KEJADIAN 5
5
Kenon-cenok Adam
1Adehloh senarei kenon-cenok Adam. Ku mase Jenang Kicipte sengoi, Jenang Kicipte sengoi serupa begei ha Ilei. 2Kek Kicipte keral ru kerdor. Kek Kiberkat ubai ru Kisebot ubai ajeh manusia.
3Mase umur Adam 130 tahut, kek kikep numom kenon keral de sama begei ha ilei. Kek kisebot muh ikenon ajeh Set. 4Telas ajeh Adam kisui selame 800 tahut nij ru kikep kekenon de kilek. 5Adam kidat mase iumur 930 tahut.
6Mase umur Set 105 tahut, kek kikep numom kenon keral imuh Enos. 7Telas ajeh selame 807 tahut nij Set kisui ru kikep kekenon de kilek. 8Set kidat mase iumur 912 tahut.
9Mase umur Enos 90 tahut, kek kikep numom kenon keral imuh Kenan. 10Telas ajeh Enos kisui selame 815 tahut nij ru kikep kekenon de kilek. 11Enos kidat mase iumur 905 tahut.
12Mase umur Kenan 70 tahut, kek kikep numom kenon keral imuh Mahalaleel. 13Kenan kisui selame 840 tahut nij ru kikep kekenon de kilek. 14Kek kidat mase iumur 910 tahut.
15Mase umur Mahalaleel 65 tahut, kek kikep numom kenon keral imuh Yared. 16Telas ajeh Mahalaleel kisui selame 830 tahut nij ru kikep kekenon de kilek. 17Kek kidat mase iumur 895 tahut.
18Mase umur Yared 162 tahut, kek kikep numom kenon keral imuh Henokh. 19Telas ajeh Yared kisui selame 800 tahut nij ru kikep kekenon de kilek. 20Kek kidat mase iumur 962 tahut.
21Mase umur Henokh 65 tahut, kek kikep numom kenon keral imuh Metusalah. 22Selame 300 tahut nij sinui Henokh bor ru Jenang, ru kek kikep kekenon de kilek. 23Kek kisui ku bumi lei iumur 365 tahut. 24Sinui kek bor ru Jenang, lalu kek nyep ju bumi kerana biangket ya Jenang.
25Mase umur Metusalah 187 tahut, kek kikep numom kenon keral imuh Lamekh. 26Telas ajeh Metusalah kisui selame 782 tahut nij ru kikep kekenon de kilek. 27Kek kidat mase iumur 969 tahut.
28Mase umur Lamekh 182 tahut, kek kikep numom kenon keral. 29Lamekh kiurok, “Kenon adeh doh kipesenang sengik hik ju senusah hiha-usehe tik de bisumpah ya Yahweh.” Lamekh kisebot muh ikenon ajeh Nuh. 30Telas ajeh Lamekh kisui selame 595 tahut nij ru kikep kekenon de kilek. 31Lamekh kidat mase iumur 777 tahut.
32Mase umur Nuh 500 tahut, kek kikep nik mom kekenon keral. Muh enai ajeh Sem, Ham, ru Yafet.
Currently Selected:
KEJADIAN 5: AEH
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved.
© 2023, Bible Society of Malaysia. All rights reserved.
