Joda Sava lalana
Sava lalana
Ny taratasy avy amin’i Joda dia tsy ho ana Fiangonana anankiray fa ho an’ny kristianina ankapobeny. Ny hafatra ampitainy dia mitovitovy amin’izay hita ao amin’ny taratasy faharoa avy amin’i Petera (jereo 2 Pt 2): samy toherin’ny taratasy roa tonta ireo olona sady mampiely fampianaran-diso mamoafady no mampiseho fitondrantena ratsy.
Vao vita ny sasin-teny (1-2) dia toherin’ny mpanoratra mafy ireo mpampiely fampianaran-diso, indrindra ireo tafasisika ao anatin’ny Fiangonana, ary ambarany rahateo ny fanamelohana hampiharin’Andriamanitra amin’izy rehetra (3-16). Manainga ireo mpino kosa ny mpanoratra mba hiorina mafy amin’ny finoana (17-23); ka ny teny entiny mamarana ny taratasiny dia fiderana «an’ilay Andriamanitra tokana, Mpamonjy antsika amin’ny alalan’i Jesoa Kristy» (24-25).
Potsipotsirin’ity taratasy ity ny mahazava-doza ilay hery ratsy mpandainga sy mpamitaka; kanefa vao mainka marihiny fa isika kristianina dia ampian’Andriamanitra sy omeny fanantenana azo antoka ao amin’i Jesoa Kristy sy amin’ny alalan’ny Fanahy Masina (20-21).
Currently Selected:
Joda Sava lalana: DIEM
Highlight
Share
Copy
Want to have your highlights saved across all your devices? Sign up or sign in
Dikanteny Iombonana Eto Madagasikara © Malagasy Bible Society, 2004.