Matiyu 1

Hwyá a bè mbwa Yeso Kristi a tswa mo nó ángá

(Luka 3:23-38)

1Ena a fwa hon a bè bá nyino a chu efi a bè mbwa Yeso Kristi, nwen mo Dawuda ngge Dawuda, éè no nwen mo Ebrayi ángá.

2Ebrayi è mbwa Eshaku,

Eshaku è mbwa Yakubu,

Yakubu è mbwa Yahuda ngge be nwenjwa ye ya.

3Yahuda è mbwa Peresa ngge Zera nwene a ayi be è no Tama ángá.

Peresa è mbwa Hesuna,

Hesuna è mbwa Rama.

4Rama è mbwa Aminada,

Aminada è mbwa Nashon,

Nashon è mbwa Salmo.

5Salmo è mbwa Boyaza nwene ayi ye è no Rahaba ángá.

Boyaza è mbwa Obida nwene ayi ye è no Ruti ángá.

Obida è mbwa Jesi,

6Jesi è mbwa Dawuda nwene è bwa dwa Tì ángá.

Ekǝnggwa, Dawuda è mbwa Sulemano nwene ayi ye è no Basheba, gwa Uriya a gè ti fǝ́ ángá.

7Sulemano è mbwa Rehobowam.

Rehobowam è mbwa Abija,

Abija è mbwa Asa.

8Asa è mbwa Jehoshafati,

Jehoshafati è mbwa Yoram,

Yoram è mbwa Uziya.

9Uziya è mbwa Jotan,

Jotan è mbwa Ahaza,

Ahaza è mbwa Hezekaya.

10Hezekaya è mbwa Menase,

Menase è mbwa Aman,

Aman è mbwa Josiya.

11Ekǝnggwa, Josiya è mbwa Jekoniya ngge be nwenjwa ye adi ekpengga a bè fu be ya a Yahuda fí ken no a tswa sǝnsen mo Babila ángá.

12Chashin mo zǝnofí mo be a Babila,

Jekoniya è mbwa Shayatiye,

Shayatiye è mbwa Zerubabe.

13Zerubabe è mbwa Abiyudu,

Abiyudu è mbwa Eliyakim,

Eliyakim è mbwa Azo,

14Azo è mbwa Zadoku,

Zadoku è mbwa Akimu,

Akimu è mbwa Eliyudu,

15Eliyudu è mbwa Eliyaza,

Eliyaza è mbwa Matan,

Matan è mbwa Yakubu,

16Yakubu è mbwa Esufu nwene è no don Meri ayi Yeso a be fǝ́ anga Kristi ángá.

17Enona, tke a chu Ebrayi ti bwa a chu Dawuda, bè no be ekǝn gwi chu ndwe. Tke a chu Dawuda ti bwa a adi ekpengga a bè fu be fí ken no a Babila ángá, bè no be ekǝn gwi chu ndwe. Ngge tke adi zǝnofí hon ti bwangga a chu Kristi, bè no be ekǝn gwi chu ndwe.

Abu bè mbwa Yeso Kristi ángá

(Luka 2:1-7)

18Ena a abu bè mbwa Yeso Kristi ángá. Chashin, a Esufu è tè ara fù mo Meri, ayi mo Yeso, evǝa ga no gwa ye ángá. A gè chà ti nó bwa ye a mbwe ye ra ángá, bè di Meri è no ngge jufà, a gè ben a zǝn echakpo mo Engǝ́ mo Ehwya ángá. 19Adia Esufu, don ye è no ya ebi ngge nobǝ ebitete ángá, gè dgyan ye ge e no nó ebgenju a engga mo be nobǝ ra. Gè nyi ara a tsuruku mbwe jan ga du nó efǝ a tswa emtsǝtsǝ.

20Abu gè chà ka fwa ena anga, maleka mo Etsodwe è mbwibwa a zǝn ye adi dá, nè jan, “Esufu, nwen mo Dawuda, tsen mbo etsentsen a we ti gwa o Meri e bwa a mbwe o ra, adia nwen e no a dgyèn mbwe ángá, vǝ chá Engǝ́ mo Ehwya bwa. 21Ga mbwa nwen ndedon, wa tso ye ti Yeso, adia ge ti a vǝ́ be ya mbwe ye a tswa be ebgen mo be.”

22Binbin mo be mò ena è bwe ken tén abu Ehwya Etsodwe è jan chá kpevǝ mo efojan mbwe ekpe ekpe ángá. 23Gè jan, “Di, enwen-endà akan a no dgyèn na mbwa nwen ndedon, ba fǝ́ ye Emanowe.” (Engà mo Emanowe jan, “Ehwya no ngge je.”)

24Atan a Esufu è zǝbwa adi dan ángá, gè ti ekpengga nwofyan, nè ti Meri bwa a mbwe ye abu gwa ye, abu maleka mo Etsodwe è jan ye ángá. 25Tea Esufu è chà dwa ye ngge ge ra, kpwà tén atan a Meri è mbwa ara nwen ye ndedon hon ángá. Ekǝnggwa, Esufu è tso nwen hon ti, Yeso.

Currently Selected:

Matiyu 1: ICH

Highlight

Copy