Apôkalipsỳ 16

Ireo lovia fito feno ny fahatezeran’Andriamanitra

1Dia reko nisy feo mahery avy tao amin’ny tempoly nanao tamin’ny anjely fito hoe: «Mandehana, araraho amin’ny tany ny ao anatin’ireo lovia fito feno ny haviniran’Andriamanitra.»

2Dia nandeha ny anjely voalohany nandraraka ny tao an-doviany tamin’ny tany; ka nisy vay mandoza sady mampahory#16.2 Ampit Eks 9.10. nihatra tamin’ny olona izay nanana ny mariky ny biby sy nivavaka tamin’ny sariny.

3Dia nandraraka ny tao an-doviany tamin’ny ranomasina ny anjely faharoa, ka tonga ra ny ranomasina, dia ra manahaka ny ran’olona novonoina; ary maty avokoa ny miaina rehetra tao aminy.

4Dia nandraraka ny tao an-doviany tamin’ny ony sy ny loharano ny anjely fahatelo, ka tonga ra ny rano#16.4 Ampit Eks 7.17-21.. 5Ary reko ny anjely manam-pahefana amin’ny rano nanao hoe: «Ara-drariny tokoa no nataonao, ry Ilay ankehitriny sy taloha, dia ilay Masina; ara-drariny tokoa no nataonao raha nitsara toy izany Ianao. 6Fa ny ran’ireo anisan’ny vahoakan’Andriamanitra sy ny ran’ireo mpaminany no nalatsak’ireny olona ireny; ka dia ra kosa no efa nomenao hosotroiny, ary mendrika azy izany.» 7Dia reko nisy feo avy tao amin’ny alitara nanao hoe: «Eny, ry Tompo Andriamanitra Tsitoha, mahitsy sy ara-drariny ny fitsaranao!»

8Dia nandraraka ny tao an-doviany tamin’ny masoandro ny anjely fahefatra, ka navela handoro ny olona tamin’ny afony ny masoandro. 9Ary main’ny hafanana be ny olona; kanefa ny manevateva ny anaran’Andriamanitra Izay manam-pahefana amin’ireny loza ireny no nataony, fa tsy ny miala amin’ny toe-dratsiny#16.9 miala amin’ny toe-dratsy: jereo ny FTS amin’ny voambolana hoe FIBEBAHANA. mba hanome voninahitra an’Andriamanitra.

10Dia nandraraka ny tao an-doviany tamin’ny sezafiandrianan’ilay biby ny anjely fahadimy; ka tonga maizina#16.10 Ampit Eks 10.21-22. ny fanjakan’ilay biby ary nanaiki-dela ny olona noho ny fanaintainana. 11Kanefa ny manevateva ilay Andriamanitra monina ao an-danitra no nataony noho ny fanaintainana sy ny vay nanjo azy fa tsy ny miova toetra miala amin’ny asa ratsiny.

12Dia nandraraka ny tao an-doviany tamin’i Eofrata, ony lehibe, ny anjely fahenina; ka ritra ny ranony, hanomanan-dalana ho an’ny mpanjaka avy any atsinanana#16.12 Ampit Is 11.15. –Eofrata: jereo 9.14 sy nta.. 13Ary nisy fanahy maloto anankitelo, tahaka ny sahona, hitako nivoaka avy tany am-bavan’ny dràgona#16.13 dràgona: jereo 12.3 sy nta. sy avy tany am-bavan’ilay biby ary avy tany am-bavan’ilay mpaminany sandoka. 14Fanahin-demony#16.14 demony: jereo 1Tim 4.1 sy nta. manao zava-mampitolagaga ireo fanahy maloto ireo, sady mankany amin’ny mpanjaka eran’ny tany tontolo mba hamory azy ho amin’ny ady hatao amin’ilay andro lehibe hitsaran’Andriamanitra Tsitoha.

15«Indro avy toy ny mpangalatra Aho#16.15 Jereo 3.3 sy nta., hoy ny Tompo. Sambatra izay miari-tory sy mitandro ny fitafiany, fandrao mandeha miboridana ka ho hita mitanjaka!»

16Dia novorin’ireo fanahy maloto ireo ny mpanjakan’ny tany ho any amin’ilay toerana atao hoe Harmagedôna#16.16 Harmagedôna: izany hoe ny havoana iorenan’ny tanàna Megidao. I Megidao dia tanàna kanahanita, niorina teo am-pototry ny tendrombohitra Karmèla, ary nitrangan’ady maromaro mahatsiravina (jereo Mpits 5.19; 2 Mp 23.29). amin’ny teny hebreo.

17Dia nandraraka ny tao an-doviany tamin’ny rivotra ny anjely fahafito, ka reko nisy feo avy tao amin’ny tempoly; niainga avy teo amin’ny sezafiandrianana ilay feo ka nanao hoe: «Vita!» 18Dia nisy tselatra sy kotrokorana aman-kotro-baratra; nisy koa horohorontany mafy, ka tsy mbola nisy toy izany hatrizay nisian’olona tetỳ ambonin’ny tany, satria tena horohorontany mafy sy mahery vaika. 19Vaky ho telo toko ilay tanàna lehibe; rava ireo tanànan’ny firenena; tsy hadinon’Andriamanitra ny nanasazy an’i Babilôna lehibe, ka nomeny azy ny tsatokaty feno divay, dia ny divay manambara ny firehetam-pahatezeran’Andriamanitra#16.19 Ampit Is 51.17.. 20Ny nosy rehetra, nanjavona; ny tendrombohitra, tsy hita intsony; 21ny olona, nilatsahan’ny havandra#16.21 Ampit Eks 9.23-24. vaventy avy tany an-danitra, dia havandra milanja tokony ho efapolo kilao ny anankiray. Ary nanevateva an’Andriamanitra ny olona noho ny loza vokatry ny havandra, fa lehibe loatra izany loza izany!

Currently Selected:

Apôkalipsỳ 16: DIEM

Highlight

Copy