Isal Nsɛmà

Nsɛmà

Un'kaan a Isal a Antööm wà ndääb a un'kaan a Lukà wàtàtwɛb. Uboo a un'kaan wàtàtwɛb awà Làsaŋ Aŋàbwaŋ, nde kàsam ndaa yanswà kàkyer Yɛsu mpal kàkäl nde u mɛɛn tii mpal kàbeenà nde du. Unsà un'kaan wàyweel wà nde akasamà isal a Yɛsu bàsàlab Antööm. Ntɔn Yɛsu bàfàfun'man anki u mii, wɛɛ nde wuboo a alɔŋki u mbwo a Dweelà In'kyɛɛl.

Làsaŋ Aŋàbwaŋ a Yɛsu làbilà uboo a un'sɛŋ a Ayudà u mbwo a ntööm Petɔlà asànaa u Yɛlusàlɛm, itàkal akà baar mpa abà Ayudà u mbwo a Pɔl asànaa u Antyɔsha, u Kɔlintɔ, u Filipe.

Uboo a un'kaan awà bàsön sye ndaa a nkyeen a Pɔl yisal, nköör ande u Yɛlusàlɛm anà ntööl ande u Lɔmà.

U nsɛmà, Ikööŋ kyàmɛn mpay mbɔɔn, wɛɛ kya kyàyɔ̈n anki muleŋ mutoo uboo a ya u mbwo a Dweelà In'kyɛɛl.

Unsà un'lwaaŋ ndaa ayuboo un'kaan awà:

- nsɛmà a Ikööŋ atàtwɛb, u Yɛlusàlɛm, ungö a mbeenà a Yɛsu du (1.1-8.3)

- upay Làsaŋ Aŋàbwaŋ u nsi yanswà (8.4-12.25)

- anà u mɛɛn a ntsü a Mɛditɛranɛ tii u Lɔmà (13.1-28.31).

Làsaŋ alà làpää u mɛɛn manswà bàyöb u taaŋ alan u mbwo a an'lɔɔŋ anà ntɛɛn a Antööm. La là Làsaŋ a Yɛsu kàkäl u Palestin. Dweelà In'kyɛɛl làfàbay alɔŋki mubääb anà nde taaŋ lanswà unsà Ndaa anà nsyääl ande.

Ndaa bàkyään uboo un'kaan a Isal a Antööm ifàswaŋ mbwo akà Ikööŋ mukyer isal ande: Upay Làsaŋ Aŋàbwaŋ a Yɛsu Klistɔ akà baar banswà u mɛɛn.

Currently Selected:

Isal Nsɛmà: YNS

Highlight

Copy

Want to have your highlights saved across all your devices? Sign up or sign in

Learn More About Bible Iyansi

Isal Nsɛmà

Popular Bible Verses from
Isal Nsɛmà

Bible:

Yansi

Version: Bible Iyansi - YNS

Isal Nsɛmà

Isal Nsɛmà

Popular Bible Verses from Isal Nsɛmà

Bible:

Yansi

Version: Bible Iyansi - YNS

Isal Nsɛmà

Popular Bible Verses from
Isal Nsɛmà