Génesis 11
11
Pexe chai keyakui basua
1Naatiã na tsai wistichi tsaipaudiwu. 2Yurawu wudiwu na wari uwaikiri. Nari wukakĩ uke rawe machiwa rawe nama mispadu wudiwu. Nadu bai awẽ ade Sinar awẽ ade wetsa Babilonia nadu iixikakĩ netediwu. 3Naatiiwiwai shinadiwu pexe keya basuxikakĩ: “Nu ladrillo anukawe. Ladrillo chiĩ nu shinawaxu nu petsaidanu naskaxu nu wuĩ tayanukawe”. Naskaxu bakex ataba ladrillo akĩ taewadiwu 4Chipu yuinadiwu: “Pexe keya basua nu wanu. Dai ari dukua inu. Naskawaitu naatiiwixu duku dikanuwu. Nu paxkayabanu baitiixu”, idiwu.
5Pexe ichapa adu pexe keya basua waiwawe Epa Dios wutuxu uĩwadi. 6Epa Diospa yuidi: “Daawu xuku wistiwu. Na tsai wistichi tsaitiruwu. Na ma akĩ taewawu atũ yudu tsuã atibawatiruba. 7Wutuxu ẽ atũ tsai wetsaya atu waxui na tsai wistichi ana tsaiyabanuwu”, Epa Dios idi.
8Naduxu Diospa atu paxkanawadi bai aduxu. Nadu atũ yudu adaitidi. 9Naduax tsaiwiakakĩ ana dikananadiwuba. Naduxu Diospa atu paxkanawadi na baitiu adu. Naskake na pexe ichapa awẽ ade Babel, wadiwu.
Sempa awẽ kaiwu
10Na waipawã daxayabeadu ma wari rawe ma ikadu Sem cien wari ma aki ikadu awẽ wake Arfaxad kaĩdi. 11Arfaxad kaĩdiadu Sem quinientos wari ma aki ma ika idi. Awiana wake adi awĩwakeriwi. Naskax dadi.
12Arfaxad treinta y cinco wari aki kaadu awẽ wake werunawake kaĩdi. Kaĩke adedi Sélah. 13Naskata Arfaxadpa cuatrocientos tres wari ika idi. Awiana wake adi awĩwakeriwi.
14Naskata Sélahpa treinta wari ma aki ikadu awẽ wake kaĩdi. Kaĩke adedi Éber. 15Naskata Sélahpa cuatrocientos tres wari ma aki ikadu awẽ wake kaĩdi. Awiana werunawakewu adi awĩwakewuri.
16Éber treinta y cuatro wariya idi awẽ wake kaĩyadu. Kaĩke adedi Péleg. 17Péleg kãidiadu Éber cuatrocientos treinta wari ika idi. Awiana wake adi awĩwakeriwi.
18Naskata Péleg ma treinta wari ikadu awẽ wake Reú kaĩdi. 19Naskata Reú kãidiadu Péleg doscientos nueve wari iyudi. Awiana wake adi awĩwakeriwi.
20Reú treinta y dos wari aki kaadu awẽ wake kaĩdi. Kaĩke adekĩ Serug, wadi. 21Serug kaĩdi kachiuri chipu Reúpa awĩwakewu werunawakewu kaĩdiwu. Reú doscientos siete wari iyupaudi.
22Serug treinta wari aki kaadu awẽ wake Nahor kaĩdi. 23Nahor kaĩdi kachiuri chipu Serug awẽ wakewu awĩwakewu werunawakewu kaĩdiwu. Serug doscientos wari iyupaudi.
24Nahor veintinueve wari aki kaadu wake Térah kaĩdi. 25Térah kaĩdi kachiuri chipu Nahor awẽ wakewu awĩwakewu werunawakewu kaĩdiwu. Nahor ciento diecinueve wari iyupaudi.
26Térah setenta wari aki kaadu tres wakeya idi. Wetsa Abramnu Nahornu Harán.
Térahpa awẽ wakewu
27Térahpa awẽ kaiwu uduax ichapanawã kaipakedakawu daawu idiwu. Térahpa awẽ Abram Nahorya Harán. Haránpa awẽ wake Lot idi. 28Naskata apa Térah diyuadu awẽ wake Harán bai Caldea awẽ pexe ichapa Ur aduax dadi.
29Abrampa ariwi awĩwu widi. Na awĩni awẽ ade Sarai idi. Abrampa awẽ extu Nahorpa awĩwu widi. Awẽ ade Milcá idi. Na Milcá Haránpa awẽ wake idi. Iscá awẽ chiku Milcá idi. 30Sarai wake dadetiruba wake abisba idi.
31Térah bai Caldea awẽ pexe ichapa Ur aduax Canaán bai ari kadi. Awẽ wake Abramnu Sarai awẽ wawawa awẽ xuta Lot awẽ wawawari iyudi. Askawia pexe ichapa Harán adu dukuax nadu netediwu pexe waaxikĩ. 32Harán aduax Térah doscientos cinco wari ikadu dadi.
Currently Selected:
Génesis 11: mtsB
Highlight
Share
Copy
Want to have your highlights saved across all your devices? Sign up or sign in
