Luk 3
3
Jọn Mingi Saraḅọ Ḅoo Asọ Tẹ́lẹ́mam
(Mat 3.1-12; Mak 1.11-18; Jọn 1.19-28)
1Jie a kụ́rá lámam Tiberios, Siza sọọ sáá, anịsa ma ḅụ Pọntiyọs Paileti anịị Judiya ḅụ Ḅẹ́rẹ́tọ́ḅọ, Hẹrọd pịghị Galili Amadaḅọ ó numboru owi Filipụ sọ pịghị Ituriya na Trakonitisi káláma táarị, Lisanịyas pịghị Abịlene ámátáarị, 2Anas na Kayafas anịị igwagwaapụ, nna ḅụọ sá ḅụ anịị Tamuno warị ẹ́gẹ́rẹ́kọọ Jọn, Zakaraya tụ́wọ pịrịnyẹ elesiri ḅụ. 3Jọn warị nwángị Jọdan okolo ḅụ fịnị́ ama mamgba ikéléma Tamuno ẹ́gẹ́rẹ́ ma dugho wásámaarị ḅẹẹ, <<O sii ḅụ pịghị sị mingi sara, anịsáa, Tamuno siiḅụḅarasi ọ pịrịbẹm.>> 4Nnị gịẹ kóróma ḅara ikiakoro Aizaya diri bie,
<<Gbẹ́rẹ́ tumḅọ ilúghuarị elesiri ḅụ.
<Kị́nị́nyánáḅọ asọ tẹ́lẹ́ma, asọ mamgba
mịẹ gbụ́nụ́nụ́ma ọ pịrị.
5Póghóló kiri mamgba gbẹ́ẹ̄,
opu tụ́ndụ na kálá tụ́ndụ
mamgba mịẹ terema,
penge asọ mịẹ gbụ́nụ́nụ́ma,
gbasịgha asọ mamgba mịẹ mụ́nụ́mụ́nụ́ma.
6Tuminikiriapụ mamgba
Tamuno dụaḅọ́rọ́ma árịbẹm.> >>
7Tọgha túminị́ Jọn damaḅom ḅẹẹ ọ mingi pa n sara. Ọ warị n ḅẹẹ, <<Ọmịnị sii ododó kpo! Tụọ dugho ọ pịrị ḅẹ́ ọmịnị ine mangịsobẹm Tamuno fịrịma ḅo ḅẹ́ tọ́rụ́siarị ma ḅụ? 8Nyẹ mịẹ, diebẹnyẹ ḅẹẹ, ọmịna sii ḅụ ọ pịghịmam, ọmịnị pịghị sághị dugho ma ọmịna ogboku bie ḅẹ́ Ebraham anịị ọmịna tádóḅọ. A dugho ọ pịrịm ḅẹẹ Tamuno ine mị mgbọ́lụ ma ḅụ túminị́ tẹ́mẹ́bẹm sị nnị Ebraham furoawọ sọọ. 9Nnị kumḅu wárịmam sị ma kundu, ibi sịmgbọlụ suagha sị gonyẹ́ gonyẹ́ n pẹ́lẹ́gbibẹm sị, pa fịnịbie gbi sua.>> 10Túminị́ ma wárị o gbíla ḅẹẹ, <<Anịsa, wa tẹ́ mịẹbẹ?>>
11Ọ wárị n pagharaa ḅẹ́, <<Mmẹẹ́ suabịtẹ nyáná ḅo gonyẹ́ gonyẹ́ gbẹ́rẹ́nyẹ pa nyánághaḅọ pịrịbẹm, fị́nyẹ nyánáḅọ gonyẹ́ gonyẹ́ pịghị anị nyanagha ḅọ na die.>>
12Kọnsịn ósó igbii biiapụ sọ ḅoom ḅẹẹ n mingi sara dọ́ghụm, n warị o gbíla, <<Nyẹ́dieḅọ, wa tẹ́ nyẹ mịẹbẹ?>>
13Ọ warị dugho n pịrị ḅẹ́, <<Ọmịnị ólóghó ma dugho igbii bịpị daa, ọmịnị anị nẹ́ngị nyẹ daa ma.>>
14Jẹ́ ọ́mụ́gbiapụ sọ ḅo o gbilam ḅẹẹ, <<Wamịnị, wa tẹ́ mịẹbẹ?>> Ọ warị n pagharaa <<Kụrọ tọ́rụ́ pa gbẹ́rẹ́ḅọ ḅara sọ igbii akịma, iruonyẹ pa kị́nị́ sịbị sẹ́ ma, n pa i gbẹarị akalụ́ igbii i tọ́rụ́ bi.>>
15Kị́nị́mamgba Krais ma tọ́rụ́dighiarị ḅẹ́ ori álála ḅobẹm, anịgosi n nimidoghum ḅọ́rọ́ Jọn ma ori anịị Krais ma o tụọ. 16Jọn warị nnị kị́nị́mamgba pagharaa ḅẹẹ, <<Irị a mingi pa ọ saraarị, kụ́ma, gbẹ́rẹ́ḅọ ḅoarị, opuma i nẹngịḅọ ọ sua agbaa dii fiima sọ alagha. Ori Tọ́ntọ́ Tẹ́mẹ́ na fịnị na, mingi pa ọ sárábẹm. 17Ori o ḅarabie opu ḅurugbọ ḅala ọlọm ọ pá apara ma sẹ́lẹ́si sịmgbọlụ ma ḅụ, sị fịtúrú sịmgbọlụ ma kobiri nnị anị koko koko yọ sua sị apara ma dọ́ghụ́ma kọrịbibịgha fịnịbie.>>
18Tọ́rụ́kịrịkị́rị́ ḅara ḅụ Jọn ibi oku ma dugho n pịrịm, sị dugho kụ́rọ́ma n pịrị sị nnị nna mịẹnyẹ dima. 19Jọn kpọma igani Ḅẹ́rẹ́tọ́ḅọ Hẹrọd pịrịm tegó, o mú o numboru owi Herodias taa akị yaam, ọ pịghị tọgha tọgha siinyẹ mịẹmam. 20Mịma go Hẹrọd Jọn pa ikóliwarịbie suam, mịma pa ọ mịẹ mánámāná sii ḅụ sua.
