Leviticus 8

Vavatabua Eroni no oyra toytulieke

1Iaova savoy te kue Mosese, 2Koype me Eroni no oyra toytulieke, bulumakao ona vavakatu zaqala, keri sipi lieke, mo iro me doyra bubute sisiama, oela vavatabu, no dapa sa kue bereti sa kareo isitia, 3no araququni ni oyra boysi taba te ngoyni ka puka tae te toypaka variere. 4Mosese sa joyjuni pita Iaova sa voytuni oye, no oyra boysi taba ka araququni bieto te ngoyni ka puka tae te toypaka variere.

5Mosese savoy te kue oyra boysi taba, goyti pita sa voytuni Iaova me doka. 6Savoy ta oye, Mosese sa koype Eroni no oyra toytulieke te tarakenaka no sa vasiqini oyra bi. 7Oye sa vapokani Eroni bubute luboro, sa vanoydo leqitini oye bokoboko, sa vapokani oye bubute lata no sa vapokani oye bubute epodi. Oye sa vanoydoni bubute epodi bokoboko ka joyjuni vanoyinoyi ; voy me nadu te seninia oye. 8Oye sa vapoka ni oye touba no sa voyko la katora urimu no tumimu te touba. 9Savoy ta oye oye sa vapoka ni vavau te boytu Eroni no sa vakapa la qolu tepatepa te tarakenakae vavau, sa lalae oye ka vatoybo te kue Iaova, sa seva Iaova sa voytuni Mosese.

10Savoy ta oye Mosese sa pale oela vavatabu no sa repe ni toypaka tataboyna no pisipita taba ka kuo te luboro, no sa vatoybo oyra. 11Oye sa repeni kavia oela te sara barasi taboyna vetu sada, sa vatoybo sara barasi taboyna no taba pita jaju te sara barasi taboyna no kadako sa seva to oyra diedierea, mara tataboyna. 12Oye sa jilingini ngoynisoi oela vavatabu te boytu Eroni no sa vatoybo oye voy oye me tataboyna. 13Sinani oye sa koype me oyra toytulieke Eroni te tarakenaka, sa vapoka ni oyra bubute luoboro, sa poyka leqitini oyra bokoboko no sa vapoka ni la vavau te boytu doyra, sa seva Iaova sa voytuni Mosese.

14Oye sa iro la bulumakao lieke ona vavakatu zaqala, Eroni no oyra toytulieke ka vakapete la koyrisi doyra te boytu bulumakao. 15Mosese sa voyevale bulumakao no sa pale ngoynisoi madaka te totuku koyrisi no sa toyro la te oyra kekeoa sara barasi me vadoylo sara barasi. Oye sa jilingini sia sikia madaka te kotae sara barasi taboyna. Si oye sa vatoybo sara barasi voy me tataboyna. 16Mosese sa pale vele tabae voa te aralequtua koba, tomanmasuae kola, no keri koromemi no voae doyru, no sa noyko te sara barasi taboyna. 17Ba bulumakao sa seva to koypae no zioa no kobae oye sa noyko te paqarania ngoyni ka kue, sa seva Iaova sa voytuni Mosese.

18Sinani oye sa iro la sipi lieke ona vavakatu katunuro, no Eroni no oyra toytulieke ka vakapete la koyrisi doyra te boytu sipi. 19Sinani Mosese sa voyevale sipi no sa repe ni madaka te vati nevae sara barasi. 20Oye sa pote vasoisoi ni sipi no sa noyko boytu, oyra soisoia no voae soy. 21Oye sa qolo ni bi oyra kobae no oyra nikini no sa noyko totongonia sipi te sara barasi sa seva vavakatu katunuro, vavakatu ka joyjuni te nako te kue Iaova sa kakauru, sa seva Iaova sa voytuni Mosese.

22Oye sa iro me, kieke sipi vele ona vavatabu, Eroni no oyra toytulieke ka vakapete la koyrisi doyra te boytu sipi. 23Mosese sa voyevale sipi no sa pale ngoynisoi madakae no sa tielini boylongoa talanga dekanae Eroni, totukua koyrisi dekanae no kukubesea nikini dekanae. 24-Mosese sa koype la oyra toytulieke Eroni te tarakenaka no sa tieleni ngoynisoi madaka boylongoa talanga dekanae doyra, no totukua koyrisi dekanae doyra no kukubesea nikini dekanae doyra. Sinani oye sa repe ni madaka vati nevae sara barasi. 25Oye sa pale voa, voa te peputu, oyra voa te aralequtua koba, tomanasuae kola, keri koromemi no voae doyru no doyli dekana. 26Savoy ta oye te dapae bereti kareo isitia, sa kuo te vakomamanae Iaova, oye sa pale kieke puboa bereti, ka toringini oela, no kieke bisikiti; oye sa toyro la te tupurua voa no doyli dekana. 27Oye sa voyko taba oyra pita goyti te koyrisi Eroni no oyra toytulieke no ka kajara ni poka te vakaomamanae Iaova sa seva kieke vavakatu kajara puka. 28Savoy ta oye Mosese sa pale oyra keke te koyrisia doyra oyra no sa noyko te sara barasi sa noyko toringini vavakatu katunuro sa seva kieke vavakatu vavatabu, vavakatu ka joyjuni te nako te kue Iaova sa kakauru. 29Oye sa pale vele mamanae, kenae tani te sipi vavatabu no sa kajara ni poka te vakomamanae Iaova sa seva kieke vavakatu kajara puka, sa seva Iaova sa voytuni Mosese.

30Mosese sa pale ngoynisoi oela vavatabu no ngoynisoi madaka sa kuo te sara barasi no sa repeni Eroni no ona bubute sisiama no oyra toytulieke no doyra bubute sisiama. Si oye sa vatoybo Eroni no ona bubute sisiama no oyra toytulieke no doyra bubute sisiama.

31Mosese savoy te kue Eroni no oyra toytulieke, Vamoja zio te ngoyni ka puka tae te toypaka variere no mina peringini bereti sa kuo te dapae vavakatu vavatabu, sa seva aro kuo voytuni, Eroni no oyra toytulieke mara oyke. 32Bito ta mam noyko sia sikia zio no bereti. 33Kasi kesini ngoyni ka puka tae te toypaka variere vetu tava, me doka te tavae mina vavatabu me soporo bati mina vavatabu me doka vetu tava. 34Pita sa doka te tava ini sa voytuni Iaova me sivere mina zaqala. 35Ram mam kuo te ngoyni ka puka tae te toypaka variere tava no kose me doka te vetu tava no mam joyjuni pita sa voytuni ram Iaova, voy kasi mina lie; bati ta pita Iaova sa voytuni aqo ro me soynani ram. 36Si Eroni no oyra toytulieke ka joyjuni bieto pisipita taba Iaova sa voytuni Mosese.

Currently Selected:

Leviticus 8: BAA

Highlight

Copy