Ezekiela 40

FAHITANA NY TEMPOLY AMIN’NY HOAVY

Fitarihana

1Tamin’ny fiandohan’ny taona faha-25 taorian’ny fahababoanay, ka ny andro fahafolon’ny volana, izany hoe 14 taona katroka taorian’ny naharavan’i Jerosalema#40.1 Izany hoe 573 tal J.K., dia notsindrian’ny herin’ny Tompo aho, ka nentiny nankany. 2Tao anaty fahitana no nitondran’Andriamanitra ahy nankany amin’ny tanin’i Israely. Napetrany teo an-tampon’ny tendrombohitra iray avo dia avo aho, ka teo amin’ny ilany atsimo dia nisy andian-trano vaventy miendrika tanàna. 3Nentiny nankao aho, ka hitako nisy lehilahy iray mitarehina halimo, mitana tady rongony sy volotara fandrefesana sady nijoro teo akaikin’ny vavahady#40.3 And 2-3: ampit Apôk 21.10, 15.. 4Ary hoy ralehilahy io tamiko: «Ry ilay taranak’olombelona#40.4 Ry ilay taranak’olombelona: jereo 2.1 sy nta., mijere tsara amin’ny masonao, mihainoa tsara amin’ny sofinao, ary aoka ny fonao handinika izay rehetra hasehoko anao satria ny hanehoako anao izao no nitondrako anao atỳ. Avy eo dia hotantarainao amin’ny Israelita izay rehetra hitanao.»

Ny kianja sy ny vavahady ivelany.

5Ary indro hitako nisy tamboho iray ivelany manodidina ny tempoly, ary teny an-tanan-dralehilahy ny volotarany izay telo metatra ny halavany. Norefesiny hatevina sy haavo ilay tamboho ka telo metatra avy na ny hateviny na ny haavony. 6Dia nankeo amin’ny vavahady atsinanana izy, ary niakatra ny tohatohatra dia nandrefy ny tokonana ka nisy telo metatra#40.6 Ireo varavaran’ny tempoly toy ireo varavaran’ny manda rehetra tamin’izany andro izany, dia nisy tokonana misokatra ho amin’ny lalantsara afovoany (jereo and 7 sy 10) miaraka amin’ny efitra an-daniny sy an-kilany (and 7, 10, 21) voazarazaran’ny rindrina (and 9). ny hitsy miditra; ary ny tokonam-bavahady isany avy dia telo metatra koa ny hitsy miditra. 7Ary ny toeram-piambenana tsirairay manamorona ny lalantsara afovoany mankeny am-baravarana dia samy telo metatra na ny sakany na ny lavany. Ny rindrina manasaraka azy ireny dia roa metatra sy sasany ny hateviny. Misy fidirana mahatratra telo metatra ny halavany mialoha ny lalantsara manoloana ny tempoly. 8-9Norefesin-dralehilahy koa io lalantsara io ka nisy efa-metatra ny hitsy miditra ary iray metatra ny hatevin’ny rindrina ivelany. Tao anatin’ny vavahady atsinanana no nisy io lalantsara io sady teo akaikin’ny tempoly. 10Ireo toeram-piambenana enina teo amin’ny vavahady atsinanana dia mitovy refy avokoa. Nisy telo avy teo an-daniny roa amin’ny lalantsara afovoany, ka ny rindrina manasaraka azy dia mitovy hatevina avokoa. 11Norefesin-dralehilahy ihany koa ny velaran’ny faritra ahazoan’ny varavarana misokatra ka mahatratra dimy metatra. Ny velaran’ny lalantsara afovoany manontolo dia misy enina metatra sy sasany. 12Manoloana ireo toeram-piambenana miralafy izay telo metatra avy ny sakany sy lavany, teo an-daniny roa amin’ny lalantsara, dia misy fefy iray antsasa-metatra ny haavony. 13Norefesiny koa ny elanelana eo amin’ny rindrin’ny toeram-piambenana iray sy ny rindrin’ny toeram-piambenana iray ka nisy 12 metatra sy sasany. 14Norefesiny koa ny sakan’ny lalantsara ka nisy folo metatra. Ny kianjan’ny tempoly no nanodidina io lalantsara io. 15Manomboka eo amin’ny fidirana voalohany eo amin’ny tamboho ivelan’ny vavahady ka hatramin’ny rindrina manoloana ny faran’ny lalantsara erỳ am-pita dia nisy 25 metatra. 16Varavaran-kely misy karakara vy no eny amin’ny rindrina ivelany amin’ny toeram-piambenana sy eo amin’ny rindrina mampisaraka azy; ary eo amin’ny rindrina anaty koa dia misy varavaran-kely manodidina#40.16 Ny varavaran-kely misy karakara vy napetraka manodidina ny vavahady dia ahazoana manara-maso akaiky: tsy maintsy natao izay ahazoana misakana ny vahiny sy ny olona maloto* ara-pivavahana tsy hiditra ao amin’ny tempoly (jereo 44.7,9).. Voaravaka sarin-drofia ny rindrina anatiny teo amin’ny vavahady.

