Popodalaina 46

I Jekopi Sa Gore Pa Ijipi

1Ego ko sa taloa pa Kenani si Izireli pogosoria sa doru sakasava sa isongoria, ko sa gore vei pa Biaseba ko ketakoi sa vavakukuvu lao tana Tamasa tai Aisake na tamana.

2Ego na Tamasa sa parangia si Izireli pana kai dodogoro na bongi, pira saunia, <<Jekopi! Jekopi,>> sau.

Sa pira sau sisa, <<Api sara,>> saunia.

3Sa pira sau sa na Tamasa, <<Ara sa na Tamasa, na Tamasa tana tamamu.>> <<Muke matagutu gore pa Ijipi, ura mana roiti veinigo kai puku tinoni lavata ketakoi ara sao. 4Ara mana gore tavitigo pa Ijipi beto mana isongo toni sale mulenigo. Beto na limana tugu mekana i Josepa kode mina voporia sa na matamu ao,>> sau.

5Ego ko sa qaqiri si Jekopi ko sa taloa pa Biaseba, ko ira na tuna marene qai tonia si Jekopi na tamadi, beto doru dia koburu beto na maqotadi pana totopili sa garunu vasalea i Pero ko mina surania i Jekopi saunia. 6Qai toniria tugu vei sa na dia papausu beto na isisongo qai teku isongoria pa Kenani ko qai gore pa Ijipi sira Jekopi beto ira doru na vuana. 7Sa toni goreniria pa Ijipi isa sira na tuna marene na tuna rereko beto doru na mabusu- doru na vuana isa.

8Aipira sa na isongodi ira na tuna marene i Izireli (i Jekopi beto ira na tuna marene isa) qai gore pa Ijipi.

I Rubeni na tuna pa moa i Jekopi.

9Ira na tuna marene i Rubeni sa: I Hanoki, i Palu, i Hezironi beto i Kami.

10Ira na tuna marene i Simioni sa: I Jemueli, i Jamini, i Ohadi, i Jakini, i Zoha beto i Saulu isa na tinana sa kai rereko pa Kenani.

11Ira na tuna marene i Levi sa: I Qesoni, i Kohati beto i Merari.

12Ira na tuna marene i Jiuda sa: I Ere, i Onani, i Sela, i Perezi beto i Zera (ira Ere beto i Onani sa qai tei mate tu pa ia pa Kenani).

Ira na tuna marene i Perezi sa: I Hezeroni beto i Hamulu.

13Ira na tuna marene i Isaka sa: I Tola, i Pua, i Jasubi beto i Simironi.

14Ira na tuna marene i Zebuluni sa: I Seredi, i Eloni beto i Jahaleli.

15Aipira sa na tuna marene i Jekopi sa vaporeniria tai Lia pa Padani Arami tavatia kai tuna rereko nisongona i Dina. Ko na vaikamudi ira na tuna marene na rereko sa ka uengavulu kue.

16Ira na tuna marene i Qadi sa: I Zeponi, i Haqi, i Suni, i Eziboni, i Eri, i Arodi beto i Areli.

17Ira na tuna marene i Asa sa: I Imina, i Isiva, i Isivi beto i Beria. Na luludi rereko si Sera. Ira na tuna marene i Beria sa: I Hebe beto i Malakiele.

18Aipira sa na tuna marene i Jekopi sa vaporeniria tai Zilipa isa na nabulu rereko i Labani sa vania i Lia na tuna rereko. Ko na vaikamudi sa ira ka manoga vonomo.

19Ira na tuna marene i Jekopi sa vaporeniria tai Resolo sa: Ira Josepa i Benisimani. 20Pa Ijipi sa, ira Manase beto i Eparemi sa karu tuna marene i Josepa sa vaporeniria tai Asenati na tuna rereko i Potipera isa na iama pa Oni.

21Ira na tuna marene i Benisimani sa: I Bela, i Beke, i Asibeli, i Qera, i Namani, i Ehi, i Rosi, i Mupimi, i Hupimi beto i Aradi.

22Aipira sa na tuna marene i Jekopi sa vaporeniria tai Resolo. Ko na vaikamudi sa ira ka manoga made.

23Na tuna marene i Dani sa: i Husimi.

24Ira na tuna marene i Naputali sa: I Jaziele, i Quni, i Jeze beto i Sileme.

25Aipira sa na tuna marene i Jekopi sa vaporeniria tai Biliha isa na nabulu rereko i Labani sa vania i Resolo na tuna rereko. Ko na vaikamudi ira doru sa ka vitu.

26Ko dorudi ira qai gore pa Ijipi tavitia i Jekopi vei ira na orunguna sosoto isa goto nake anye tavitiniria na maqotadi ira na tuna marene sa ka vonomo ngavulu ka vonomo na vaikamudi.

27Ko vei mina anye tavitiniria sa karu tuna marene i Josepa qai podo pa Ijipi sa, ira na tinoni pa tatamana tai Jekopi qai gore pa Ijipi sa ka vitu ngavulu puta na vaikamudi.

28Ego i Jekopi sa garunu valao momoea tai Josepa si Jiuda ko mi ule momoe vania sa na soana sa lao vei pa Qoseni sau. Ko totonai qai kamu pa pikata ia pa Qoseni sa, 29I Josepa sa vananama vakolea sa nona totopili isa mina lao gosoronia i Izireli na tamana pa Qoseni saunia. Ko isa tugu sa lao bola votu pa moena na tamana si Josepa sa, sa boru lulukanania sisa.

30Beto pira saunia i Izireli si Josepa, <<Kopira mana boka matequa gu ura kopira qa batia mekaqu na isumatamu sa qu korapa toamua sao,>> saunia.

31Beto pira sauniria i Josepa sira na tugana na tasina beto ira doru na tavitina i Jekopi, <<Ara sa mana lao parangia si Pero beto mana pojania sa agou na tugaqu na tasiqu beto doru tavitina na tamaqu qu suvere pa ia pa kenani sa qu tei kamusiu tu ara. 32Ko na tinoni aipira sa na tinoni kokopu sipi, na papausu ko qai toniria tugu vei sa na dia gogodo sipi na bulumakau beto doru sakasava qai isongoria managunia. 33Ko vei mina kukugou si Pero ko pira minagu, <Na sa na miu roit sagou minagu sa,> 34pira munagunia, Agei na mua nabulu aipira sa podalai tu na iketemei sa na kokopuniria gu na papausu qai vevei ira na tamamei sa na mei roiti munagu. Poni sa kode mina malumu vasuveregou sa pa pikata ia pa Qoseni, ura na sakasava ikikerena jola tadira na tinoni Ijipi sa na roiti tadira na tinoni kokopu sipi,>> sauniria.

Currently Selected:

Popodalaina 46: LGA

Highlight

Copy