Genesis 28

1Si Aisake sa keleike la Jikope no sa manani oye no sa voytuni oye: <<Kasi pale ka quole te kue oyra quole ni Kenani 2Mo zola Paddani Aramu,#28.2 Te oyra sada rokusua ngoyni goyti ka kelikini Mesopotamia. te tatama te tamae sinam, Betuele. Mo pale mo tamo kieke quole gei, ka oye te oyra toytuquole Lebani, vavinia sinam 3Bangara varavaranga me manani amo re no mo vere vataba no me zadava oyra mo boysi no re mo me kieke tubia boysi. 4Oye me manani amo re no oyra sokutu arasumam sa seva oye sa manani moyna Ebarahami, soy re mo tungene vodu goyti ngoyni re ko kuokapae, vodu Bangara sa koyna moyna Ebarahami>> sa voy. 5Aisake sa peqani la Jikope no oye sa zo la te vodu ni Paddani Aramu,#28.5 Te oyra sada rokusua ngoyni goyti ka kelikini Mesopotamia. te kue Lebani toytuleike Betuele boysi ni Aramu oye vavini Ribeka sinae doyru Jikope no Iso.

6Iso sa ase Aisake sa manani soypa Jikope no sa peqani la oye te vodu ni Paddani Aramu#28.6 Te oyra sada rokusua ngoyni goyti ka kelikini Mesopotamia. me la pale kieke quole te vodu noyene, no sada oye sa manani Jikope oye sa voytuni oye <<Kasi vo pale ka quole te kue oyra quole ni Kenani,>> 7no Jikope sa vauteve tamae no sinae no sa zola te vodu ni Paddani Aramu.#28.7 Te oyra sada rokusua ngoyni goyti ka kelikini Mesopotamia. 8Iso sa utini tamae oye Aisake kama kemani vo oyra quole ni Kenani; 9no oye sa la te kue Isimeli, no sa la pale Mahalati, vavinia Nebaoiti toytuquole Isimeli toytuleike Ebarahami, udinia doyra oyra ona quolekutae oye sa reike moyna.

Parika Te Jikope Beteli

10Jikope sa kesini Biaseba no sa tasoybaka la te vodu ni Harani. 11Sada oye sa la doka te kieke ngoyni, oye sa la kuo kieke kose te ngoyni ta bati ngada sa jolupu la no sa kose. Jikope sa pale kieke katora sa boytuloqae sa bokolo sa pam 12Oye sa parika no da soy oye sa mia kieke tokatoka sa deire te lua, no boytu suae sa la doka te rani, no da soy, oyra matizana te Bangara ka juolo no puka te tokatoka noyene. 13No da soy, oye sa mia Iaova sa deire vatenge oye no sa voy goyti, <<Aro Iaova, Bangara te tamam Ebarahami no Bangara te Aisake. Aro me koyna amo re no oyra sokutu arasumam re soy vodu re ko bokoloa goyti. 14Oyra sokutu arasumam re moyra seva tabae kau te vodu ni te lua, no oyra moyra repu vaga te neva sa jolupua ngada no te neva sa pukae ngada no te neva moyri no te neva dekana. Te kue re no oyra sokutu arasumam soy aro me manani oyra taba sinaqi te vodu ni te lua. 15Vanata! Aro me kuo una amo re no me miatoyke amo te tabae ngoyni re mo tae, no aro me koype vavelini me amo re te vodu goyti, bati aro kama majala qo me kesini amo me doka te sada aro me vavoto oyra pita aro ko puini amo re,>> sa voy.

16Sada Jikope sa joykava me te ona pam, oye sa voy <<Sa tuna Iaova sa kuo te ngoyni goyti no aro kama utini qo.>> 17Oye sa isi, no sa voy goyti oye, <<Goyti keike ngoyni aravaisi bati goyti pade te Bangara; no goyti mataqamana sa doka te rani,>> sa voy.

18Te saruku pipi, Jikope sa pale katora sa boytuloqae no sa vadere sa seva kieke katora vojele, no oye sa jilingini lum te sarapokae katora vojele. 19Oye sa vataritingini ngoyni noyene Beteli,#28.19 Te ngelu ni Iburu lolopoa taritongo Beteli ne pade te Bangara. ba taritongoa moyna kumala lata ta ne Luzu.

20Sinani Jikope sa pokitini ona pui no sa voy goyti, <<Sada Bangara sa una aqo ro no miatoyke aqo te zozo aro ko joyjuni goyti no oye me koyna aqo pitanaki me oyke no bubute me vapoka 21soy aro me vele vasasapu te toke te tamaqu, sa voy ta oye Iaova to me qo Bangara 22no katora aro ko vadere goyti sa seva katora vojele, me ona ngoyni Bangara, no te tabae oyra pita re ko koyna aqo, aro me kea vavelini keike mano te kue re,>> sa voy.

Currently Selected:

Genesis 28: BAA

Highlight

Copy