2 Tantara 1
1
TANTARAN’I SALÔMÔNA, MPANJAKAN’I ISRAELY
1Ary i Salômôna, zanakalahin’i Davida, nanamafy orina ny fahefana maha mpanjaka azy; ary niaraka tamin’i Salômôna ny TOMPO Andriamaniny ka nanandratra azy ho amin’ny ambony indrindra.
Nangata-pahendrena tamin’Andriamanitra i Salômôna
(Jereo 1 Mp 3.4-15)
2Novorîn’i Salômôna ny Israelita rehetra, dia ny mpifehy vondro-miaramila sy mpifehy andia-miaramila ary ny mpitsara sy ireo tompon’andraikitra rehetra teo amin’i Israely, izany hoe ireo filoham-pianakaviana. 3Dia niara-niakatra ho any amin’ny toeram-pisoronana tao Gibehôna#1.3 Gibehôna: jereo 1 Mp 3.4 sy nta. i Salômôna sy ny olona rehetra tafangona; fa tao no nisy ny Tranolay fihaonana tamin’Andriamanitra, dia ilay nataon’i Mosesy mpanompon’ny TOMPO tany an-taniefitra#1.3 Momba ny fanamboarana ny Tranolay fihaonana, jereo Eks 36.8-38..
4Ny Vatamasin’Andriamanitra moa dia efa nampakarin’i Davida#1.4 Momba ny fitondrana ny Vatamasina, jereo 1 Tan 13;15. avy tany Kiriata-Jeharîma#1.4 Kiriata-Jeharîma: jereo 1 Sam 6.21 sy nta. ho ao amin’ny toerana izay nomaniny hasiana azy; fa efa nanangana lay ho azy tao Jerosalema izy. 5Fa ny alitara halimo izay namboarin’i Betsalela#1.5 Momba an’i Betsalela sy ny fanamboarana ny alitara, jereo Eks 35.30–36.1; 38.1-2. zanakalahin’i Orỳ sady zafikelin’i Hora kosa dia teo anoloan’ny Fonena-masin’ny Tompo tao Gibehôna.
Teo no nahatongavan’i Salômôna sy ny Israelita tafangona mba hanontany ny TOMPO. 6Dia nandroso teo anatrehan’ny TOMPO i Salômôna ka nanolotra sorona dorana manontolo arivo teo ambonin’ny alitara halimo akaikin’ny Tranolay fihaonana. 7Tamin’ny alina iny no nisehoan’Andriamanitra i Salômôna ka nilazany hoe:
–Angataho izay tianao homeko anao!
8Dia hoy i Salômôna tamin’Andriamanitra:
–Efa nanehoanao fitiavana lehibe i Davida raiko; ary nampanjaka ahy handimby azy Ianao. 9Koa ankehitriny, ry TOMPO Andriamanitra ô, aoka ho tanteraka ny fampanantenana nataonao tamin’i Davida raiko, satria Ianao no efa nampanjaka ahy tamina vahoaka marobe tahaka ny vovo-tany#1.9 Jereo Gen 13.16; 28.14.. 10Koa omeo fahendrena sy fahaiza-manavaka aho hitondrako ny tenako manoloana ity vahoaka ity; fa raha tsy eo izany, dia iza indray no ho afaka hifehy izao vahoakanao betsaka izao?
11Dia hoy Andriamanitra tamin’i Salômôna:
–Satria izany no tao am-ponao fa tsy nangataka vola aman-karena na voninahitra na ny hahafaty ireo fahavalonao ianao, ary tsy nangataka ny ho ela velona aza fa fahendrena sy fahaiza-manavaka hifehezana ny vahoakako izay nananganako anao ho mpanjaka; 12koa dia omena anao ny fahendrena sy ny fahaiza-manavaka. Ary homeko vola aman-karena koa ianao, mihoatra noho izay nananan’ireo mpanjaka hafa rehetra tany alohanao, ary tsy hisy hanana toy izany ny any aorianao.
13Dia niverina tany Jerosalema i Salômôna rehefa niala teo amin’ny toeram-pisoronana tao Gibehôna, izay nisy ny Tranolay fihaonana; ary nanjaka tamin’i Israely izy.
Hery aman-karena nananan’i Salômôna
(Jereo 1 Mp 10.26-29; 2 Tan 9.25-28)
14Nanangona kalesy fitondra miady sy mpitaingin-tsoavaly i Salômôna ka nanana kalesy 1 400 ary mpitaingin-tsoavaly 12 000#1.14 Jereo 1 Mp 5.6 sy nta. izay nisy natobiny tamin’ireo tanàna fitoeran-kalesy ary nisy notanany teo aminy tao Jerosalema. 15Toy ny hamaroan’ny vatokely no nataon’ny mpanjaka habetsaky ny volafotsy sy volamena#1.15 Jereo Deot 17.17 sy nta. tao Jerosalema; ary toy ny hamaroan’ny aviavy any Sefelà no nataony habetsaky ny hazo sedera. 16Ny soavalin’i Salômôna dia avy tany Ejipta#1.16 Toa tsy i Ejipta fa i Motsirỳ. sy Silisia; ireo mpandranton’ny mpanjaka no nividy azy tany. 17Ny kalesy fitondra miady anankiray nentin’ny mpandranto niakatra avy tany Ejipta#1.17 Jereo ny naoty eo aloha. dia sekela volafotsy eninjato, ary ny soavaly anankiray kosa dia nitentina sekela volafotsy 150; toy izany vidiny izany koa no nitondran’ireo mpandranto ireo ho an’ny mpanjakan’ny Hetita sy ho an’ny mpanjakan’i Siria.
Fiomanan’i Salômôna hanorina ny tempoly
(Jereo 1 Mp 5.15-32; 7.13-14)
18Nanapa-kevitra i Salômôna fa hanao tempoly ho voninahitry ny TOMPO sy lapa ho an’ny tenany#1.18 Ao amin’ny dkt sasany dia voalahatra ho 2.1 ny and 1.18 ka manjary 2.2-18 ny and 2.1-17..
Currently Selected:
2 Tantara 1: DIEM
Highlight
Share
Copy
Want to have your highlights saved across all your devices? Sign up or sign in
Dikanteny Iombonana Eto Madagasikara © Malagasy Bible Society, 2004.