Deoterônômy 32
32
1Mihainoa, ry lanitra fa hiteny aho;
ny tany mandrenesa ny lazain’ny vavako.
2Ny anatro anie hitosaka toy ny orana,
dia toy ny oram-batravatra amin’ny vilona;
ny teniko anie hirotsaka toy ny ando,
dia toy ny erikerika amin’ny ahi-maitso.
3Miantso ny anaran’ny Tompo aho;
ry Israelita, ekeo fa lehibe ny Andriamanitsika!
4Ny TOMPO no Vatolampy: lavorary ny asany;
ny sori-dàlany rehetra rariny avokoa.
Andriamanitra mahatoky Izy, tsy misy ratsy eo aminy:
marina sy mahitsy Izy.
5Nanjary simba ianareo,
ka tsy zanany intsony fa feno tsiny;
taranaka melo-tsaina
sady mpivadibadika#32.5 Tsy mazava ny RM ary tsy azo antoka ny dkt aroso..
6Moa izany no tokony ho navalinareo ny TOMPO,
ry vahoaka adala, tsy misy fahendrena?
Moa tsy Izy no Rainareo, ka fananany ianareo?
Tsy Izy ve no nanao sy nampiorina anareo?
7Tsarovy ny andro fahiny,
saino ny taona fahagola.
Anontanio ny rainareo sy loholonareo
fa hanambara sy hitantara aminareo.
8Raha nanome zaratany an’ireo firenena ilay Avo
ka nampiely ny taranak’olombelona,
dia nozarazarainy am-paritany ireny
araka ny isan’ireo anjely#32.8 Ary ny firenena tsirairay dia samy napetrany eo ambany fifehezan’ny anjely anankiray: araka ny stf hebreo voatahiry tao Komrano sy araka ny dkt tranainy maro izany; fa araka ny RM kosa dia izao no hita: dia nozarazarainy am-paritany ireny, araka ny isan’ireo taranak’i Israely. –Ity and ity dia misy ampahany voatsiahy ao amin’ny Asa 17.26.:
9Anjaran’ny TOMPO kosa ilay vahoakany;
ny taranak’i Jakôba no natokany ho fananany.
10Tany an-taniefitra no nanangonany azy,
dia tany amin’ny tany foana misy bibidia mierona.
Koa nokarakarainy izy, nokolokoloiny,
notandremany tahaka ny anakandriamasony.
11Mova Izy tsy ny voromahery mitaona ny zanany hisidina
ka manaitaitra azy eo ambonin’ny akaniny.
ary mamelatra ny elany handraisany ny reraka
mba hitondrana azy eo ambonin’ny elany?
12Ny TOMPO irery no nitarika ny vahoakany;
tsy nisy andriamani-kafa niaraka taminy.
13Nakariny teo an-tendron-kavoan’ilay tany izy,
nampihinaniny ny vokatry ny saha,
nampitsentsefiny tantely teny an-tsefatsefa-bato,
sy nomeny menaka avy amin’ny faritra vatoana;
14novokisany mena-drononon’omby,
sy rononon’ondry aman’osy izy,
nofahanany henan-janakondry
sy ondrilahy matavy aman’osilahy
ary notolorany vary tsara indrindra
sy ranom-boaloboka ho divay fisotro.
15Koa nihinana ny taranak’i Jakôba, ka voky;
nihanatavy i Jesoròna#32.15 Jesoròna anarana fanome an’i Israely. Ampit Is 44.2., ka namely daka.
Eny, tonga natavy izy,
vory nofo sy dongadonga
ka nandao an’Andriamanitra Izay nanao azy
ary nanamavo an’ilay Vatolampy famonjena azy.
16Andriamani-kafa no nampitoviny lanja tamin’ny Tompo,
zava-maharikoriko no naniratsirany Azy;
17ny nanolorany sorona dia lolo izay tsy andriamanitra akory#32.17 Jereo 1Kôr 10.20.
sady andriamanitra tsy fantany,
andriamani-baovao niseho tatỳ aoriana
sady tsy nohajain’ny razany.
18«Tsy raharahainao, ry Israely,
ilay Vatolampy niteraka anao;
hadinonao ilay Andriamanitra nahitanao masoandro.»
19Hitan’ny TOMPO ka nampisafoaka Azy
ny zanany izay naniratsira Azy;
20dia hoy Izy hoe: «Hanafenako tava ireo,
dia ho hitako izay hiafarany
fa taranaka mpivadibadika
sy zaza tsy mahatoky.
21Ireo no nampitovy lanja Ahy tamin’andriamani-tsiizy
sy naniratsira Ahy tamin’ny sampy tsinontsinona.
Izaho kosa hampitovy lanja azy
amin’izay tsy vahoaka akory;
firenena adala no hampanaratsiako azy#32.21 Jereo Rm 10.19; 1Kôr 10.22..
