Salamo 3
3
SALAMO Voahodidim-pahavalo
1 Salamo nataon’i Davida, fony izy nandositra an’i Absalôma zanany lahy # 3.1 Jereo 2 Sam 15–17. .
2TOMPO ô, akory ity hamaroan’ny fahavaloko!
Maro loatra ny olona mitsangan-kanohitra ahy;
3maro loatra ny milaza momba ahy hoe:
«Tsy manam-pamonjena amin’Andriamanitra izy!»
Fiatoana
4Nefa Ianao, TOMPO ô, no ampinga miaro ahy;
Ianao no voninahitro sy mampitraka ahy.
5Raha miantso vonjy amin’ny TOMPO aho,
dia valiany avy ao an-tendrombohiny masina#3.5 tendrombohiny masina: jereo 2.6..
Fiatoana
6Matory aho ka renoka, dia mifoha,
satria ny TOMPO no manohana ahy.
7Tsy atahorako ny olona alinalina
izay manemitra mba hamely ahy.
8Ry TOMPO Andriamanitro ô,
midira an-tsehatra hamonjy ahy.
Hasianao tehamaina ny fahavaloko rehetra,
ka dia raraka ny nifin’ireo olon-dratsy.
9TOMPO ô, Ianao no hany afaka mamonjy.
Ho amin’ny vahoakanao anie ny fitahianao!
Fiatoana
Currently Selected:
Salamo 3: DIEM
Highlight
Share
Copy
Want to have your highlights saved across all your devices? Sign up or sign in
Dikanteny Iombonana Eto Madagasikara © Malagasy Bible Society, 2004.