Jizọs Mingi Sara
21Túminị́ mamgba mingi sara so sa, Jizọs sọ mingi saram. Ọ tẹ́ghẹarị sa, so ma warị findi. 22Tọ́ntọ́ Tẹ́mẹ́ ma elesia ḅara ḅụ koro ḅo ọ ḅụ soom. Pụghọ warị sobie sághị kóró ḅẹẹ, <<Ịrị anịị i Tụwọ, a i ḅẹlẹmam. A i dighi bieḅẹlẹm.>>
Jizọs Tádọ́apụ
(Mat 1.1-17)
23Jizọs ori fịrị saghị sáá, ọ kụ́rá sue lámam, túminị́ kóróma ḅara ḅẹẹ ori Josẹf tụwọ,
Josẹf Heli tụwọ,
24Heli Matati tụwọ,
Matati Livai tụwọ,
Livai Melki tụ́wọ,
Melki Junai tụwọ,
Junai Josẹf tụwọ,
25Josẹf Matatayas tụwọ,
Matatayas Emọs tụwọ,
Emọs Nahum tụwọ,
Nahum Esli tụwọ,
Esli Nagai tụwọ,
26Nagai Maati tụwọ,
Maati Matatayas tụwọ,
Matatayas Semeini tụwọ,
Semeini Josẹki tụwọ,
Josẹki Joda tụwọ,
27Joda Joanan tụwọ,
Joanan Resa tụwọ,
Resa Zerubabeli tụwọ,
Zerubabeli Seliteli tụwọ,
Seliteli Neri tụwọ,
28Neri Meliki tụwọ,
Meliki Adi tụwọ,
Adi Kosam tụwọ,
Kosam Elimadam tụwọ,
Elimadam Ẹ́rẹ tụwọ,
29Ẹ́rẹ Jọsụwa tụwọ,
Jọsụwa Elieza tụwọ,
Elieza Jorimi tụwọ,
Jorimi Matati tụwọ,
Matati Livai tụwọ,
30Livai Simion tụwọ,
Simion Juda tụwọ,
Juda Josẹf tụwọ,
Josẹf Jonam tụwọ,
Jonam Eliakim tụwọ,
31Eliakim Meleya tụwọ,
Maleya Mena tụwọ,
Mena Matata tụwọ,
Matata Natan tụwọ,
Natan Deviti tụwọ,
32Deviti Jesi tụwọ,
Jesi Obedi tụwọ,
Obedi Bowazi tụwọ,
Bowazi Salimọni tụwọ,
Salimọni Nasọni tụwọ,
33Nasiọnị Aminadabu tụwọ,
Aminadabu Adimini tụwọ,
Adimini Aanị tụwọ, Aanị Hẹzịrọn tụwọ,
Hẹzịrọn Pẹrẹzi tụwọ,
Pẹrẹzi Juda tụwọ,
34Juda Jekọpụ tụwọ,
Jekọpụ Aizik tụwọ,
Aizik Ebraham tụwọ,
Ebraham Tẹ́ra tụwọ,
Tẹ́ra Nahọ tụwọ
35Nahọ Serug tụwọ,
Serug Rewu tụwọ,
Rewu Peleg tụwọ,
Peleg Eba tụwọ
Eba Sela tụwọ,
36Sela Kainam tụwọ,
Kainam Afekizadi tụwọ,
Afekizadi Sẹ́m tụwọ,
Sẹ́m Nuwa tụwọ,
Nuwa Lameki tụwọ,
37Lameki Metusela tụwọ,
Metusela Enọkụ tụwọ,
Enọkụ Jaredi tụwọ,
Jaredi Mahalaleli tụwọ,
Mahalaleli Kenam tụwọ,
38Kenam Enọsi tụwọ,
Enọsi Seti tụwọ,
Seti Adam tụwọ,
Adam Tamuno tụwọ.
Currently Selected:
Luk 3: IBY
Highlight
Share
Copy
Want to have your highlights saved across all your devices? Sign up or sign in
©2024 Luke Initiative for Scripture Translation
