Zaburi 138
138
Ineza y'Uhoraho
1Zaburi ya Dawidi.
Mana, ndagushimira mbikuye ku mutima.
Erega ndakuririmbira ndi imbere yawe!#1: cg Ndagushimira mbikuye ku mutima, imbere y'izindi mana ndakuririmba.
2Nkwikubise imbere mu Ngoro yawe nziranenge,
ndagushimira imbabazi n'umurava ugira.
Koko izina ryawe hamwe n'ibyo wasezeranye wabihesheje ikuzo rihebuje byose#izina … byose: cg ibyo wasezeranye wabihesheje ikuzo rihebuje iryo wahaye izina ryawe..
3Umunsi nagutabaje warantabaye,
wanteye imbaraga n'ubutwari.
4Uhoraho, abami bose bo ku isi nibagushimire,
nibagushimire kuko biyumviye ibyo wavuze.
5Nibaririmbe bogeza ibikorwa byawe,
baririmbe bati: “Uhoraho afite ikuzo rihambaye.”
6Uhoraho, nubwo uba mu ijuru wita kuri rubanda rugufi,
nubwo uba kure umenya ibikorwa by'abirasi.
7Iyo amakuba antangatanze ntiwemera ko ampitana,
iyo abanzi bandakariye urangoboka ukabarwanya,
ububasha bwawe ni bwo butuma mbatsinda.
8Uhoraho, imigambi umfitiye uzayisohoza.
Uhoraho, imbabazi zawe zihoraho iteka ryose,
ni wowe wandemye ntuntererane.
Currently Selected:
Zaburi 138: BIR
Highlight
Share
Copy
Want to have your highlights saved across all your devices? Sign up or sign in
Bibiliya Yera © Bible Society of Rwanda, 2001
