Josoa 5
5
1Ny mpanjaka rehetra, tamin’ny Amôrita nonina teny andafy andrefan’i Jôrdàna sy tamin’ny Kanahanita nonina tany amoron’ny Ranomasina Mediteranea, dia nahare fa nataon’ny TOMPO maina ny falehan’ny ranon’i Jôrdàna teo anoloan’ny Israelita mandra-pitany; noho izany dia ketraka ny fon’ireo mpanjaka ireo ka tsy nanam-pahasahiana intsony ry zareo hanoherana ny Israelita.
Famorana Israelita tao Gilgala
(Jereo Gen 17.9-14, 23-27; Kôl 2.11-12; Fil 4.9)
2Tamin’izay koa dia hoy ny TOMPO tamin’i Josoa:
–Manaova antsy vato ho anao, ka forao ireto Israelita taranaka vaovao ireto.
3Dia nanao antsy vato ho azy i Josoa ka namora ny Israelita. Teo amin’ny toerana izay nantsoina hoe Gibehà-Haralôta na havoana famorana no nanaovana izany. 4-5Fony niala tany Ejipta ny vahoaka Israelita, ny lehilahy rehetra mahatam-piadiana dia samy efa voafora avokoa; nefa maty teny an-dalana tany an-taniefitra avokoa ireo. Fa ny zazalahy teraka teny an-dalana tany an-taniefitra kosa dia tsy mbola nisy voafora: izany no anton’ny namoran’i Josoa azy. 6Efapolo taona no nandehanan’ny Israelita tany an-taniefitra. Lany ritra tamin’izany ny lehilahy afa-miantafika rehetra izay indray niala tany Ejipta, satria tsy nanaiky ny TOMPO ry zareo; ary efa nianianan’ny TOMPO ireo fa tsy hisy hahita ny tany izay nampanantenainy tamin’ny razany fa homena antsika, dia tany tondra-dronono sy tantely#5.6 tany tondra-dronono sy tantely: jereo Eks 3.8 sy nta.. 7Ny zanakalahin’ireo no najoron’ny TOMPO handimby azy ka noforan’i Josoa, noho izy tsy mbola voafora mihitsy satria tsy noforana teny an-dalana. 8Ary rehefa voafora avokoa izy rehetra, dia nijanona tao an-toby ihany aloha ambara-pahasitrany. 9Avy eo dia hoy ny TOMPO tamin’i Josoa:
–Androany no nanesorako taminareo ny henatra izay nentinareo avy tany Ejipta.
Izany no niantsoana an’io toerana io hoe Gilgala mandraka androany#5.9 Androany no nanesorako...Ejipta: ny henatra noho ny tsy nahavoafora no resahina eto. –Gilgala: jereo 4.19 sy nta; io anarana io amin’ny teny hebreo dia iray fototra amin’ny matoanteny hoe «manaisotra». .
Ny Paska voalohany tao Kanahàna
10Dia nitoby tao Gilgala ny Israelita, teo amin’ny tany lemaka akaikin’i Jerikao, ka nankalaza ny Paska fony harivan’ny andro faha-14 tamin’io volana io#5.10 ny andro faha-14 tamin’io volana io: jereo 4.19 sy nta; io no daty fankalazana ny Paska: jereo Eks 12.6.. 11Ny ampitson’ny Paska dia nihinana mofo tsy misy leviora sy lango avy amin’ny vokatry ny tany izy. 12Ny andro nihinanany ny vokatry ny tany dia nitsahatra ny mana ka tsy nisy mana ho an’ny Israelita intsony; satria izany taona izany no nihinanany ny vokatry ny tany Kanahàna#5.12 mana: jereo Eks 16.13-35. –Kanahàna: anaran’ny tany nampanantenaina talohan’ny nahatongavan’ny Israelita..
Ilay lehiben’ny tafiky ny Tompo
13Iny teo akaikin’i Jerikao iny i Josoa, dia nanopy maso nijery ka indro lehilahy iray nitsangana tandrifiny sady nitana sabatra voatsoaka teny an-tanany; dia nanatona azy i Josoa ka nanontany azy hoe:
–Namanay ve ianao sa naman’ny fahavalonay?
14Dia novaliany hoe:
–Tsia, fa lehiben’ny tafiky ny TOMPO aho ka tonga atỳ ankehitriny.
Dia niankohoka tamin’ny tany i Josoa ka niteny taminy hoe:
–Mpanomponao aho, tompoko; ka inona no baikonao amiko?
15Dia hoy ilay lehiben’ny tafiky ny TOMPO tamin’i Josoa:
–Esory eny an-tongotrao ny kapanao fa masina io toerana ijoroanao io#5.15 Ny manaisotra kapa eny an-tongotra dia mari-panajana ny fahamasinan’ny faritra iray, jereo Eks 3.5..
Dia nataon’i Josoa izany.
Currently Selected:
Josoa 5: DIEM
Highlight
Share
Copy
Want to have your highlights saved across all your devices? Sign up or sign in
Dikanteny Iombonana Eto Madagasikara © Malagasy Bible Society, 2004.
