Zaburi 137
137
Ishavu ry'abajyanywe ho iminyago
1Twicaraga ku nkombe z'inzuzi#inzuzi zivugwa ni Efurati na Tigiri, cg imiyoboro yazivanagamo amazi. zo muri Babiloniya,
twakwibuka Siyoni tukarira.
2Inanga zacu twazimanikaga mu biti byaho.
3Abatujyanye ho iminyago bahadusabiraga kubaririmbira,
abo badukandamizaga badusabaga kugaragaza ko twishimye,
bakavuga bati: “Nimuturirimbire imwe mu ndirimbo z'i Siyoni.”
4Ariko se twari kuririmba indirimbo z'Uhoraho dute?
Ese twari kuziririmbira mu mahanga?
5Yeruzalemu we, sinzakwibagirwa,
ninkwibagirwa nzamugare akaboko k'indyo#nzamugare … indyo: cg akaboko kanjye k'indyo kazananirwe gukora..
6Yeruzalemu we, sinzakwirengagiza,
nintagukundwakaza ururimi rwanjye ruzafatane n'urusenge rw'akanwa.
7Uhoraho, uzirikane Abedomu,
uzirikane ibyo bavuze igihe i Yeruzalemu haterwaga,
baravuze bati: “Nimuhasenye,
nimuhasenye mugeze ku mfatiro zaho!”
8Babiloni we, nawe ntuzabura kurimburwa,
hahirwa uzakwitura ibibi watugiriye.
9Hahirwa uzafata ibibondo byawe akabihondagura ku rutare!
Currently Selected:
Zaburi 137: BIR
Highlight
Share
Copy
Want to have your highlights saved across all your devices? Sign up or sign in
Bibiliya Yera © Bible Society of Rwanda, 2001
