Salamo 135
135
SALAMO Fantatro fa lehibe ny Tompo
1 Haleloià!
Miderà ny anaran’ny TOMPO ianareo.
Miderà Azy ianareo mpanompony
2izay mitoetra ao an-tranony,
ao an-kianjan’ny tranon’Andriamanitsika.
3Miderà ny TOMPO ianareo fa tsara Izy;
mankalazà ny anarany fa mamy izany,
4satria i Jakôba nofidîn’ny TOMPO ho Azy
ary i Israely natokany ho fananany.
5Eny, fantatro fa lehibe ny TOMPO;
ary ekeko fa izany Tompontsika izany
dia ambonin’ny andriamanitra rehetra.
6Izay sitraky ny TOMPO, ataony avokoa
na any an-danitra na etỳ an-tany,
na any an-dranomasina
sy any an-drano lalimbe.
7Nampiakatra rahona avy any am-paran’ny tany Izy,
ka nanao helatra narahin-dranonorana
ary namoaka ny rivotra
avy tamin’ny fitahirizany azy.
8Namely ny lahimatoan’ny Ejiptianina Izy,
hatramin’ny olombelona ka hatramin’ny biby#135.8 Eks 12.29..
9Famantarana sy zava-mahagaga
no nalefany teo anivonao, ry Ejipta,
mba hanafaizana ny Farao
sy ireo mpanompony rehetra#135.9 Eks 7.8–14.31..
10Namely hafa firenena maro Izy
sy nahafaty mpanjaka mahery,
11dia i Sihôna mpanjakan’ny Amôrita
sy i Hôga mpanjakan’i Basàna#135.11 Nom 21.21-35.,
ary namely ny fanjakana rehetra
izay manerana an’i Kanahàna.
12Ny tanin’ireny nomeny ho lova,
ho lovan’i Israely vahoakany.
13TOMPO ô, maharitra mandrakizay ny lazanao;
amin’ny taona rehetra ny fahatsiarovana Anao,
14satria omenao rariny ny vahoakanao
ary iantranao indray ny mpanomponao.
15Ny sampin’ny hafa firenena
dia volafotsy amam-bolamena;
zavatra notefen’olombelona ireny.
16Manam-bava fa tsy miteny;
mana-maso fa tsy mahita;
17manan-tsofina fa tsy mandre;
tsy misy fofonaina akory ao am-bavany.
18Ho tahaka azy anie izay nanao azy
sy izay rehetra mitoky aminy#135.18 And 15-18: jereo Sal 115.4-8; Apôk 9.20.!
19Ry fokon’i Israely ô, misaora ny TOMPO;
ry taranak’i Aharôna#135.19 Jereo Sal 115.10 sy nta. ô, misaora ny TOMPO;
20ry tariky ny levita ô, misaora ny TOMPO;
ry mpanaja ny TOMPO ô, misaora ny TOMPO.
21Hisaorana avy ao Tsiôna anie ny TOMPO,
Izay monina ao Jerosalema! Haleloià!
Currently Selected:
Salamo 135: DIEM
Highlight
Share
Copy
Want to have your highlights saved across all your devices? Sign up or sign in
Dikanteny Iombonana Eto Madagasikara © Malagasy Bible Society, 2004.