22Nirehitra ny afon’ny fahatezerako
ka nandoro ny toeran’ny maty,
hatrany amin’ny farany ambany
sy nandevona ny tany mbamin’ny vokatra ao aminy
ary nampirehitra ny fanambanin’ny tendrombohitra.
| HEAVEN-THE DWELLING PLACE OF GOD | NY LANITRA-TOERAM-PONENAN’ANDRIAMANITRA |
| THE WATER ABOVE THE VAULT | NY RANO AMBONIN’NY HABAKABAKA |
| VAULT OF HEAVEN | NY HABAKABAKA ANDOHALAMBON’NY LANITRA |
| EARTH | NY TANY |
| Pillars of the sky (2) | Andry fanorenan’ny lanitra (2) |
| Pillars of the earth (3) | Andry fanorenan’ny tany (3) |
| Sheol | Toeran’ny maty |
| The Abyss of waters (2) | Ranolalimbe |
| Early conception of the universe | Fiheverana fahagola ny amin’ny firafitr’izao tontolo izao (Deôterônômy 32.22) [NEB 148] |
23Havangongoko amin’ny Israelita ny loza
ary holanîko aminy ny zana-tsipîkako;
24hofezahin’ny mosary ireo
sady holevon’ny tazo sy ny areti-mandripaka#32.24 Tsy mazava ny RM ary tsy azo antoka ny dkt aroso.;
ary halefako hamely azy ny biby masiaka
mbamin’ny bibilava misy poizina.
25Eny ivelany, dia ny sabatra no handringana;
ao an-trano, dia ny tahotra no hahafaty.
Ka samy hiharan’izany avokoa
na zatovolahy na zatovovavy
na zazakely na beantitra.»
26«Nokasaiko haparitaka ireo
ka ho foana eo amin’ny olombelona
ny fahatsiarovana azy,
27raha tsy ny fahavalo hirehaka no natahorako;
mety diso hevitra manko ny mpandrafy azy
ka hiteny hoe: ‹Ny tananay no nahery,
fa tsy ny TOMPO velively no nanao izany.›
28Firenena#32.28 i Israely: azo nadika ihany koa hoe: ireo fahavalo (satria tsy voafaritra mazava ny lazaina ao amin’ny RM). tsy misaina i Israely
sady tsy manam-pahalalana.
29Raha mba hendry ireo dia ho nahalala izao
sy ho nahafantatra ny hiafarany:
30Fahavalo iraika lahy ve hahenjika Israelita arivo?
Fahavalo roa lahy ve hampandositra Israelita iray alina?
Eny, raha Izaho TOMPO, ilay Vatolampy ianteherany,
no efa nanolotra azy ho eo am-pelatanan’ny fahavalony.
31Na ny fahavalony aza no mitsara,
dia miaiky fa tsy mitovy
amin’ilay Vatolampy ianteheran’i Israely
ny vatolampy izay mba ianteherany#32.31 Tsy mazava ny RM ary tsy azo antoka ny dkt aroso..
32Tahaka an’i Sôdôma sy i Gômôra#32.32 I Sôdôma sy i Gômôra dia nalaza tamin’ny fitondrantena ratsy nananan’ny mponiny: jereo Gen 18.20-21; 19.4-11. ihany
ireo fahavalon’i Israely:
tahom-boaloboka mamokatra voaloboka mahafaty
sy sampaho mangidy.
33Ny divainy dia toy ny zava-mahafaty avy amin’ny dragona
ary toy ny poizina mahery avy amin’ny menarana.
34Voatahiry ato amiko izany nafitsok’ireo izany
sady voaisy tombokase ato an-trano firaketako:
35Ahy ny famaliana sy ny fampanodiavana#32.35 Jereo Rm 12.19; Heb 10.30.
raha avy izay hahasolafaka ny tongony
fa antomotra ny andro hahitany loza
ary ho avy faingana ny anjara voatendry ho azy.»
36Eny, homen’ny TOMPO rariny tokoa ny vahoakany
rehefa hitany fa lany hery;
hohasoaviny indray ireo manompo Azy
rehefa hitany fa tsy misy ianteherany intsony#32.36 Eny, homen’ny Tompo... Azy: jereo Sal 135.14. –sady tsy... intsony: tsy mazava ny RM ary tsy azo antoka ny dkt aroso..
37Amin’izay i Israely hitenenan’ny Tompo hoe:
«Aiza ireo andriamani-kafa
nataonareo ho vatolampy fialofana?
38Ireo no nihinana ny sabora soronareo
sy nisotro ny divay fanatitrareo.
Aoka ireo hitsangana hamonjy anareo
ary ho fierena ho anareo!
