Popodalaina 36

Ira Na Tutina I Isoa

1Alepi sa na vavakatona i Isoa (isa i Edomu).

2Ego i Isoa sa tekuria na maqotana tadira na rereko pa Kenani: I Ada na tuna rereko i Eloni na tinoni Hitai, beto i Oholibama na tuna rereko i Ana ko na mabusu rereko tai Zibion na tinoni Hivai, 3beto i Basemati na tuna rereko i Isimeli ko na luluna i Nebaioti.

4I Ada sa vapodonia tai Isoa si Elipazi, i Basemati sa vapodoa i Reueli, 5beto i Oholibama sa vapodoria sira Jeusu, i Jalami beto i Kora. Aipira sira na tuna marene i Isoa sa vaporeria pa Kenani.

6Ego sa toniria i Isoa sira na maqotana, na tuna marene, na tuna rereko beto doru na tinoni qai suvere tana, vei tugu nona gogodo bulumakau beto doru ona gogodo mamanugu mamade nene beto doru sakasava sa isongoria pa Kenani, ko sa rijo lao kai ia sa nyoro sou tai Jekopi na tasina. 7Na dia isisongo sa sa soku vivitigi ko qaike boka mekarai suvere ura na ia ketakoi qai suvere sa sake padaria ura sa soku na dia gogodo papausu. 8Ko i Isoa (isa i Edomu) sa riu suvere pa ia kukubona pa Seia.

9Alepi sa na vavakatona i Isoa na tamadi ira na tinoni Edomai qai suvere pa ia kukubona pa Seia.

10Aipira sa na isongodi na tuna marene i Isoa: I Elipazi isa na tuna marene i Ada na maqotana i Isoa beto i Rueli isa na tuna marene i Basemati na maqotana i Isoa.

11Ira na tuna marene i Elipazi sa: Ira Temani, i Oma, i Zepo, i Qatami beto i Kenazi.

12I Elipazi na tuna marene i Isoa ba sa isongia tu sa kai maqotana na isongona i Timina ko isa sa vapodoa si Amaleki. Aipira sa na mabusu tai Ada na maqotana i Isoa.

13Ira na tuna marene i Rueli sa: Ira Nahati, i Zera, i Sama beto i Miza. Aipira sa na mabusu tai Basemati na maqotana i Isoa.

14Ira na tuna marene i Oholibama na maqotana i Isoa isa na tuna rereko i Ana ko na mabusu tai Zibioni, sa vapodoniria tai Isoa sira: Jeusu, i Jalami beto i Kora.

15Aipira sira na mamata tadira na tutina i Isoa: Ira na tuna marene i Elipazi na tuna pa moa i Isoa sa, i Temani, i Oma, i Zepo, i Kenazi, 16i Kora, i Qatami beto i Amaleki. Aipira sira na mamata qai kopuniria na tutina i Elipazi pa Edomu. Aipira sa na mabusu tai Ada.

17Aipira sira na tuna marene i Rueli na tuna marene i Isoa: i Nahati, i Zera, i Sama beto i Miza. Aipira sira na mamata qai kopuniria na tutina i Rueli pa Edomu. Aipira sa na mabusu tai Basemati na maqotana i Isoa.

18Aipira sira na tuna marene i Oholibama na maqotana i Isoa: i Jeusu, i Jalami beto i Kora. Aipira sira na mamata qai kopuniria na tutina i Oholibama na maqotana i Isoa isa na tuna rereko i Ana.

19Ko aipira sira na tuna marene i Isoa (isa i Edomu) beto aipira sira na dia mamata.

20Aipira sira na tuna marene i Seia na tinoni Horai qai mamatania na pikata ia pa Edomu: i Lotani, i Sobali, i Zibioni, i Ana, 21i Disoni, i Ezea, beto i Disani. Ira na tuna marene i Seia pa Edomu aipira sa na mamata tadira na tinoni Horai.

22Ira na tuna marene i Lotani sira: Hori beto i Homami. I Timina sa na luluna rereko i Lotani.

23Ira na tuna marene i Sobali sira: Alivani, i Manahati, i Ebali, i Sepo beto i Onami.

24Ira na tuna marene i Zibioni sira: Aia beto i Ana. Alepi si Ana isa sa bati votunia na pie bubukala manginina pa qega totonai sa korapa vagaganiria na dongiki tai Zibioni na tamana.

25Ira na koburu tai Ana sira: I Disoni sa na marene goto i Oholibama sa na rereko.

26Ira na tuna marene i Disoni sira: Hemidani, i Esibani, i Itirani beto i Kerani.

27Ira na tuna marene i Ezea sira: Bilihani, i Zavani beto i Akani.

28Ira na tuna marene i Disani sira: Uzu beto i Arani.

29Ko aipira sira na mamata tadira na tinoni Horai: i Lotani, i Sobali, i Zibioni, i Ana, 30i Disoni, i Ezea beto i Disani. Aipira sira na mamata tadira na tinoni Horai pa okokoto dia pukuna pa ia pa Seia.

Ira Na Bangara Pa Edomu

31Aipira sira na babangara qai toqo bangara pa Edomu tonai oqoro lame toqo bangara kai tinoni Izireli.

32I Bela na tuna marene i Beo sa bangara pa Edomu. Na isongona na gugusu tana sa pa Dinihaba.

33Totonai sa mate i Bela, poni sa i Jobabi na tuna marene i Zera pa Bozira sa sa bangara na beina i Bela.

34Totonai sa mate i Jobabi sa, i Husami na tinoni pa ia tadira na tinoni Temanai sa sa bangara na beina i Jobabi.

35Totonai sa mate i Husami sa, i Hadadi na tuna marene i Bedadi, isa sa vakilasia i Midiani pa ia pa Moabi, sa sa bangara na beina i Husami. Na isongona na gugusu tana sa pa Aviti.

36Totonai sa mate i Hadadi sa, i Samala na tinoni pa Masireka sa sa bangara beina i Hadadi.

37Totonai sa mate i Samala sa, i Saulu na tinoni pa Rehoboti na gusu pa ovuku Euparati sa sa bangara beina i Samali.

38Totonai sa mate i Saulu sa, i Baal- Hanani na tuna marene i Akibo sa sa bangara beina i Saulu.

39Totonai sa mate i Baal Hanani na tuna marene i Akibo sa, i Hadadi sa sa bangara. Na isongona na gugusu tana sa pa Pau beto na isongona na maqotana si Mehetabeli na tuna rereko i Matiredi isa na tuna rereko i Me- Zahabi.

40Aipira sa na isongodi na mamata pa tutina i Isoa tuti pa dia gorena beto na pikata ia qai suvere: i Timina, i Aliva, i Jetiheti, 41i Oholibama, i Ela, i Pinoni, 42i Kenazi, i Temani, i Mibiza, 43i Maqidieli beto i Irami. Aipira sira na mamata pa Edomu tuti pa dia gugusu pa ia qai suveria.

Ko alepi sa na vavakatona i Isoa na tamadi ira na bubutu tinoni Edomai.

Currently Selected:

Popodalaina 36: LGA

Highlight

Copy