Kôlôsianina 4

1Ianareo tompo, ento araka ny rariny sy ny hitsiny ny mpanomponareo; satria fantatrareo fa ianareo koa mba manana Tompo any an-danitra.

Hafatrafatra

2Mahareta amin’ny fivavahana, ka miambena amin’izany ombàn’ny fisaorana an’Andriamanitra. 3Mivavaha koa ho anay, mba hataon’Andriamanitra afaka malalaka mitory ny teniny izahay, ka hanambara ny tsiambaratelo momba an’i Kristy. Fa ny fitoriana izany tsiambaratelo izany indrindra no mahavoafonja ahy izao. 4Mivavaha àry mba hanambaràko izany mazava tsara, araka izay tokony hoteneniko.

5Manàna fitondrantena feno fahendrena eo anoloan’izay tsy kristianina, ka hararaoty ny fotoana azo anaovan-tsoa. 6Aoka ho mahatehotia sy mahasoa mandrakariva ny teny ataonareo, dia ho fantatrareo izay tokony havalinareo ny olona tsirairay avy.

Fanaovam-beloma

7I Tisiko#4.7 Tisiko: jereo Asa 20.4; Ef 21.22. hava-malalantsika, mpandraharaha mahatoky sady namana mpiray fanompoana amiko eo amin’ny asan’ny Tompo, dia hampahafantatra anareo ny vaovao rehetra momba ahy. 8Izany indrindra no nandefasako azy atỳ aminareo, mba hahafantaranareo ny momba anay sy hampahery fo anareo. 9Miaraka aminy koa i Ônesimo#4.9 Ônesimo: jereo Fm 10.15., ilay hava-malala sy mahatoky avy atỳ aminareo; ka dia izy roa lahy no hampahafantatra anareo ny toe-javatra rehetra atỳ aminay.

10Manao veloma anareo i Aristarka izay miara-voafonja amiko. Manao veloma anareo i Marka (zanak’olo-mpiray tampo izy sy i Barnabà#4.10 Aristarka: jereo Asa 19.29; 27.2. –Marka: jereo Asa 12.12, 25; 13.13; 15.37-39. –Barnabà: jereo Asa 9.27; 11.22, 30; sns.); efa nahazo hafatrafatra momba an’i Marka ianareo, ka raiso tsara izy raha tonga atỳ aminareo. 11Manao veloma anareo koa i Jesoa, ilay atao hoe Josta. Izy telo lahy ireo no Jiosy tonga kristianina izay miara-miasa amiko hampandroso ny Fanjakàn’Andriamanitra, ka nanjary fampaherezana ho ahy tokoa.

12Manao veloma anareo i Epafrà#4.12 Epafrà: jereo 1.7., izay avy atỳ aminareo; io mpanompon’i Kristy Jesoa io dia mikely aina mandrakariva mivavaka ho anareo, mba hijoroanareo ho olona matotra ary vonona tanteraka hanao izay rehetra sitrak’Andriamanitra. 13Vavolombelona aho ny aminy fa misahirana fatratra izy ho anareo sy ho an-dry zareo any Laôdisia ary ho an-dry zareo any Hierapôly#4.13 I Laôdisia sy i Hierapôly dia tanàna roa samy akaikin’i Kôlôsy, ao amin’ny lohasaha tondrahan’ny renirano atao hoe Lisy.. 14Manao veloma anareo i Lioka, ilay dokotera hava-malalantsika, sy i Demasy#4.14 Lioka: jereo 2Tim 4.11; Fm 24. –Demasy: jereo 2 Tim 4.10; Fm 24..

15Veloma any amin’ireo havana any Laôdisia; ary veloma any amin’i Nimfà sy ny Fiangonana mivory ao an-tranony#4.15 Nimfà... ao an-tranony (mpisolo anarana manondro vehivavy): misy stf sasany ahitana hoe Nimfà (anaran-dehilahy) ...ao an-tranony. (mpisolo anarana manondro lehilahy); tsy misy mihitsy, ankoatra izany, fomba hafa ahalalana ilay olona.. 16Rehefa voavaky eto aminareo ity taratasy ity, dia ataovy izay hamakiana azy koa any amin’ny Fiangonan’i Laôdisia; ary dia mba vakionareo kosa ilay taratasy#4.16 Very io taratasy io, raha tsy hoe ilay taratasy «ho an’ny kristianina tany Efeso» angamba araka ny fiheveran’ny mpandinika sasany (jereo Ef 1.1 sy nta). avy any Laôdisia. 17Lazao amin’i Arkipo#4.17 Arkipo: jereo Fm 2. fa tsy maintsy hotontosainy tsara ny fandraharahana noraisiny ho fanompoana ny Tompo. 18Soratanako ireto teny ireto: veloma, hoy i Paoly. Tsarovy fa voafonja aho.

Homba anareo anie ny fahasoavan’Andriamanitra!

Currently Selected:

Kôlôsianina 4: DIEM

Highlight

Copy