1 Tantara 10
10
TANTARAN’I DAVIDA, MPANJAKAN’I ISRAELY
Ny nahafatesan’i Saoly
(Jereo 1 Sam 31.1-13)
1Ary niady tamin’i Israely ny Filistinina; dia nandositra azy ny Israelita ka faty maro no nitsitsitra teny an-tendrombohitra Gilbôa#10.1 an-tendrombohitra Gilbôa: jereo 1 Sam 28.4 sy nta.. 2Nilofo nanenjika an’i Saoly sy ireo zanany lahy ny Filistinina, ka nahafaty an’i Jônatàna sy i Abinadaba ary i Melkisa izay samy zanakalahin’i Saoly. 3Nanindry an’i Saoly ny fanafihana, ka sendra ny mpandefa tsipîka izy ary dia natahotra azy. 4Dia hoy i Saoly tamin’ilay mpitondra ny fitaovam-piadiany:
–Raiso ny sabatrao, ka trobaro aho, fandrao ho avy ireo mpanompo sampy ireo ka hanao ahy ho fihomehezana.
Fa tsy nanaiky ilay mpitondra ny fitaovam-piadiany satria natahotra mafy. Koa nalain’i Saoly ny sabatra, dia nianjerany. 5Ary rehefa hitan’ilay mpitondra ny fitaovam-piadiany fa maty i Saoly, dia mba nianjerany koa ny sabany ka maty#10.5 ka maty: ny 1 Sam 31.5 sy ny dkt siriaka dia miampy kely ka manao hoe ka maty niaraka taminy. izy.
6Dia maty i Saoly ary niara-maty taminy koa ny zanany telo lahy sy ny ankohonany manontolo. 7Rehefa hitan’ny Israelita rehetra izay nonina tao an-dohasaha#10.7 an-dohasaha: jereo ny 1 Sam 31.7 sy nta. fa nandositra ny tafik’i Israely sady maty i Saoly sy ny zanany, dia nandao tanàna izy ka nandositra. Tonga kosa ny Filistinina ka nipetraka tao.
8Ny ampitso, nony tonga ny Filistinina haka ny zavatra teo amin’ny faty, dia nahita an’i Saoly sy ny zanany nitsitra teo an-tendrombohitra Gilbôa. 9Dia nendahany i Saoly ary nentiny ny lohany sy ny fiadiany, ka nalefany hitety ny tanin’ny Filistinina hanambaràna izany vaovao izany amin’ny sampiny sy amin’ny vahoaka. 10Avy eo dia napetrany tao an-tempolin’ilay andriamaniny anankiray ny fitaovam-piadian’i Saoly; ary ny karandohany nohomboany tao amin’ny tempolin’i Dagôna.
11Rehefa ren’ny mponina rehetra tao Jabesy-Gilehada#10.11 Jabesy any Gilehada: jereo 1 Sam 31.11 sy nta. avokoa ny nataon’ny Filistinina tamin’i Saoly, 12dia niainga ny lehilahy maherifo rehetra naka ny fatin’i Saoly sy ny fatin-janany, ka nitondra azy ho any Jabesy. Ny taolambalony dia naleviny teo am-pototr’ilay hazo terebinta tao Jabesy; ary nifady hanina nandritra ny fito andro ny olona mba ho fisaonana.
13Eny, maty i Saoly noho ny fivadihany tamin’ny TOMPO: tsy nitandrina ny tenin’ny TOMPO manko izy, ary koa nanontany ny fanahin’ny maty tamin’ny mpamoha angatra#10.13 nanontany... mpamoha angatra: jereo 1 Sam 13.8-14; 15.1-24; 28. Ampit Lev 19.31; 20.6. 14fa tsy nanontany ny TOMPO; ka dia nampamonoiny ho faty izy ary nafindrany tamin’i Davida, zanakalahin’i Jisay, ny fanjakana.
Currently Selected:
1 Tantara 10: DIEM
Highlight
Share
Copy
Want to have your highlights saved across all your devices? Sign up or sign in
Dikanteny Iombonana Eto Madagasikara © Malagasy Bible Society, 2004.
