱེད་ཀྱ་ཀྱིས་ཁས་མི་ལེན་འོད་དིག 12ངས་ཁྱེད་ཀྱ་ལེ་ས་སྟེང་ལེ་བྱུང་བའི་དོན་དེ་ཀྱ་བཤད་ནའང་། ཁྱེད་ཀྱ་ཡིད་མ་ཆེས་ནི། དཀོན་མཆོག་གི་ཞིང་ཁམས་ལེ་བྱུང་བའི་དོན་དེ་བཤད་ནི། ཁྱེད་ཀྱ་ཀྱིས་ཅི་གི་བྱས་ཏེ་ཡིད་ཆེས་བགྱིད་རྒྱུ། 13དཀོན་མཆོག་གི་ཞིང་ཁམས་ནས་བབ་པའི་མིའི་བི་ས་གཅིག་པོས་མ་གཏོགས། མི་སུ་ཞིག་ཟང་ཞིང་ཁམས་ལེ་ཕེབས་མྱོང་མེད་དིག 14སྔོན་མ་ལུང་སྟོན་པ་མོ་ཤེ་ཟེར་མཁན་དེ་དབེན་སྟོང་ལུང་པ་ལེ་སྡོད་རྒྱ། སྦྲུལ་གྱི་གཟུགས་པོ་ཞིག་བཟོས་ཏེ་གྱེན་ལེ་བཙུགས་པི་ཅོག་འདྲ། མིའི་བི་ས་ཟང་གྱེན་ལེ་འཛུགས་དགོས་འོད་དིག#3.14 ཚིགས་བཅད་འདི་ནི་ལུང་སྟོན་པ་མོ་ཤེས་བྲིས་པའི་མདོ་བཞི་པ་ལེའུ་ 21 ཨང་ 9 ནང་ལེ་གཟིགས་རོགས། 15དེ་ནི་མིའི་བི་ས་ལེ་དད་པ་བགྱིད་མཁན་ཡེ་རེ་ལེ་མཐའ་མེད་པའི་ཚེ་སྲོག་ཐོབ་རྒྱུ་ཆེད་དུ་ཡིན་དིག 16དཀོན་མཆོག་གིས་འཇིག་རྟེན་གྱི་མི་ཀུན་ལེ་བྱམས་བརྩེ་བ་ཆེན་པོ་གནང་སྟེ། རང་གི་སྲས་གཅིག་རང་དེ་ཟང་འཇིག་རྟེན་གྱི་མི་ཀུན་གྱི་དོན་ལེ་གནང་ཕེན། ད་སྲས་ལེ་དད་པ་བགྱིད་མཁན་ཡེ་རེ་རྩ་མེད་མི་འགྲོ་བར་མཐའ་མེད་པའི་ཚེ་སྲོག་དེ་ཐོབ་ཀྱི་དིག 17ཡང་དཀོན་མཆོག་གིས་རང་གི་སྲས་འཇིག་རྟེན་གྱི་མི་ལེ་ཁྲིམས་གཅོད་གནང་རྒྱུ་ཆེད་དུ་བརྫངས་པི་མ་དིག འཇིག་རྟེན་གྱི་མི་ཡེ་རེ་ཁོང་གི་བརྒྱུད་ནས་སྐྱོབ་གནང་རྒྱུ་ཆེད་དུ་བརྫངས་པི་དིག 18དཀོན་མཆོག་གི་སྲས་ལེ་དད་པ་བགྱིད་མཁན་ཀྱ་ལེ་ཁྲིམས་གཅོད་དུ་ཕེབས་མ་གནང་པི་དིག སྲས་གཅིག་པོའི་མཚན་ལེ་དད་པ་མི་བགྱིད་མཁན་མི་ཀྱ་ལེ་ཁྲིམས་བཅད་ཚར་རི་དིག 19ཡང་ཁྲིམས་གཅོད་དེ་ནི་འདི་གི་ཡིན་དིག འོད་ཟེར་དེ་འཇིག་རྟེན་ལེ་ཕེབས་ཚར་འོད་ནའང་། མི་ཀྱ་ཀྱི་སྤྱོད་པ་ངན་པ་དེས་འོད་ཟེར་དེ་ལེ་སྡིག་ཉེས་བྱས་ཏེ། མུན་ནག་ལེ་ཆགས་པའི་རྐྱེན་གྱི་ཡིན་དིག 20ཅི་ལེ་ཟེར་ནི། ལས་ངན་བགྱིད་མཁན་ཡེ་རེས་རང་གི་སྤྱོད་ངན་དེ་ཕྱི་ལེ་མི་སྟོན་པའི་ཆེད་དུ། འོད་ཟེར་དེ་ལེ་དགྲ་སྡང་པོ་བྱས་ཏེ། འོད་ཟེར་ཀྱི་དྲུང་དུ་མི་འོང་འོད་དིག 21ཡིན་ནའང་། བདེན་པའི་དོན་དེ་ལེ་ལག་ལེན་བགྱིད་མཁན་ཀྱ་ཀྱི་བྱ་བ་བཟང་པོ་དེ་ནི། དཀོན་མཆོག་ནས་བྱུང་པི་ཡིན་དི་གསལ་པོ་མཐོང་རྒྱུ་ཆེད་དུ། མི་དེ་ཀྱ་ནི་འོད་ཟེར་ཀྱི་དྲུང་དུ་འོང་འོད་དིག་ཟིན་གསུངས་པི་དིག

