Bagalasiya 3

II. Enyigîrizo za Paolo emwa Abagalasiya

Obushinganyanya omu buyêmêre burhenga

1Yâga we, banyamerhe b’e Galasiya! Lêro ndi wammugeresire mweki we! Ka n’amasù ginyu murhabonaga nammuyigîriza Yezu Kristu wabambagwa oku musalaba? 2Kanwa kaguma nalonza okummudôsa: ka bijiro bya marhegeko erhi kushimba obuyêmêre kwarhumaga muhâbwa Mûka Mutagatîfu? 3Kurhi oku mwahûsirage omurhima, erhi murhangira kuli Mûka muyûkiza kuli cikoba! 4kw’ebyo byoshi mwâbà ntamira-busha, akabà busha mwanarhamîrage! 5Olya ommushobôza Mûka n’okujira ebisômerîne ekarhî kinyu, ka bijiro bya marhegeko birhuma akujira, nîsi erhi bulya mushimba obuyêmêre? 6Ntyôla kwo Abrahamu ayêmîre Nnâmahanga, n’okwo kwarhuma abà mushinganyanya#Murh 15, 6.. 7Mumanyage oku abagwêrhe obuyêmêre, bônene bo bâna b’Abrahamu. 8Na kulya kubà Amandiko gàli gamanyire oku Nyamuzinda anayêze abapagani erhi buyêmêre burhuma, gabwîra Abrahamu kurhenga mîra, mpu:#Murh 18, 18; 12, 3. Amashanja goshi ganagishwe muli we. 9Kuziga abagwêrhe obuyêmêre, bônene bo banagishwe bo n’omwemêzi Abrahamu. Irhegeko lirhuma abantu bahehêrerwa 10Nabo balya bacîkubagira ebijiro by’amarhegeko, bali omu kaga k’okuyish’ihehêrerwa, bulya kuyandisirwe, mpu#3, 10; Lush 27, 26. : Ahehêrerwe ngasi yêshi orhasêra oku biyandisirwe omu citabu c’Amarhegeko byoshi. 11Ntyo kubonekîne n’obwâlagale oku ntâye amarhegeko gankajira mwêru-kwêru embere za Nyamuzinda, bulya obuzîne bw’omushinganyanya bubà buyêmêre. 12Amarhegeko gôhe garhayegemera buyêmêre, ci ogashimba, ganamulamye#3, 12 Amarhegeko garhayegemera buyêmêre, ci bijiro by’omuntu.. 13Kristu arhufumize okuhehêrerwa kw’amarhegeko, erhi yêne ayêmêra okuhehêrerhwa rhwe rhurhumire, bulya kuyandisirwe, mpu#Lush 21, 23.: Ahehêrerwe ngasi yêshi oli munanike oku murhi! 14Byabîre ntyo mpu lyo omugisho gw’Abrahamu guhika oku bapagani muli Yezu Kristu, lyo rhunahâbwa Mûka Mutagatîfu rhwalaganyibagwa erhi buyêmêre burhuma.

Irhegeko lirharhenzagya endagâno

15Bene wîrhu, nkola nasbambâla nka kulya abantu bashambâla. Akanwa kazinda -n’obwo kali kanwa ka muntu kwône- ntâye wankakagalula erhi okukayushulakwo ebindi, casinga kabè kafundike. 16Amalaganyo Abrahamu wagahâbagwa n’iburha lyâge. Amandiko garhadesiri, mpu: «n’abâna bâge», nka kuno bali banji, ci: «n’iburha lyâwe», nka kuno ali muguma, ye Kristu. 17Alagi oku ndesire: akanwa kafundikagwa na Nyamuzinda, amarhegeko gayishaga myâka magana anni na makumi asharhu kurhenga ako kanwa, garhankakagalula, garhankanarhenza ago malaganyo. 18Bulya acibâga irhegeko lihâna akashambala, cirhankacibire ciragâne cikahâna. Ci ciragâne carhumaga Abrahamu arhonyibwa na Nnâmahanga.

Omukolo gw’Irhegeko

19Irhegeko lirigi lya bici? Lyadwîrhwe erhi byâha birhuma, kuhika liyishe lirya iburha lyalaganyibagwa eciragâne; lyamanyisibwa na bamalahika oku bulagizi bw’omwimangizi#3, 19 Oyo mwimangizi, ye Mûsa.. 20Ci omulagizi arhabà wa muntu muguma, na Nyamuzinda yêhe ali muguma#3, 20 Omulagizi ayimanga ekarhî ka bantu babiri: owasengerwa n’owasengera. yêne#3, 20 Co cirhumire endagâno yâge erhajira wundi mulagizì orhali yêne. Irhegeko lyôhe lyamanyisibagwa n’abalagizi, co cinarhumire lirhali limâna ak’eciragâne.. 21Ka kuligi kuderha oku Irhegeko lyankalwîsa eciragâne ca Nyamuzinda? Ntà mango! Hacibaga irhegeko lyankahash’ihâna obuzîne, lyoki obushinganyanya bwankarhenzire omu Marhegeko. 22Ci Amandiko gashwêkîre ebintu byoshi omu bugomi bw’ecâha, mpu lyo abemêzi bashobôla ebyalaganyibagwa erhi buyêmêre bwâbo muli Yezu Kristu burhuma.

Omukolo gw’obuyêmêre

23Amango obuyêmêre burhàli buj’iyisha, rhwàli babohe omu mpamikwa y’Irhegeko, rhwakalinga oku rhwafulûlirwa obuyêmêre. 24Ntyo Irhegeko lyàli nka mulezi warhuhisakwo Kristu, lyo obuyêmêre burhujira bêru-kwêru. 25Ci bunôla obuyêmêre bwayishire, ntà buhashe omulezi acirhugwêrhekwo. 26Bulya mweshi muli bâna ba Nyamuzinda erhi buyêmêre muli Kristu burhuma; 27kulya kubà mwe mwabatizibwe muli Kristu mweshi, mwacîhundikîre Kristu. 28Murhacirimwo Muyahudi erhi Mugereki; murhacirimwo mujà erhi ntagengwa; murhacirimwo mulume erhi mukazi: mweshi muli muguma muli Kristu Yezu. 29N’akabà muli ba Kristu, muli iburha ly’Abrahamu, mwe mwanayîme mwa birya alaganyibagwa.

Currently Selected:

Bagalasiya 3: MKB

Highlight

Copy