Luka 17

Lĕ nau nti êng

(Mathiơ 18:6-7,21-22; Markôs 9:42)

1Brah Yêsu lah ma phung oh mon: “Geh âk ntil ƀư chêh prah, ƀiălah rêh ni yơh ma nơm ƀư nau chêh prah nây! 2Ueh lơn kât mpăl lŭ ta trô ko păng jêh ri klŭp păng tâm dak mƀŭt, ma ăn păng ƀư ma du huê tâm phung kon se jê̆ aơ ƀư tih.

3Khân may njrăng hom ma khân may nơm. Tơlah nâu oh may ƀư tih, nduyh nkra hom! Tơlah păng rmal nau tih, yô̆ an hom!#Mat 18:15. 4Nđâp tơlah tâm du nar, oh nâu may ƀư tih đah may pơh tơ̆, jêh ri pơh tơ̆ păng plơ̆ tay ma may, lah: ‘Gâp rmal nau tih gâp,’ ăn may yô̆ an ma păng.”

5Phung kôranh oh mon lah ma Kôranh Brah: “Dăn ntop nau chroh ma hên!” 6Brah Yêsu plơ̆ lah: “Tơlah khân may geh nau chroh tâm ban ma găr trau, khân may đă ma tơm si balsam aơ pô aơ: ‘Rôk hom jêh ri tăm tâm dak mƀŭt,’ păng mra tông bâr nau khân may đă.

7Mbu nơm tâm phung khân may geh du huê oh mon hăn chuar lŏ mâu lah chiă biăp, tơlah păng mhe sĭt jêh ri lah: ‘Văch hom ta aơ gŭ sông sa gơnh!’ 8Ƀiălah, mâu di hĕ khân may đă păng pô aơ: ‘Ndrăp hom ndơ ma gâp sa, rêt rse bŭt pah kan ma gâp ma tât gâp sông sa nhêt lôch jêh, jêh nây may mra sông sa nhêt lĕ ƀơh?’ 9Oh mon tông nau ntrŭnh gay ƀư tĭng, kôranh gĭt ăn lah ueh păng mâu lah mâu? 10Khân may tâm ban lĕ, tơlah ƀư lôch jêh lĕ nau bu ntăm ma khân may, lah hom: ‘Hên jêng phung oh mon mâu khlay, nau hên ƀư jêh knŏng jêng nau hên di ƀư dơm.’ ”

Nau ƀư bah ma jât bunuyh phŭng sa

11Tâm trong hăn tât ƀon Yêrusalem, Brah Yêsu hăn rgăn n'har vah vang n'gor Samari đah n'gor Galilê. 12Nôk lăp tâm ƀon jê̆ ri, geh jât bunuyh phŭng sa văch tâm mâp đah Păng. Khân păng gŭ ngai, 13jêh ri nter huy: “Ơ Brah Yêsu, Nơm Nti, dăn yô̆ nđach ma hên!” 14Dôl saơ khân păng, Păng lah: “Hăn hom khân may mpơl măt ma phung kôranh ƀư brah.” Dôl khân păng hăn, ji phŭng dơi kloh.#Lêvi 14:1-32. 15Geh du huê tâm phung khân păng saơ hŏ geh nau bah jêh, plơ̆ sĭt ro, bâr huy tâm rnê Brah Ndu, 16jêh ri tât chon mon ta jâng Brah Yêsu jêh ri lah ueh ma Păng. Nơm nây jêng bunuyh Samari. 17Brah Yêsu lah: “Mâu di hĕ jât bunuyh dơi kloh jêh da dê? Ta ntŭk sĭn bunuyh nĕ? 18Mbu nơm plơ̆ tay tâm rnê Brah Ndu, knŏng du huê bu năch aơ lĕ ƀơh?” 19Jêh nây Păng lah ma bunuyh nây: “Dâk jêh ri hăn hom, nau chroh may ƀư bah may jêh!”

