Zaburi 126
126
Uhoraho ahoza abarira
1Indirimbo y'abazamuka bajya i Yeruzalemu.
Igihe Uhoraho yasubizaga Siyoni ishya n'ihirwe#yasubizaga … ihirwe: cg yagaruraga i Siyoni abari barajyanywe ho iminyago.,
twe twabonaga ari nk'inzozi!
2Mbega ukuntu twishimye tugaseka!
Mbega ukuntu twavugije impundu z'urwunge!
Abanyamahanga ni ko gutangara bati:
“Uhoraho yabakoreye ibihambaye!”
3Koko Uhoraho yadukoreye ibihambaye,
natwe twarishimye.
4Uhoraho, udusubize ishya n'ihirwe,
nk'uko usubiza amazi mu migezi ya Negebu#Negebu: ni akarere k'amajyepfo ya Isiraheli, iyo imvura itagwa imigezi yaho irakama..
5Ababiba barira bazasarura bishimye.
6Ujya kubiba agenda arira yikoreye imbuto,
nyamara iyo agiye gusarura, agaruka yishimye yikoreye imiba.
Currently Selected:
Zaburi 126: BIR
Highlight
Share
Copy
Want to have your highlights saved across all your devices? Sign up or sign in
Bibiliya Yera © Bible Society of Rwanda, 2001