1 Tantara 27
27
Fandaminana ny tafim-panjakana
1Ny lehilahy israelita, na isam-batan’olona na loham-pianakaviana, na komandin-tafika mpifehy arivo sy mpifehy zato, na manampahefana, dia samy nanompo ny mpanjaka. Io fanompoana io dia ny raharaha rehetra momba ny antokon-tafika, izay nifandimby isam-bolana mandavan-taona. Isaky ny antokon-tafika dia nisy andiany 24; 2-15ka ireto avy no mpibaiko azy:
Volana voalohany: I Jasôbehama, zanakalahin’i Zabdiela sady isan’ny taranak’i Peretsa; filohan’ireo mpifehy miaramila rehetra izy amin’ny volana voalohany.
Volana faharoa: i Dôday, avy any Ahôa; ilay komandy atao hoe Miklôta no manampy azy.
Volana fahatelo: i Benaià, zanakalahin’i Jôiadà mpisorombe. Lehilahy mahery anisan’ireo «Telopolo lahy» i Benaià; ary rehefa nanjary mpitarika ny «Telopolo lahy» izy, dia i Hamizabada zanany lahy no mpibaiko ny antokon-tafika#27.6 Lehilahy mahery... antokon-tafika: dkt hafa Lehilahy mahery anisan’ireo «Telopolo lahy» i Benaià sady mpitarika an’ireo; i Hamizabada zanany no manampy azy mibaiko ny antokon-tafika. –Momba ny «Telopolo lahy», dia jereo 11.10-47 .
Volana fahefatra: i Hasahela, rahalahin’i Jôaba; ary dia i Zebadià zanany lahy kosa tatỳ aoriana.
Volana fahenina: i Hirà, zanakalahin’i Hikesy, avy any Tekôa.
Volana fahafito: i Heletsa, avy any Peleta, isan’ny taranak’i Efraîma.
Volana fahavalo: i Sibekay, avy any Hosà, isan’ny taranak’i Zera.
Volana fahasivy: i Abihezera, avy any Hanatôta, isan’ny taranak’i Benjamîna.
Volana fahafolo: i Maharay, avy any Netôfa, isan’ny taranak’i Zera.
Volana faha-11: i Benaià, avy any Pirehatôna, isan’ny taranak’i Efraîma.
Volana faha-12: i Helday, avy any Netôfà, isan’ny taranak’i Hôtniela.
Ny filohan’ireo fokon’i Israely
16Ireto avy no filohan’ny fokon’i Israely: Tamin’ny fokon’i Reobena, dia i Elihezera zanakalahin’i Zikrỳ. Tamin’ny fokon’i Simehôna, dia i Sefatià zanakalahin’i Mahekà.
17Tamin’ny fokon’i Levỳ, dia i Hasabià zanakalahin’i Kemoela.
Tamin’ny taranak’i Aharôna, dia i Tsadôka.
18Tamin’ny fokon’i Joda, dia i Elihò#27.18 Elihò dia tsy mba voatonona any an-toeran-kafa ho rahalahin’i Davida; ny dkt grika tranainy Septoazinta dia manolo azy amin’ny hoe Eliaba (jereo 2.13; 1 Sam 16.6). Ny voambolana hebreo voadika hoe isan’ny rahalahin’i Davida dia azo ahodina koa hoe havan’i Davida. izay isan’ny rahalahin’i Davida.
Tamin’ny fokon’i Jisakara, dia i Hômrỳ zanakalahin’i Mikaela.
19Tamin’ny fokon’i Zebolòna, dia i Jismahià zanakalahin’i Hôbadià.
Tamin’ny fokon’i Naftalỳ, dia i Jerimôta zanakalahin’i Hazriela.
20Tamin’ny fokon’i Efraîma, dia i Hôsea zanakalahin’i Hazazià.
Tamin’ny antsasa-pokon’i Manase, dia i Jôela zanakalahin’i Pedaià.
21Tamin’ny antsasa-pokon’i Manase tao Gilehada, dia i Jidao zanakalahin’i Zakarià.
Tamin’ny fokon’i Benjamîna, dia i Jahasiela zanakalahin’i Abnera.
22Tamin’ny fokon’i Dana, dia i Hazarela zanakalahin’i Jerôhama.
Ireo no filohan’ny fokon’i Israely.
23Tsy nanisa ny hatramin’ny roapolo taona no ho midina i Davida, satria ny TOMPO efa nilaza hampitombo ny Israelita ho tahaka ny kintana eny amin’ny habakabaka#27.23 Jereo Gen 15.5; 22.17; 26.4.. 24Nanomboka fanisana i Jôaba zanakalahin’i Tseroià fa tsy namarana, noho ny fahatezeran’Andriamanitra vokatr’izany tamin’i Israely; ka tsy voasoratra ao amin’ilay boky atao hoe «Tantaran’i Davida mpanjaka#27.24 Jereo 21.1-14; 2 Sam 24.1-15. –Tantaran’i Davida mpanjaka: very io boky io.» ny isan’ny mponina.
25I Hazmavety, zanakalahin’i Hadiela, no mpiandraikitra ny zava-tsarobidin’ny mpanjaka.
I Jônatàna, zanakalahin’i Hozià, no mpiandraikitra ny trano fitahirizam-bokatra, na tany ambanivohitra na tamin’ny tanàn-dehibe na tamin’ny tanàna kely na tamin’ny tilikambo fiarovana.
26I Hezrỳ, zanakalahin’i Keloba, no mpiandraikitra ny tantsaha mpiasa tany.
27I Simehỳ, avy any Ramà, no mpiandraikitra ny tanimboaloboka. I Zabdỳ, avy any Sefama, no mpiandraikitra ny tahirin-divay any amin’ny tanimboaloboka.
28I Bahala-Hanàna, avy any Bety-Gedera, no mpiandraikitra ny voly ôliva sy aviavy any amin’ny lemak’i Sefelà.
I Jôhasa no mpiandraikitra ny tahirin-diloilo.
29I Sitray, avy any Sarôna, no mpiandraikitra ny omby nandrasana tany Sarôna.
I Safata, zanakalahin’i Hadlay, no mpiandraikitra ny omby nandrasana tan-dohasaha.
30I Ôbila, izay Jismahelita, no mpiandraikitra ny rameva.
I Jehedeià, avy any Merônôta, no mpiandraikitra ny borikivavy.
31I Jaziza, izay Hagrita, no mpiandraikitra ny ondry aman’osy.
Ireo rehetra ireo no mpiandraikitra ny fananan’i Davida mpanjaka.
Ny mpanolotsain’i Davida
32I Jônatàna, rahalahin-drain’i Davida sady lehilahy hendry sy be fahalalana, dia mpanolotsain’ny mpanjaka; ary i Jehiela, zanakalahin’i Hakmôny, no teo amin’ny zanaky ny mpanjaka. 33I Ahitôfela koa dia mpanolotsain’ny mpanjaka; ary i Hosay, izay Arkita, no sakaizan’ny mpanjaka. 34Ny nandimby an’i Ahitôfela dia ry Jôiadà zanakalahin’i Benaià sy ry Abiatara. Ary ny komandin’ny tafiky ny mpanjaka dia i Jôaba.
Currently Selected:
1 Tantara 27: DIEM
Highlight
Share
Copy
Want to have your highlights saved across all your devices? Sign up or sign in
Dikanteny Iombonana Eto Madagasikara © Malagasy Bible Society, 2004.