39Fantaro ankehitriny fa Izaho ihany no Andriamanitra
ary tsy misy andriamani-kafa miolotra amiko:
Izaho no mahafaty sy mahavelona,
Izaho no maharatra sy mahasitrana,
ary tsy misy mahafaka olona eo am-pelatanako.
40Manangan-tanana amin’ny lanitra Aho,
ka mianiana hoe: ‹Velona mandrakizay Aho,
41ka horanitiko hanelatselatra ny sabatro,
harangarangan’ny tanako ny famaizana,
dia hovaliako ny mpandrafy Ahy
ary hampanodiaviko ny mpankahala Ahy ny ataony.
42Hataoko vonton-dra ny zana-tsipîkako,
dia ny ran’ireo voavono sy voababo;
hotrebotrebonin’ny sabatro ny nofo
mbamin’ny loha lavavolon’ny fahavalo›!»
43Ry hafa firenena, hobio ilay vahoakan’Andriamanitra!
Fa valian’ny TOMPO ny nahafatesan’ny mpanompony;
eny, valiany tokoa ireo mpandrafy Azy,
ary avotany kosa ny taniny mbamin’ny vahoakany#32.43 Novalian’Izy Tompo... mpanompony: voatsiahy malalaka izany andalana izany ao amin’ny Apôk 19.2. –Ny stf hebreo voatahiry tao Komrano dia ahitana ity andininy ity lavalava kokoa sy somary miova kely. Ny dkt grika tranainy dia ahitana azy vao mainka nohalavaina kokoa araka izao manaraka izao: Miaraha miravo amin’ny Tompo ianao, ry lanitra; aoka ny zanak’Andriamanitra rehetra hiankohoka eo anatrehany. (Miaraha miravo amin’ny vahoakany ianareo, ry hafa firenena. Aoka ny anjelin’Andriamanitra rehetra hankahery azy!) Novalian’Andriamanitra manko ny nahafatesan’ireo zanany, eny, ho valiany tokoa ireo. Ny famaliana dia hampiharin’ny Tompo amin’ny fahavalony; hovaliany tokoa ireo mpandrafy Azy. Amin’izay ny Tompo no hanadio ny tanin’ilay vahoakany. Avy amin’io rijan-teny lava io ny andalana voatsiahy ao amin’ny Rm 15.10 sy Heb 1.6..
44I Mosesy dia niaraka tamin’i Josoa#32.44 Ao amin’ny RM etoana, i Josoa dia atao hoe i Hôsea, jereo Nom 13.16 sy nta., zanakalahin’i Nona, no tonga nilaza manontolo ho ren’ny vahoaka izany tononkira izany.
45Nony tapitra voalazany avokoa tamin’ny Israelita rehetra ireo teny ireo, 46dia hoy i Mosesy taminy:
–Araiketo ao am-ponareo ny teny rehetra izay ambarako hiampangana anareo anio; didio ny taranakareo mba himasoany hotanterahina ny teny rehetra raketin’ity Lalàna ity. 47Tsy zava-poana ho anareo izany fa fiainanareo; izany teny izany no hahamaro andro anareo any amin’ny tany izay efa halainareo ho fananana, rehefa tafita an’i Jôrdàna ianareo.
Ambara mialoha ny hahafatesan’i Mosesy
48Androtrizay koa no nitenenan’ny TOMPO tamin’i Mosesy hoe:
49–Mankanesa ianao amin’itsy tandavan-tendrombohitra Habarîma itsy, izay ao amin’ny faritany Môaba, tandrifin’i Jerikao, dia miakara eo an-tampon’ny tendrombohitra Nebao: ary tazano ny tany Kanahàna izay omeko ny Israelita ho fananany. 50Dia aoka ianao ho faty eo an-tampon’io tendrombohitra hiakaranao io ka ho voaangona any amin’ny razanao, tahaka ny nahafatesan’i Aharôna rahalahinao tany an-tampon’ny tendrombohitra Hôra sy nanangonana azy tany amin’ny razany#32.50 jereo Nom 20.22-26.. 51Ianao sy i Aharôna manko dia diso tamiko teo anatrehan’ny Israelita, teo amin’ny ranon’i Meribà any Kadesy, tao an-taniefitra Tsina; tamin’izay no tsy nanehoanareo ny fahamasinako teo anatrehan’ny Israelita#32.51 Jereo Nom 20.1-13.. 52Eny, avy lavitra no hitazananao ny tany izay omeko ny Israelita, kanefa tsy hiditra ao ianao#32.52 And 48.52: jereo 3.23-27; Nom 27.12-14..
Currently Selected:
Deoterônômy 32: DIEM
Highlight
Share
Copy
Want to have your highlights saved across all your devices? Sign up or sign in
Dikanteny Iombonana Eto Madagasikara © Malagasy Bible Society, 2004.