Nau tâm mpơl ƀon bri hađăch Brah Ndu

(Mathiơ 24:23-28,36-41)

20Phung Pharisi ôp Brah Yêsu ndah jŏ ƀon bri hađăch Brah Ndu mra văch, Păng plơ̆ lah: “Ƀon bri hađăch Brah Ndu mâu văch ôh tâm nau rah vah gay ntreng uănh dơi; 21bu mâu lah ôh: Ri păng gŭ ta aơ mâu lah gŭ ta nây! Yorlah ƀon bri hađăch Brah Ndu gŭ tâm#17:21 Mlr: ta nklang; mâu lah: tâm ti. khân may.” 22Păng lah tay ma phung oh mon: “Mra geh nar tâm rnôk khân may ŭch saơ du nar Kon Bunuyh, ƀiălah mâu dơi saơ păng ôh. 23Bu mra lah ma khân may: ‘Păng gŭ ta aơ’ mâu lah ‘Păng gŭ ta nây’ lơi hăn jêh ri lơi nchuăt tĭng khân păng. 24Yorlah nâm bu lơp nglaih nchrat ang ntơm bơh mpeh trôk aơ tât mpeh trôk ri, ri mơ Kon Bunuyh tât tâm nar Păng tâm ban đŏng. 25Ƀiălah lor lơn, Păng tuy dơn âk nau nđêh nji jêh ri bunuyh rnôk aƀaơ aơ dun Păng. 26Tâm rnôk Y-Nôê tâm ban lĕ ri mơ tâm nar Kon Bunuyh nâm pônây:#Ntơm 6:5-8. 27Bu nhêt, sa, tâm gŭ ur sai, ƀư ndrôi, kŏ tât nar Y-Nôê lăp tâm kumpăn, jêh nây dak rdŭl bŭk lip tât ƀư rai lĕ rngôch.#Ntơm 7:6-24. 28Tâm rnôk Y-Lot đŏng kơt nây, bu sông sa nhêt, tăch rvăt, tuch tăm, ndâk njêng.#Ntơm 18:20–19:25. 29Ƀiălah tât nar Y-Lot luh tă bơh ƀon Sôdôm geh mih ŭnh jêh ri lŭ mô ŭnh tă bơh trôk, ƀư rai lĕ rngôch. 30Tâm nar Kon Bunuyh mra tâm mpơl tâm ban đŏng. 31Tâm nar nây, mbu nơm gŭ ta klơ chor ngih jêh ri geh drăp ndơ tâm ngih ri mơ lơi jŭr sŏk ôh. Kơt nây đŏng, mbu nơm gŭ tâm mir lơi plơ̆ sĭt tâm ngih ôh.#Mat 24:17-18; Mark 13:15-16. 32Kah gĭt tay hom ma ur Y-Lot.#Ntơm 19:26. 33Mbu nơm joi nau gay tâm rklaih nau rêh păng nơm, mra roh, ƀiălah mbu nơm ƀư roh nau rêh păng nơm, păng mra geh nau rêh.#Mat 10:39; 16:25; Mark 8:35; Luk 9:24; Yôh 12:25. 34Gâp lah ma khân may, tâm măng nây, bar hê bunuyh gŭ bê̆ch tâm du mlâm sưng bê̆ch: du huê bu djôt leo hăn, du huê bu chalơi. 35Bar hê bu ur gŭ peh ndrel: du huê djôt leo hăn, du huê bu chalơi.”#17:35 Geh ƀaƀă Nau rblang ntop trong 36: Bar bu klâu dôl gŭ tâm mir, du huê mra djôt leo hăn, bi du huê bu chalơi tay. 37Phung oh mon lah ma Păng: “Ơ Kôranh Brah, mbah ntŭk nau nây tât geh?” Brah Yêsu plơ̆ lah: “Ta ntŭk geh săk jăn khĭt, klang grât mra tâm rgum ta nây.”

Currently Selected:

Luka 17: CMO2023

Highlight

Copy