Genesis 11

Padevako ni Babele

1Te sada noyene totongonia vodu ni te lua ka ngirini kieke to ngelu no ngeoro ka aseutini beito. 2Sada oyra boysi ka zo la te neva sa pukae ngada, ka doka te keike sare ni Sina no ka la kuo to te ngoyni ta.

3Sinani oyra ka arasoynani napu tana doyra, <<Aria mata joyjuni biriki no mata vavoyla te nako.>> Oyra ka vajaju biriki ba kama vajaju doyra katora, no ka vajaju moki ka vanoyduni soy. 4Ka voy goyti oyra, <<Aria mata vadere noypo tanadia keike kumala lata, mata joyjuni keike padevako me la doka te rani boytututua, soy mata pale noypo tanadia kieke taritongo poyu; soy kasi dia piriparakata te totongonia vodu ni te lua,>> ka voy.

5Ba Iaova sa juolo me sa mia kumala lata no padevako oyra boysi goyti ka joyjuni. 6No sa voy goyti Iaova, <<Mia! Sada oyra ka kieke boysia to ka ngirini keike to ngelu oyra ka toto joyjuni pita goyti, sinani ka pita oyra ka voytuni moyra joyjuni ka majala to joyjuni. 7Aria, ita mata juolo la no vaboybasa ni oyra doyra ngelu soy oyra kasi doyra ase utini napua tana doyra,>> ka voy.

8Sa voy ta oye, Iaova sa vapiriparakata oyra te vodu taba ni te lua, no oyra ka nuodo joyjunia kumala lata. 9Ta sa voy soy oye ka taritingeni kumala Babele- bati te ngoyni ta Iaova sa vaboybasa ngelu te totongonia vodu ni te lua#11.9 Te ngelu ni Iburu ngeoro Babele no boybasa sa vatanga araviri qiqilae.. Te ngoyni ta Iaova sa vapiriparakata oyra boysi te totongonia vodu ni te lua.

Sokutu te Semu Doka te kue Abarami

10Goyti toritoria Semu.

Keri ave sa paqolo soypa la aqe poyu, sada Semu sa 100 avea, oye sa vapoudo Apakadi.

11No te rokusua oye sa vapoudo Apakadi, Semu sa tu sa doka 500 ave no sa vapoudo vele oyra toytuleike no oyra toytuquole.

12Sada Apakadi sa 35 avea, oye sa vapoudo Sela. 13No te rokusua oye sa vapoudo Sela, Apakadi sa tu sa doka 403 ave no sa vapoudo vele oyra toytuleike no oyra toytuquole.

14Sada Sela sa 30 avea, oye sa vapoudo Eba. 15No te rokusua oye sa vapoudo Eba, Sela sa tu sa doka 403 avea no oye sa vapoudo vele oyra toytuleike no oyra toytuquole.

16Sada Eba sa 34 avea, oye sa vapoudo Peleqi. 17No te rokusua oye sa vapoudo Peleqi, Eba sa tu sa doka 430 avea no oye sa vapoudo vele oyra toytuleike no oyra toytuquole.

18Sada Peleqi sa 30 avea, oye sa vapoudo Reu. 19No te rokusua oye sa vapoudo Reu, Peleqi sa tu sa doka 209 ave no oye sa vapoudo vele oyra toytuleike no oyra toytuquole.

20Sada Reu sa 32 avea, oye sa vapoudo Seraqi. 21No te rokusua oye sa vapoudo Seraqi, Reu sa tu sa doka 207 avea no oye sa vapoudo vele oyra toytuleike no oyra toytuquole.

22Sada Seraqi sa 30 avea oye sa vapoudo Naoa. 23No te rokusua oye sa vapoudo Naoa, Seraqi sa tu sa doka 200 avea no oye sa vapoudo vele oyra toytuleike no oyra toytuquole.

24Sada Naoa sa 29 avea oye sa vapoudo Tera. 25No te rokusua oye sa vapoudo Tera, Naoa sa tu sa doka 119 avea no oye sa vapoudo vele oyra toytuleike no oyra toytuquole.

26Sada Tera sa 70 avea oye sa vapoudo Abarami, Naoa no Harani.

27Goyti toritoria Tera.

Tera sa vapoudo Abarami, Naoa no Harani. No Harani sa vapoudo Lote.

28Te sada Tera tamae Harani aba sa tu, Harani sa lei te kumala ni Oa te vodu ni Babiloni, ngoyni oye sa poudoa. 29Abarami no Naoa kuru arareki keri. Taritongoa quolekutae te Abarami Serai, no taritongoa quolekutae te Naoa Melika; oye toytuquole Harani, tamae doyru oyru Melika no Aesaka. 30Serai kama tungene vo so bati oye sa moymoyre.

31Tera sa koype toytuleike oye Abarami no babunua oye Lote toytuleike Harani, no ravae oye Serai, ona quolekutae toytuleike oye Abarami, oyra ka kesini kumala ni Oa te vodu ni Babiloni ka zo voy la Kenani. Sada oyra ka doka Harani, oyra kala kuo te ngoyni ta.

32Tera sa tu sa doka 205 avea, no oye sa lei te vodu ni Harani.

Currently Selected:

Genesis 11: BAA

Highlight

Copy