17Dia nentin-dralehilahy tao anatin’ny kianja ivelan’ny tempoly aho. Io kianja io dia voarakotra lampivato ary voahodidina efitrano telopolo. 18Lampivato koa no mandrakotra ny faritra manodidina ny vavahady; saingy lampivato iva kokoa izany noho ilay tao an-kianja. 19Norefesiny koa ny elanelana hatreo amin’ny vavahady amin’ny kianja ivelany ka hatreo amin’ny rindrina amin’ny kianja anatiny ka nisy dimampolo metatra. Izay ny amin’ny lafiny atsinanana. Nifindra teo amin’ny lafiny avaratra indray ralehilahy 20ka norefesiny koa ny lava aman-tsakan’ny vavahady avaratra mankany amin’ny kianja ivelany. 21Nisy toeram-piambenana enina koa tao, ka telo avy teo an-daniny roa amin’ny lalantsara. Ny rindrina sy ny lalantsara dia samy nitovy refy tamin’ny an’ilay vavahady atsinanana. Ny halavan’ny vavahady dia 25 metatra ary ny sakany 12 metatra sy sasany. 22Ny lalantsara sy ny varavaran-kely ary ny ravaka sarin-drofia dia nitovy tamin’ny an’ilay vavahady atsinanana. Tohatohatra fito no nidirana teo amin’ny vavahady avaratra miakatra ho ao amin’ny lalantsara. 23Tandrifin’ny vavahady avaratra dia nisy fidirana mankao an-kianja anatiny toy ny tao atsinanana. Norefesin-dralehilahy ny elanelan’ireo vavahady roa ireo ka nisy dimampolo metatra. 24Nentiny nankao amin’ny ilany atsimo aho nony avy eo, ka nisy vavahady koa tao. Norefesiny ny toeram-piambenana, ny rindrina sy ny lalantsara ka samy nitovy refy tamin’ny an’ireo vavahady hafa. 25Nisy varavaran-kely koa nanodidina ny vavahady sy ny lalantsara ka mitovy amin’ireo tao atsinanana sy avaratra. Ny halavan’ny vavahady dia 25 metatra ary ny sakany 12 metatra sy sasany. 26Tohatohatra fito no nidirana teo am-bavahady hankao amin’ny lalantsara. Ny rindrina anatiny dia voaravaka sarin-drofia teo an-daniny roa amin’ny lalantsara. 27Nifanatrika tamin’io vavahady io dia nisy vavahady iray koa fidirana tao amin’ny kianja anatiny. Norefesin-dralehilahy ny elanelan’ireo vavahady roa ireo ka nisy dimampolo metatra.

Ny kianja sy ny vavahady anatiny

28Dia nentin-dralehilahy niditra tamin’ny vavahady atsimo aho mba hankao an-kianja anatiny. Norefesiny io vavahady io ka nitovy refy tamin’ireo vavahady hafa#40.28 Ny vavahadin’ny kianja anatiny dia mitovy amin’ny an’ny kianja ivelany ary mifanandrify aminy. Ny lalantsaran’ireo vavahady rehetra dia samy mihazo ny kianja ivelany.. 29Ny toeram-piambenana, ny rindrina manasaraka azy, ary ny lalantsara dia samy nitovy refy tamin’ny an’ireo vavahady hafa. Nisy varavaran-kely nanodidina ny lalantsara. Ka 25 metatra ny halavan’ny vavahady ary 12 metatra sy sasany ny sakany#40.29 Misy and 30 ao amin’ny RM kanefa toa famerenana ny and 29b ihany, ka tsy nampidirina amin’ity dkt ity.. 31Ilay lalantsara dia nanatrika ny kianja ivelany. Ny rindrina anatiny dia voaravaka sarin-drofia, ary tohatohatra valo no fiakarana mankeo. 32Nasain-dralehilahy niditra tamin’ny vavahady atsinanana aho mba hankao an-kianja anatiny. Norefesiny io vavahady io ka nitovy refy tamin’ireo vavahady hafa. 33Ny toeram-piambenana, ny rindrina manasaraka azy, ary ny lalantsara dia samy nitovy refy tamin’ny an’ireo vavahady hafa. Nisy varavaran-kely nanodidina ny varavarana sy ny lalantsara; ka 25 metatra ny halavan’ny vavahady ary 12 metatra sy sasany ny sakany. 34Ilay lalantsara dia nanatrika ny kianja ivelany ary ny rindrina anatiny dia voaravaka sarin-drofia teo an-daniny roa amin’ny lalantsara. Tohatohatra valo no fiakarana mankeo.

