Acts 1

1Theophilus: Jesu tha mungtan náng tunsol náng thula piq aa chamlilang somlo ta etho chamlang tatal kot ta eshi tang sha, nga jakho wit táng. 2Piq mungtan náng sol wey moq jakho, Asang Tsija tarong wang piq aa talchol Apostle tang ma raaqkhat kot ta. 3Piq tik eq wey jey jio, atharang hun ta nan moq ang rangma, saal rokbali ning ma takhi ta. Ning aa piq tha khita etho piq aa ning ma Shkewa rangmungtan raaq bat kot ta. 4Etho ning kashey o sey thajoq ta tho, piq aa ning ma iri raaq raa batta: “Jerusalem ri shingchak eq nak ka inn; etharin Iwa rangtum ta eshi jakkot sha kap ma ban inn. Esha nim aa iching kowang tat tin. 5John aa jung wang junglam kot ta; etharin saal shey ni jio nim aa Asang Tsija wang junglam nin.”

Jesu mungtan náng sey tunsol aa

6Apostle tang thajoq eq Jesu ma pitta, “Teyhungwa, iri rangham o nang aa Israel tang ma Rangmungtan shi wey thawel kot eq nu i?”

7Jesu aa ning ma batta, “Chamli rangham o angna esha nim aa sam ching ráa moq, eshi tang sha Iwa hun shing aa. 8Asang Tsija sha nim khom o thupha jo, nim aa tarong kap nin, etho nim aa Jerusalem, thaji Judea mung, Samaria mung etho iri mingkang thaji haq shi náng ka eq imikkhi kot nin.” 9Piq aa ira bat jio, ning aa siin chey ta tho ning rel wang tunsol chuwan ta, etho phun eq piq tha ning miikthim o hop chak ta.

10Piq tha chuwang jio, eshina tongtey thaji miqtang rangkang ko náng siin chey ta; kalo hun wani apung khat sam eq ning relnáng lang kata. 11Etho ning ma batta, “Galilee miqtang, nim aa cham ma ira ro hun lang eq rangkang ko náng siin chey inn? Ira Jesu tha, bara nim relwang mungtan náng solta, irimal hun mungtan wang kapha sha nim aa khi nin.”

Judas kaley Mathias tha tal aa

12Apostle tang Olive haqkan wang Jerusalem náng welta, eshi haqkan sha Jerusalem samhaq wang ashey phalong#1:12 Greek raaq na ira ashey Sabbath jaqhing ta taka aa jaqhing angta. 13Ning samhaq náng thu atho, ning aluk him khok náng qhang ta. Eshina Peter, John, James, Andrew, Philip, Thomas, Bartholomew, Matthew, Alphaeus sa James, patriot Simon etho James sa Judas angta. 14Etho eshina miqnu tang etho Jesu nu Mary etho Jesu notang jamoq ashey thung ang eq romtam chu eq tong ta.

15Eshi neynap tho, shashey rokni uhantey miq thajoq ta, etho Peter shat eq raaq batta. 16Piq aa batta, “Ipho notang, Jesu tha lot ma miqtang ma takhitey Judas tung aa raa Asang likdap na Asang Tsija nong wang David aa ban batta, eshi tang sha tahom ang ching. 17Judas sha hiqtang jamna ashey miq angta, chammatakoi piq sha tho hiqtang jaksom o som ma talta.

18“Jashit jaksom wang ngin eq Judas aa pik rita, ethi haq thina piq ni piq thabit eq tita; uwok tha tharap eq uji tang tha thalat ta. 19Jerusalem na tongtey thaji miqtang eq iri raaq raa tatta, etho ethi haq tha Akeldama ta ning raaq o shingta, Akeldama ta ‘Tahi pik.’

20“Chammatakoi Psalms likdap na tho irimal tha wit aa,

‘Piq him sha changpol angna;

eshina utang tho tong moq angna.’

Irimal tho likwit na atha,

‘Piq kaley o miq dak angna.’

21-22“Eshirangma Teyhungwa Jesu weyjey tung aa raaq sha miikkhi kotma hiqtang pho no jaktung wang chamtey hiqtang jamoq rum ching. Eshi miq sha John junglam rangham wang, Jesu sha mungtan náng tunsol rangham náng thula, hiqtang jamoq lingqhing tey miq ang ching.”

23Eshirangma ning aa ani miing somta: Joseph, bara Barsabbas ta halta (piq tha Justus ta tho usam eq ta) etho Matthias. 24Ethi jio ning aa romtam chuta, “Teyhungwa, nang aa thaji tin mong samtu, ethirangma iri ni wang bara nang aa tal tu eshi í ma takhi phu. 25Piq sha Judas kaley Apostle angna. Judas rangma bari haq raa shingta eshi haq náng qhingchu wangta.” 26Etho ning aa ning ni miing sha ton ta, etho Matthias miing tha qhongta, etho Matthias tha tho asi ashey apostle tang jamoq wet ta.

Currently Selected:

Acts 1: Mmmm

Highlight

Copy