Isaià 29
29
I Jerosalema teo am-bava loza nefa voavonjy tampoka
1«Indrisy, ry Ariela#29.1 Ariela (izay midika hoe tanànan’Andriamanitra) dia manondro an’i Jerosalema eto (and 1,7); fa ilazana ny faritra faratampon’ny alitara*, fandoroana ny sorona (and 2; Ezek 43.15-16).!
Ry Ariela, tanànan’i Jerosalema,
nataon’i Davida fahirano fahiny!
Na hiverina isan-taona isan-taona aza
ny fitsingeringerenan’ny andro fety,
2dia hampahorîko ianao, hoy ny Tompo,
ka alahelo sy fahoriana lalina no hanjo anao,
ary ho tonga «ariela»-n’ny alitara ianao amiko.
3Hanao fahirano anao tahaka ny nataon’i Davida Aho
ary hanisy miaramila hanemitra anao
sy hanangana tovon-tany hamelezana anao.
4Haetry ianao ka hiteny
avy ao an-kibon’ny tany ao.
Hibitsibitsika ny feonao mamakivaky ny vovoka;
mova tsy feon’ny matoatoa miala avy amin’ny tany
sy misamoina avy ao amin’ny vovoka ny teninao.
5Toy ny vovoka mitora-jofo ny habetsaky ny fahavalonao,
toy ny akofa misavoana ny olon-dozabe mamely anao.»
Fa ho tampoka dia tampoka kosa
6no hiavian’ny famaliana hamonjena anao
avy amin’ny TOMPOn’izao rehetra izao,
Izay hombàn’ny kotro-baratra sy ny horohoron-tany
ary firohondrohona mafy,
hombàn’ny tadio sy ny tafio-drivotra
ary ny lelafo mandevona.
7Toy ny nofy na fahitana mihelina amin’ny alina
no hanjavonan’ireo firenena marobe mamely anao, ry Ariela,
dia ireo rehetra miady aminao
ka manangana tovon-tany hampahoriana anao#29.7 Mety ho filazana an-kolaka ny fanafihana tsy nahomby nataon’ny Asirianina tamin’i Jerosalema, tamin’ny taona 701 tal J.K. izany. Jereo toko 36–37; ampit 31.4-5..
8Ho tahaka ny olona mosarena manonofy mihinana,
kanjo nony taitra dia noana ihany ny kibony;
ho tahaka ny olona mangetaheta manonofy misotro,
kanjo nony taitra dia trotraka
fa mbola maina ihany ny tendany;
ho tahaka izany ireo firenena marobe
izay miady amin’ny tendrombohitra Tsiôna.
Fahajambana sy fahamamoana
9Migagà ka mitalanjòna ianareo.
aoka ho jamba ka tsy hahita,
ho mamo nefa tsy amin-divay,
hivembena nefa tsy amin-toaka!
10Fa ny TOMPO efa nampidina
fanahy mampatory tao aminareo
ary notampenany ny masonareo#29.10 Ampit Is 6.10; Rm 11.8.,
–hilazana ireo mpaminany izany–,
sady nosaronany ny lohanareo,
–hilazana ny mpahita izany.
11Ny fanambaràna izany rehetra izany ho anareo dia miafina toy ny tenin’ny raki-tsoratra voaisy tombokase. Dia omena izay mahay mamaky teny izany ka iangaviana azy hoe: «Azafady, mba vakio kely ity». Fa hamaly izy hoe: «Tsy azoko atao izany, satria voaisy tombokase io raki-tsoratra io.» 12Dia omena izay tsy mahay mamaky teny indray izany ka iangaviana azy hoe: «Azafady, mba vakio kely ity»; fa hamaly izy hoe: «Tsy mahay mamaky teny aho.»
Mbola hanao zava-mahagaga hatrany ny Tompo
13Ary hoy ny Tompo hoe:
«Ity firenena ity manatona Ahy am-bava fotsiny
sy manome voninahitra Ahy an-tendromolotra ihany
fa ny fony kosa manalavitra Ahy;
ka fomban’olombelona nianarana ihany
ny fanajana asehony Ahy#29.13 Ny and 13 dia averina amin’ny fomba malaladalaka ao amin’ny Mt 15.8-19; Mk 7.6-7..
14Noho izany, indro Aho mbola hanao
zava-mahagaga ho an’ity firenena ity,
dia zava-mahagaga sy mahazendana;
fa ho foana ny fahendren’ny olon-kendriny
ary ho takona ny fahaizan’ny manampahaizany#29.14 Ao amin’ny 1Kôr 1.19 dia averin’i Paoly apôstôly ity and ity, saingy araka ny dkt tranainy grika..»
Heverinareo ho iza ny Tompo
15Lozan’izay manao zavatra an-tsokosoko
ka manafina ny paikany amin’ny TOMPO
sy mamorona teti-dratsy ao amin’ny maizina.
«Iza no mahita antsika, hoy izy,
ary iza no mahalala izay ataontsika?»
16Oadray ity hadalànareo e!
Ny mpanefy ve hoheverinareo hitovy amin’ny tanimanga?
Ny taozavatra ve hanao amin’ny mpanao azy hoe:
«Tsy ianao no nanao ahy»?
na ny fanaka bakoly hilaza amin’ny mpanefy azy hoe:
«Tsy misy zavatra hainao akory#29.16 Ampit Is 45.9.»?
Fiovàn-javatra goavana
17Moa tsy afaka fotoana kely monja
dia hovana ho saha mahavokatra ny alan’i Libano,
ary hovana ho ala ny saha mahavokatra?
18Amin’izany andro izany ny marenina
dia handre izay voalaza ao amin’ny boky
ary hiala ao amin’ny haizim-pito
ny mason’ny jamba ka hahita.
19Ny malahelo hiravoravo amin’ny TOMPO hatrany,
ary ny mahantra ho dibo-kafaliana
noho ny amin’Ilay Masin’i Israely.
20Satria tapitra hatreo ny mpanjakazaka
ary ho levona ireo mpaniratsira,
haringana ireo rehetra mitady hanimba ny hafa,
21ka miampanga lainga azy amin’ny teny
sy mamandrika ny mpitsara
mba hamarina ny tsy manan-tsiny any an-davaka.
22Noho izany àry, ny TOMPO
Andriamanitr’i Jakôba sy ny taranany
sady mpanavotra an’i Abrahama
dia nilaza izao teny izao:
«Tsy ho menatra intsony ny taranak’i Jakôba,
ary tsy hivaloarika intsony ny tarehiny.»
23Satria raha mahita izay hataoko eo anivony
ny tenany sy ireo taranany,
dia hanome hasina ny anarako,
hanome hasina Ahy satria Izaho no ilay Masin’i Jakôba
ary hangovitra eo anatrehako
satria Izaho no Andriamanitr’i Israely.
24Mbola hanan-tsaina indray
ireo nivilivily fanahy
ary hanaiky hampianarina indray
ireo tsy nitsaha-nanakiana.
Currently Selected:
Isaià 29: DIEM
Highlight
Share
Copy
Want to have your highlights saved across all your devices? Sign up or sign in
Dikanteny Iombonana Eto Madagasikara © Malagasy Bible Society, 2004.
