1 कुरिन्थियां 4
4
प्रेरितां ची सेवकाई
1सही तां ईं हुवी कि अम्हानु मसीह ईशु चा भण्डारी हेकमात्र समझले जाओ, जानु नरीकारा चे भेदा ची जिम्मेवारी सोंपली गेली छै, 2भण्डारी नु विश्वासयोग हुवणे जरुरी छै। 3पर माई नजरी मां हा ब़ोहत छोटी बात छै, कि तम्ही जा इन्साना चा कुई न्यांयी मनु परखो, बल्कि मैं आप ही आपणे आप नु ना परखी। 4कांकि माये मन मनु कुई बाते मां दोषी ना ठहरावी, पर ऐचे कनु मैं निर्दोष ना ठहर सग़ी, कांकि माया परखणे आला प्रभु छै। 5ऐवास्ते जब तक प्रभु ना आती जाओ, समय कनु पेहले कुई बाते चा न्यां ना करा, वे ही तां अन्धकार चीया लुकलीया बाता छी, जको सोज़ले मां ङिखाणी, ते मना चे मकसद प्रकट करी। तब नरीकारा चे तरफु हर-हेक ची बढ़ाई हुवी।
मसीह वास्ते मूर्ख
6हे माये भऊ, मैं यां बाता मां तम्चे वास्ते आपणी ते अपुल्लोस ची चर्चा मिसाल चे तौर उपर करली, ऐवास्ते कि तम्ही अम्चे जरिये ईं सिखा कि, “लिखले आले कनु आग़ु ना बधजा,” तां हेके चे पक्ष मां ते ङुजे चे विरोध मां गर्व ना करजा। 7कूण किहे कि तम्ही नेरा कनु श्रेष्ट छिवा? छै का तम्चे कनु, जको तम्हानु काये जरिये ङिले ना गेले हो, जब ईं तम्हानु काये जरिये ही ङिले गेले? तां तम्ही घमण्डा मां कां भरीजा, मनती गिहा कि ईं तम्हानु काये जरिये कोनी ङिले गेले?
8तम्ही तां ईं सोचती कर ही सन्तुष्ट हुती गेले कि तम्ची सारी जरुरता ची पूर्ति हुती चुकली, तम्ही भरपूर हुती गेले, अम्चे सहायता चे बिना ही तम्ही राजे बणती गेले। आच्छे तां ईं हुवीया कि तम्ही वास्तव मां राजे बणती जावा हा ते अम्ही वी तम्चे लारे राज़ करु हा। 9मनु यूं लाग़े पले कि नरीकारा ने अम्हा प्रेरितां नु विजय-यात्रा मां मौत चा ङण्ड मिड़ले आले इन्साना आलीकर सबकनु आखरी जग़हा मां राखले। अम्ही सारी सृष्टि, स्वर्ग़दूता ते इन्साना चे सामणे तमाशा बणती गेले। 10अम्ही मसीह वास्ते बेवकूफ ङिसु, ताकि तम्ही मसीह मां ब़ुध्दिमान बणा, अम्ही कमजोर छियुं पर तम्ही ताकतवार छिवा। तम्हानु कद्दर मिले, पर अम्ची बेकदरी हुती जाये। 11अम्ही ये घड़ी तक भुक्के तरसेले ते उघाड़े छियुं, ते सताले जऊं ते मरीते कुटीते फिरते रिहुं। 12#प्रेरि 18:3अम्ही आपणे ही हाथा लारे काम करती मेहनत करु। लौक बुरे किहे अम्ही आशीर्वाद ङिऊं, वे सतावी, अम्ही सेहते रिहुं। 13वे बदनाम करी, अम्ही नरमाई लारे बात करु, अम्ही आज़ तक संसारा चा कुज़ा ते सारीया चीजा ची खुरचन आलीकर बणती गेले।
पौलुस चे भांसु चलणे ची सलाह
14मैं तम्हानु शर्मिन्दा करने वास्ते ईं कोनी लिखे पला, पर आपणी प्यारे ब़ाले जाणती कर तम्हानु चितावें पला। 15मसीह मां तम्चे ङस हजार सिखावणे आले तां हो सग़ी पर इतने ब़ा कोनी, कांकि शुरु मां मसीह ईशु चा सुसमाचार सुणावणे ची वजह कनु मैं तम्चा ब़ा बणती गेला। 16#1 कुरि 11:1; फिलि 3:17ऐवास्ते मैं तम्चे कनु बिनती करे पला, कि माये जिसड़ी चाल चला। 17ऐवास्ते मैं तीमुथियुस नु जको प्रभु मां माया प्यारा ते विश्वासयोग पूत छै, तम्चे गोढु भेज़ले, ते ओ तम्हानु मसीह मां माया चरित्र याद करा वी, जिंवे कि मैं हर जग़हा हर हेक कलीसिया मां उपदेश करे।
18तम्चे महु कोच्छ तां अंहकार मां फुंडले ना समावी मना ओठे मैं आवा ही ना। 19अगर प्रभु ने चाह्ले तां मैं जल्दी ही तम्चे गोढु आवा, ते वां फुंडले आला चीया बाता नु ही ना पर वांची ताकत नु वी जाणती गिही। 20कांकि नरीकारा चा राज़ सेर्फ बाता मां कोनी, पर सामर्थ मां वी छै। 21तम्ही का चाहवा? का मैं गेङी चती कर तम्चे गोढु आवे जा प्रेम ते नरमाई ची आत्मा लारे?
Currently Selected:
1 कुरिन्थियां 4: ODR
Highlight
Share
Copy
Want to have your highlights saved across all your devices? Sign up or sign in
CC BY-NC-ND 4.0
