Nahoma 2
2
1Ry vahoakan’i Joda, indro tamy eny an-tendrombohitra
ny iraka mitondra vaovao mahafaly sy mitory fiadanana.
Ankalazao ny fetinareo, efao ny voadinareo!
Fa tsy handalo eo aminareo intsony ilay olom-poana#2.1 Ao amin’ny dkt latinina tranainy ary mbola arahin’ny dkt maoderina sasany, Nah 2.1 dia voalahatra ho 1.15. Araka izany koa ny 2.2 dia voalahatra ho 2.1... sns. –ilay olom-poana: tsy isalasalana fa ny mpanjakan’i Asiria izay efa voalaza tao amin’ny 1.11 izany.,
satria efa fongotra tanteraka izy.
2Miakatra hamely anao, ry Ninive, ireo mpandrava;
koa ambeno ny manda, andraso ny lalana.
Mivonòna hiady ary angony ny tafikao rehetra.
3Fa efa ampodin’ny TOMPO indray
ny voninahitry ny taranak’i Jakôba
efa ampodiny indray ny voninahitr’i Israely,
ilay voaloboka rava sady simban’ny mpandroba.
I Ninive voatafika sy voaroba
4Ampinga miloko mena sy akanjo jaky midorehitra
no entin’ny tafika fahavalonao, ry Ninive.
Manjelatra toy ny afo ny kalesiny
ary mirangaranga ny lefony,
rehefa mivonon-kiady izy.
5Miriotra mamakivaky ny arabe ny kalesiny,
ary mifanaretsaka eny an-kianja malalaka;
toy ny harendrina no fijery azy
fa mitsoriaka tahaka ny tselatra.
6Miantso ireo jeneraliny ny mpanjakan’i Asiria,
kanjo tafintohina am-pandehanana ireny.
Milomay manatona ny manda ny mpanani-bohitra
ka maka toerana eo ambanin’ny fialofana#2.6 eo ambanin’ny fialofana: amin’ny alalan’ny ampinga lehibe miaro ny mpanani-bohitra eo am-pototry ny manda..
7Vaky tampoka ny vavahady manolotra ny ony,
ary mirodana ny lapa#2.7 Niorina teo amoron’ny ony roa i Ninive dia ny ony Tigra sy ny sampany antsoina hoe Kôsera. Ny lapan’andriamanjaka dia voaaron’io Kôsera io manodidina. –ary mirodana ny lapa: dkt hafa ka rera-tsaina ny ao an-dapa. .
8Azo ka nentin-ko babo ny sarin’ny andriamani-baviny#2.8 ny sarin’ny andriamani-baviny: araka ny dkt grika tranainy izany. Ilay andriamani-bavy asirianina Istara no lazaina eto.,
ary ny mpanompovaviny mitoloko toy ny voromahailala
sady mandòn-tratra noho ny alahelo.
9Fa hatrizay i Ninive dia tahaka ny siniben-drano,
kanjo vaky izy ankehitriny.
«Mijanòna! Mijanòna!» hoy ny hiaka
nefa tsy nisy niherika na dia iray aza.
10Aoka hobaboina ny volafotsy sy ny volamena
fa tsy mety ritra ny hareny,
dia ireo zava-tsarobidy miavosa!
11Tsy misy afa-tsy fandrobana
sy fandravana ary fanimbana no hita!
Kivy ny fon’ny rehetra;
mangozohozo ny lohalika,
mangovitra ny vatana
ary mivaloarika ny tarehy.
Toy ny liona resy i Ninive
12Fa aiza ankehitriny ilay tanàna
izay toy ny zohy fieren’ny liona#2.12 Ny liona no marika famantarana an’i Ninive.
sy fihinanan’ny zanany?
Rehefa lasa miremby ny liona,
dia tsy nisy sahy nanakotaba ny zanany.
13Novonoin’ny liona sy noviravirainy ny hazany
ho an’ny liom-bavy sy ny zanany.
Ny lavaka fonenany nofenoiny remby,
dia ny haza rehetra voaviravirany.
14Koa izao no teny hentitra
ataon’ny TOMPOn’izao rehetra izao:
«Indro hamely anao Aho, ry Ninive,
hodorako ho levona ny kalesinao
ary hatolotro ho fatin-tsabatra ny tanoranao.
Hofaranako hatreo ny fandrobanao teto an-tany,
ka tsy ho re intsony ny fitakiana ataon’ny irakao.»
Currently Selected:
Nahoma 2: DIEM
Highlight
Share
Copy
Want to have your highlights saved across all your devices? Sign up or sign in
Dikanteny Iombonana Eto Madagasikara © Malagasy Bible Society, 2004.