ཁྲུས་གསོལ་བགྱིད་མཁན་ཡོ་ཧ་ནན་གྱིས་ཡེ་ཤུ་ལེ་བདེན་དཔང་བྱས་པ།

22དེ་ནས་དོན་དེའི་རྗེས་ལེ་ཡེ་ཤུ་དིང་སློབ་མ་ཀྱ་ཡ་ཧུ་དཱ་པའི་ལུང་པ་ལེ་ཕེབས་པི་དིང་། ཁོང་རང་སློབ་མ་ཀྱ་དིང་སྐྱེན་ལེ་བཞུགས་ཏེ་མི་ཀྱ་ལེ་ཁྲུས་གསོལ་གནང་པི་དིག 23དེ་ནས་ཁྲུས་གསོལ་བགྱིད་མཁན་ཡོ་ཧ་ནན་གྱིས་ཟང་སཱ་ལིམ་ཟེར་རི་ཡུལ་གྱི་ཉེ་འགྲམ་ལེ་འོད་ཡོད་ཨེ་ནོན་ཆུ་མིག་ཟེར་ས་དེ་རུ་ཁྲུས་གསོལ་བགྱིད་འོད་དིག ས་ཆ་དེ་རུ་ཆུ་མང་པོ་འོད་ཕེན། མི་ཀྱ་ས་ཆ་དེ་རུ་ཕྱིན་ཏེ་ཁྲུས་གསོལ་བྱས་པི་དིག 24དེ་རྒྱ་ཡོ་ཧ་ནན་བཙོན་ཁང་ལེ་བཅུག་མེད་དིག 25དུས་དེ་རྒྱ་ཡོ་ཧ་ནན་གྱི་སློབ་མ་ཀྱ་དིང་། ཡང་ཡ་ཧུ་དཱ་པའི་མི་ཞིག་ཡ་ཧུ་དཱ་པའི་ཆོས་ཀྱི་གཙང་སྦྲའི་ལུགས་སྲོལ་གྱི་སྐོར་ལེ་རྩོད་གླེང་ཞིག་བྱུང་པི་དིག 26མི་དེ་ཀྱ་ཡོ་ཧ་ནན་གྱི་དྲུང་དུ་འོངས་ཏེ། རཱབ་བི། གཟིགས་དང་། དེ་སྔོན་ཡོར་དན་གཙང་པོའི་ཕར་ཀན་དུ། ཁྱེད་ཀྱིས་བདེན་དཔང་བགྱིད་ས་དིང་། ཁྱེད་ཀྱིས་སྐྱེན་ལེ་སྡོད་མཁན་མི་དེ་ནི། ད་ལྟ་མི་ཀྱ་ལེ་ཁྲུས་གསོལ་བགྱིད་འོད་དི་མ་ཟད། མི་མང་པོ་ཞིག་ཟང་ཁོང་གི་དྲུང་དུ་འགྲོ་འདུག་ཟིན་སྨྲས་པི་དིག 27དེ་ནས་ཡོ་ཧ་ནན་གྱིས་མི་དེ་ཀྱ་ལེ། གལ་སྲིད་དཀོན་མཆོག་གིས་ཞིང་ཁམས་ནས་མ་གནང་པི་ཡིན་ནི། མི་སུ་ཞིག་ལེ་ཅི་གང་ཐོབ་སྲིད་ཀྱི་མ་དིག 28ཡང་དེ་སྔོན་ངས། ང་ནི་སྐྱབས་མགོན་མན། ཁོང་གི་སྔོན་ལེ་བརྫངས་པི་དེ་ཡིན་ཟིན་སྨྲས་པི་ཅོག་འདྲ། ཁྱེད་ཀྱ་ཟང་ད་ལྟ་ངའི་དཔང་པོ་བགྱིད་མཁན་ཡིན་དིག 