Jôba 29
29
Valin-teny farany nataon’i Jôba: E! ireo andro soa fahiny!
1Dia mbola nandahatra ihany i Jôba ka nanao hoe:
2Iza re no hamerina amiko indray ireny volana taloha
izay niainako teo ambany fiarovan’Andriamanitra,
3fony mbola nirehitra teo ambony lohako ny jirony
ka ny fahazavàny no nitari-dalana ahy tamin’ny alina?
4Tao anatin’ny andro fanambinana aho tamin’izay
ary narovan’ny fisakaizan’Andriamanitra ny fonenako,
5fony mbola niaraka tamiko ilay Tsitoha
ary nanodidina ahy ireo zanakalahiko.
6Tamin’izay no nilomanosako
tao anatin’ny harena miavosa
sy nikorianan’ny diloilo ho ahy
avy amin’ny vato famiazana ôliva.
*
7Raha nankeny am-bavahadin’ny tanàna aho
ka nandray ny toerako teo an-kianja#29.7 Ny filankevitry ny tanàna dia nipetraka teo an-kianja nanoloana ny vavahadin’ny tanàna, ka afa-manao asam-pitsarana izy.,
8dia nahita ahy ny tanora ka nitsoatsoaka,
ary ny antitra nitsangana ka nijaridina teo.
9Nangina tsy nahateny ny lehibe
fa nitampim-bava fotsiny.
10Tankina koa ny feon’ireo mpanapaka
ka toa niraikitra tamin’ny lanilany ny lelany.
*
11Izay nandre dia nidera ahy;
ary izay nahita dia samy nankasitraka.
12Satria novonjeko ny mahantra
izay nitaraina tamiko
ary koa ny kamboty
tsy nanan-kianteherana.
13Tonga tamiko ny tsodranon’ny miala aina
ary dia nampifalifaliako ny fon’ny mpitondratena.
14Ny fahamarinana no akanjo fanaovako,
ny fitandroako ny rariny no ihaingako
tahaka ny lamba sy toy ny fehiloha.
15Nanjary maso ho an’ny jamba aho
ary tongotra ho an’ny malemy.
16Eny efa tonga ray ho an’ny mahantra aho;
ary nandray an-tanana ny olan’ireo vahiny.
17Nomontsaniko ny valanoranon’ny olon-dratsy
hanafahako izay voagejan’ny nifiny.
18Dia hoy aho hoe: «Ato amin’ny akaniko
no hialako aina toy ny feniksa#29.18 ny feniksa dia vorona fatratra loatra voalazan’ny angano fa niaina an-jato taona maro. Dia nodorana niaraka tamin’ny akaniny, kanefa afaka nitsangana indray tamin’ny lavenony. Ny tapany faharoa amin’ny andininy dia misy mandika hoe Ho maro tahaka ny fasika ny androko. ka hahamaro ny androm-piainako indray.
19Tahaka ny hazo manana faka azon-drano aho,
sady manana ny ravin-drantsana
izay handrian’ny ando amin’ny alina.
20Hohavaozina tsy tapaka ny voninahitro
ary ho toy ny tsipîka voahenjana ny heriko.»
*
21Nihaino ahy tamim-panantenana ny olona,
ka samy nangina teo am-pandraisana ny hevitro.
22Rehefa niteny aho dia tsy nisy namaly intsony,
ary nanenika azy tsikelikely ny teniko.
23Niandry ahy toy ny fiandry ranonorana izy,
ary toy ny mitanatana vava
miandrandra ny oran-dohataona.
24Raha nisy nila ho ketraky ny hakiviana ireo,
dia notolorako tsiky fampaherezana
ary tsy nahamaloka ny fahazavan’ny tavako.
25Nitarika azy sy nanoro lalana azy aho,
ka nahavatra niara-nitoetra taminy
toy ny mpanjaka milasy miaraka amin’ny tafiny
na toy ny olona mampionona ny tra-pahoriana.
Currently Selected:
Jôba 29: DIEM
Highlight
Share
Copy
Want to have your highlights saved across all your devices? Sign up or sign in
Dikanteny Iombonana Eto Madagasikara © Malagasy Bible Society, 2004.
