Zaburi 76
76
Imana ikwiye gutinywa
1Indirimbo y'umuyobozi w'abaririmbyi, iririmbwa hacurangwa umurya w'inanga. Ni zaburi ya Asafu#Asafu: reba Zab 50.1 (sob)..
2Imana izwi mu Bayuda,
ni ikirangirire mu Bisiraheli.
3Ihema ryayo rishinzwe i Salemu#Salemu: ni impinamagambo ya Yeruzalemu. Reba Intang 14.18.,
inzu yayo iri i Siyoni.
4Aho ni ho yavunaguriye intwaro z'intambara,
ari zo myambi yaka umuriro n'ingabo n'inkota.
Kuruhuka.
5Mana, ufite ubwiza burabagirana,
ufite ubwiza buruta ubw'imisozi yabayeho kuva kera#yabayeho kuva kera: cg bahīgamo..
6Watumye ingabo z'abanzi zinyagwa ibyazo,
zarasinziriye zigendanirako,
izo ntwari zose ntizashoboye kwirengera.
7Mana ya Yakobo, igihe wivuganaga abo banzi,
amafarasi n'amagare by'intambara byabuze ababiyobora.
8Erega wowe ubwawe ukwiye gutinywa!
Ni nde wahangara kuguhagarara imbere warakaye?
9Uri mu ijuru waciye iteka,
abatuye isi babyumvise baratinya baratuza.
10Mana, wahagurukiye guca imanza,
ukiza aboroheje bose bo ku isi.
Kuruhuka.
11Koko n'abanyaburakari bazagusingiza,
abarokotse uburakari bwawe bazagukorera umunsi mukuru#bazagukorera … mukuru: cg uzabakenyera..
12Nimuhigire imihigo Uhoraho Imana yanyu,
iyo mihigo muyihigure.
Mwa bashengerera Imana ikwiye gutinywa mwe, nimuyiture amaturo.
13Abatware yabakuye umutima,
abami bo ku isi barayitinya.
Currently Selected:
Zaburi 76: BIR
Highlight
Share
Copy
Want to have your highlights saved across all your devices? Sign up or sign in
Bibiliya Yera © Bible Society of Rwanda, 2001