29ཡང་མནའ་མ་ལེན་མཁན་དེ་ནི་མག་པ་ཡིན་ཕེན། མག་པའི་རོགས་པོ་ལངས་ཏེ་བསྡད་དི་མ་ཟད། མག་པའི་སྐད་ཐོས་ཏེ་སེམས་དགའ་རི་བྱུང་པི་ཅོག་འདྲ། ད་ལྟ་ང་རང་ཟང་དགའ་རི་ཆེན་པོ་བྱུང་། 30ཁོང་ནི་འཕེལ་དགོས་པི་དིང་། ང་ནི་ཉུང་དུ་འགྲོ་དགོས་འོད་དིག་ཟིན་སྨྲས་པི་དིག 31ཡང་དེ་མ་ཟད། དཀོན་མཆོག་གི་ཞིང་ཁམས་ནས་ཕེབས་མཁན་ཡེ་རེ་ནང་ནས་མཐོ་ཤོས་དེ་ནི་ཁོང་རང་ཡིན་དིག ཡང་ས་ལེ་འོད་ཡོད་དེ་ནི་སའི་ཐོག་ལེ་ལུས་ཕེན། ས་ཐོག་གི་ལབ་གླེང་པ་རྐྱང་བགྱིད་འོད་དིག ཡིན་ནའང་། ནམ་མཁའི་ཞིང་ཁམས་ནས་ཕེབས་མཁན་ཁོང་ནི་ཡེ་རེ་ནང་ནས་མཐོ་ཤོས་ཡིན་དིག 32ཁོང་གིས་ཅི་མཐོང་པི་དིང་ཅི་ཐོས་པི་དེ་ཀྱ་ལེ་བདེན་དཔང་མཛད་ནའང་། མི་སུ་ཞིག་གིས་བདེན་དཔང་དེ་ལེ་ཁས་ལེན་མི་བགྱིད་འོད་དིག 33ཡང་ཁོང་གིས་མཛད་པའི་བདེན་དཔང་དེ་ལེ་ཁས་ལེན་བགྱིད་མཁན་གྱིས་དཀོན་མཆོག་བདེན་པ་ཡིན་དི་ར་སྤྲོད་བྱས་པི་དིག 34དཀོན་མཆོག་གིས་བརྫངས་པི་དེས་དཀོན་མཆོག་གི་བཀའ་གསུང་གནང་གི་མ་ཟད། དཀོན་མཆོག་གིས་ཟང་ཁོང་ལེ། རང་གི་རྫོགས་མཐའ་མེད་མེད་དམ་པའི་ཐུགས་ཉིད་གནང་འོད་དིག 35ཡང་ཡབ་ཆེན་དཀོན་མཆོག་གིས་རང་གི་སྲས་ལེ་བྱམས་བརྩེ་བ་ཆེན་པོ་གནང་སྟེ། རང་ལེ་འོད་ཡོད་ཡེ་རེ་སྲས་ཀྱི་ཕྱག་ལེ་བོར་གནང་པི་དིག 36སྲས་དེ་ལེ་དད་པ་བགྱིད་མཁན་ཀྱ་ལེ་མཐའ་མེད་པའི་ཚེ་སྲོག་འོད་དིག ཡང་སྲས་དེ་ལེ་དད་པ་མི་བགྱིད་མཁན་ཀྱ་ལེ། མཐའ་མེད་པའི་ཚེ་སྲོག་ཐོབ་མི་སྲིད་འོད་དི་མ་ཟད། དཀོན་མཆོག་གི་ཉེས་ཆད་ཀྱི་འོག་ཏུ་སྡོད་དགོས་འོང་གྱི་དིག་ཟིན་སྨྲས་པི་དིག །

Currently Selected:

ཡོ་ཧ་ནན། 3: DLPO

Highlight

Copy