Hôsea 12
12
Vahoaka nandiso fanantenana hatrany am-piandohana
1Hodidinin’ny olon’i Efraîma lainga Aho
ary mamely fitaka manodidina Ahy
ny firenen’i Israely.
I Joda kosa mbola miaraka amin’Andriamanitra
sady mbola matoky an’Ilay Masina Indrindra.
2Mamatsy diloilo an’i Ejipta i Efraîma;
ka rivotra no ivokisany amin’izany.
Manao fifanekena amin’i Asiria izy
dia manenji-drivotra avy atsinanana.
Tontolo andro no ampitomboiny
ny lainga sy ny herisetra.
3Manana ady amin’i Joda ny TOMPO.
ka hanafay ny firenen’i Jakôba
noho ny fitondrantenany
ary hamaly azy araka ny ratsy nataony.
4Fony i Jakôba mbola tany an-kibon-dreniny
no efa nisongona ny rahalahiny;
ary rehefa lehilahy lehibe izy,
dia nitolona tamin’Andriamanitra#12.4 Mampahatsiaro ireo trangan-javatra voalazan’ny Gen 27 (jereo manokana ny and 26,36 sy nta). –Nitolona tamin’Andriamanitra izy: jereo Gen 32.23-33..
5 Anjely no nitolomany ka nandresy azy.
Nitomany i Jakôba sady nifona taminy.
Tao Betela no nahitany an’Andriamanitra
ka nitenenan’Andriamanitra taminy#12.5 nandresy azy: jereo naoty teo aloha. Misy mpandika sasany manao hoe: noreseny. –Tao Betela: jereo Gen 28.10-22. –taminy: araka ny dkt grika sy siriaka tranainy; ny hebreo dia manao hoe: tamintsika..
6Teo ny TOMPO Andriamanitr’izao rehetra izao,
ny TOMPO araka ny anarana ahatsiarovana Azy,
7no niteny tamin’i Jakôba hoe:
«Miverena amiko Andriamanitrao ianao!
Tandrovy ny fitiavana sy ny rariny;
ary Izaho Andriamanitrao no itokio hatrany.»
8Mizana mandainga
tahaka ny an’ny Kanahanita#12.8 ny Kanahanita na ny mpivarotra.
no hazoninao, ry Efraîma;
ka tia manambaka ianao
9sady miteny hoe: «Efa nangoron-karena aho
ka nahazo fananana be.
Ary tsy misy hahitana heloka mandiso ahy
amin’izay asa rehetra nisasarako.»
10Fa Izaho no TOMPO Andriamanitrao,
hatry ny fony ianao tany Ejipta;
ary hampitoetra anao an-day indray Aho,
tahaka ny tamin’ny andro
izay nihaonako taminao#12.10 tahaka... nihaonako taminao: jereo Hos 2.16-17. Misy manao dkt hoe: tahaka amin’ny andro fety (fetin’ny Tranotomboka); Lev 23.42-43..
11Niteny tamin’ireo mpaminany Aho fahizay
ka nampitombo ny fahitana;
ary tamin’ny alalan’ny mpaminany koa
no nanaovako fanoharana.
12Raha olona mpanao ratsy tokoa
ny mponin’i Gilehada
ka lasa tsinontsinona,
tao Gilgala#12.12 Gilehada: jereo 6.8 sy nta. –Gilgala: jereo 4.15 sy nta. kosa omby mifanesy
no natolotra hatao sorona,
ka ny alitarany dia tonga korontam-bato
eny am-bavasahan’ny tanimboly.
13Tany Mezôpôtamia ambony
no nandosiran’i Jakôba;
fa mba hahazoany vady#12.13 Ny fandosiran’i Jakôba: jereo Gen 28.2-5. –hahazoany vady: jereo Gen 29.15-30.,
dia nanompo olona i Israely.
Eny, lasa mpiandry ondry izy
mba hahazoam-bady.
14Fa mpaminany kosa no nentin’ny TOMPO
nampiakatra an’i Israely niala tany Ejipta,
ary mpaminany no nataony mpiandry azy.
15Nampalahelo mafy an’Andriamanitra i Efraîma
ka dia hailiky ny Tompony hianjady aminy
ny vokatry ny ra nalatsany,
ary hatsingeriny hanody azy
ny fanevatevana nataony.
Currently Selected:
Hôsea 12: DIEM
Highlight
Share
Copy
Want to have your highlights saved across all your devices? Sign up or sign in
Dikanteny Iombonana Eto Madagasikara © Malagasy Bible Society, 2004.