35Avy eo dia nentin-dralehilahy hankany amin’ny vavahady avaratra aho. Norefesiny io vavahady io ka nitovy refy tamin’ireo vavahady teo aloha. 36Nisy toeram-piambenana ihany koa izy, nisy rindrina manasaraka ary lalantsara sy varavaran-kely manodidina. Ny halavany dia 25 metatra ary ny sakany dia 12 metatra sy sasany. 37Ilay lalantsara dia nanatrika ny kianja ivelany. Ny rindrina anatiny dia voaravaka sarin-drofia eny an-daniny roa amin’ny lalantsara toy ny teo aloha. Tohatohatra valo no fiakarana mankeo#40.37 Ny lalantsara: araka ny dkt tranainy grika, fa ny RM kosa manao hoe ny rindrina anatiny. .

38Nisy efitrano iray mifandray amin’ny lalantsaran’ny vavahady avaratra, ka tao no nanasana ireo biby vonoina hatao sorona dorana manontolo. 39Teo an-daniny roa amin’io lalantsara io, dia nisy latabatra roa avy, ka teo no namonoana ireo biby natao sorona: dia ny sorona dorana manontolo na ny sorona famelan-keloka na ny sorom-panonerana. 40Tao ivelan’ny lalantsara koa dia nisy latabatra efatra; ka rehefa nisy niakatra hankeo amin’ny vavahady avaratra, dia nahita latabatra roa avy teo an-daniny roa amin’ny tohatohatra. 41Valo izany no tontalin’ireo latabatra nampiasaina hamonoana biby hatao sorona, ka efatra avy teo an-daniny roa amin’ny vavahady. 42Ny latabatra efatra natokana hamonoana ireo sorona dorana manontolo dia natao tamin’ny vato voapaika. Mirefy 75 santimetatra ny sakany sy ny lavany ary dimampolo santimetatra ny haavony. Teo no nametrahana izay fitaovana rehetra nilaina hanomanana ireo biby natolotra ho sorona. 43Nisy lakan-drano kely namboarina manodidina ny sisin-databatra ka valo santimetatra ny velarany; ary teo ambonin’ireo latabatra ireo no nametrahana ny hena hatao sorona. 44Dia nentin-dralehilahy tao amin’ny kianja anatiny aho. Nisy efitra roa tao#40.44 ...Nisy efitra roa tao: araka ny dkt tranainy grika; dkt hafa Tao ivelan’ny varavarana anatiny, tao an-kianja anatiny, dia nisy ny efitranon’ny mpihira. : ny iray terỳ anilan’ny varavarana avaratra ary mitodika mianatsimo, ary ny iray kosa terỳ anilan’ny varavarana atsimo ary mitodika mianavaratra. 45Nolazain-dralehilahy tamiko fa ny efitra mitodika mianatsimo dia voatokana ho an’ny mpisorona misahana raharaha momba ny tempoly; 46fa ilay mitodika mianavaratra kosa dia voatokana ho an’ny mpisorona misahana raharaha momba ny alitara. Ary amin’ny fokon’i Levỳ dia ny taranak’i Tsadôka#40.46 I Tsadôka no mpisorona nofidìn’i Salômôna (jereo 1 Mp 2.35). Isan’ny fokon’i Levỳ izy (1 Tan 5.27-34) ary ny taranany no hany heverina ho mpisorona ara-dalàna. ihany no afa-manatona ny TOMPO mba hanao fanompoam-pivavahana aminy.

Filazana ny bikabikan’ny tempoly

47Norefesin-dralehilahy ny kianja anatiny: efamira izy io ka samy dimampolo metatra avy ny lafiny efatra. Teo anoloan’ny tempoly no nisy ny alitara. 48Nentiny niditra tao amin’ny lalantsara mankao an-tempoly aho: nandrefy teo ralehilahy ka ny rindrina dia mirefy roa metatra sy sasany avy ny hateviny; ary fito metatra kosa ny sakan’ny fidirana. Ny hatevin’ny rindrina an-daniny roa#40.48 ny rindrina... roa: araka ny dkt tranainy grika izany; fa tsy hita ao amin’ny RM. kosa dia iray metatra sy sasany avy. 49Folo metatra no halavan’ny lalantsara fidirana ary enina metatra ny sakany. Tohatohatra folo no fiakarana ao; ary nisy andry iray avy teo anilan’ny tolam-bavahady#40.49 Tohatohatra folo: araka ny dkt tranainy grika. –ny andry roa dia mety hitovy amin’ny an’ny tempolin’i Salômôna (jereo 1 Mp 7.15-22; 2 Tan 3.15-17)..

Currently Selected:

Ezekiela 40: DIEM

Highlight

Copy