Jôba 26
26
Valintenin’i Jôba:
famonjena mampalahelo loatra ity omenao ahy!
1Namaly i Jôba ka nanao tamin’i Bildada hoe:
2Endrey ny fahaizanao manampy ny osa
sy mampahatanjaka ny miraviravy tanana toa ahy!
3Endrey ny fahaizanao manolo-tsaina
sy mizara fahendrena mitafotafo
amin’ny adala toy ny tenako izao!
4Fa iza moa no nampandahatra anao ireo teninao ireo?
Ary fanahin’iza no nampivolana anao toy izany?
Ny fahefàn’Andriamanitra manerana izao rehetra izao#26.5 Ny and 5-14: dia mamerina ny fotokevitra ao amin’ny 25.2-6. Izany no ilazan’ny sasany fa tohin’ny tena nataon’i Bildada ihany ireo.
5Mipararetra ny matoatoa any ambany any,
mihorohoro koa ny ranobe sy ny mponina ao aminy.
6Mihanjahanja eo anatrehan’Andriamanitra ny toeran’ny maty,
ary miharihary eo imasony ny hantsam-pahaverezana.
7Izy no mamelatra ny lanitra avaratra
eny amin’ny babangoana ambony eny,
ary mampihevaheva ny tany eny ana habakabaka.
8Angoniny ao amin’ny rahony ny orana
kanefa tsy mampitriatra ny fanambanin-drahona.
9Takony tsy hitantsika ny tavan’ny volana fenomanana#26.9 volana fenomanana: araka ny fandikana jiosy tranainy; ny sasany mandika hoe ny sezafiandrianany. ,
satria amelarany raho-matevina hanarona azy.
*
10Hodidininy faribolana ny ranomasimbe,
dia amin’izay mampisaraka ny mazava sy ny maizina.
11Vao rahonany fotsiny ny andrin’ny lanitra
dia mihozongozona sy tsiravina.
12Ny heriny no namolahany ny ranomasina,
ary ny fahendreny no handreseny an’i Rahaba#26.12 Jereo 7.12 sy nta; ampit 9.13..
13Ny fofonainy no nampahazava ny lanitra,
ary ny tanany no namantsika ilay bibilava mpandositra#26.13 Ampit Is 27.1..
14Indreny no ampahany kely amin’ny asany
ary ako malefak’izany no mba rentsika
fa raha ny fikotrokotroky ny heriny,
iza moa no hahatakatra izany?
Currently Selected:
Jôba 26: DIEM
Highlight
Share
Copy
Want to have your highlights saved across all your devices? Sign up or sign in
Dikanteny Iombonana Eto Madagasikara © Malagasy Bible Society, 2004.
