Nahumu 2
2
(Kuli Yûda)
1K’obwîne! Omuganda ola walibirha oku ntondo, ayisha ayâkûza mpu «Obucire!» Ojire ensiku nkulu, wâni Yûda, oyunjulize ebiragâne byâwe, bulya lêro Beliyali#2, 1 Beliyali liri izîno lya muzimu. arhakaciyêrekeza emwâwe, yêshi aherêrekîre.
Okushâbûka kwa Ninive
Okurhêrwa
2Kashâba ola okuyishire, hira abalanzi omu mihanda, ja ebulâbi omu mirimbwa, kabika omukaba, ocîgurumanye wêshi. 3Nêci, Nyamubâho oshubîrigwika omuzâbîbu gwa Yakôbo n’omuzâbîbu gw’Israheli. Abanyazi bâli erhi bacîhireyo, bâli erhi bàyitwîre amashami. 4Empenzi z’entwâli zâge zajà zalabuka, abasirika bâge bayambîrhe eby’omugôla, ebiterusi bicihîsize byalingija oku bîrha, abasirika bali oku ndogomi bajà bahama. 5Omu njira ebiterusi bicihîsize, byamâhârha omu mpandagazi: owabilangira anamanya mpu bibêye; byajà byalaza eyi n’eyi nka nkuba. 6Bamâhamagala engabo y’abîshoge, entondo zamâkorana, zamâciyôha oku muhanda, mîra zagwikaga ihêma. 7Emihango eyêrekîre oku lwîshi yamâpamuka, akayuguyugu omu bwâmi mpu «enhî!» 8Bamarhuluba omugoli, bamamugendana, abajà-nyere bâge bali bàbanda endûlù nka kulya engûkù ziyâhiza; bali bacidirhibula. 9Ninive kwo ali nka luganizo lwa cidêka. Badwîrhe bayakuza, mpu: «Kafè, kafè, kafè!» Ci ntâye wakabagana kwo kunyi. 10Mucihagule amarhale! Mucihagule amasholo! Biri birugu birhankahwa, biri mwandu mwandu, ecishagala ciyunjwîre birugu bya citwîro. 11Buhagwe, kavango n’akashâba! Omurhima gwadûrhusire, enjingo zamârhà, amadwî gamakomanya, ntà ntêra bacigwêrhe, amalanga gazinzibîre.
Ninive ali nka ngoromora yahimirwe
12Kurhi càbîre cirya cishagala-bulumba bw’engoromora? Abâna b’e ngoromora bakàgihâbirwamwo ebiryo byâbo. Erhi wangoromora ajâga ebwa kuhiva, ntâye wakâgidûnda abâna bâyo. 13Wampangaza akâgigabira orhwâna rhwâge ebihembo, agabânye n’empangaza-kazi zâge; akâgiyunjuza enyâla zâge mishoko, n’ebirâlo byâge misimbisimbi. 14Nyakasane w’Emirhwe amâderha, erhi: «Ninive, nkolaga nâkuhana, nâvungunyula engâlè zâwe z’ebîrha, emisole yâwe yâkumba oku matabâro. Obuhagwe ojira hano igulu nkolaga nâbuherêrekeza, na ntâye wâciyumve izù ly’abaganda bâwe.»
Currently Selected:
Nahumu 2: MKB
Highlight
Share
Copy
Want to have your highlights saved across all your devices? Sign up or sign in
Mashi Bible © BUKAVU Archdiocese of Bukavu, 2024.
