KISAH 2

Helnol Kelog Santen

1Bile lei arik Pentakosta,#2:1 Pentakosta: Adeh arik raya mai Yahudi de naisamut musem kiknej barli. Arik raya adeh juga bisamut ya mai Kristian untok nairaya helnol Kelog Santen telas Yesus biangket nu serga. Raya adeh bisamut ku arik de ke-50 telas naisamut Arik Raya Paskah. Pentakosta juga bisebot Arik Raya Tujoh Minggu (neng Kel 34:22) atao Arik Raya Kiknej (neng Kel 23:16). dikdij enai naibekumpol ku nanek tempat.#Im 23:15-21; Ul 16:9-11 2Aleh-aleh naicerngai engrok ju langit begei pes de kuat. Engrok ajeh tebeg nanek deg de naigei. 3Lalu naibakek begei ha lentag os de kider ru kidebag ku jap-jap mai de mong ku pajeh. 4Dikdij liknai ajeh bikuasa ya Kelog Santen ru enai pen mula naibelwal kateh bebegei bahase kilek de biog ya Kelog Santen nu enai.

5Ku mase ajeh, jeoi mai Yahudi de asal enai ju bebegei lengrik ku dikdij dunia naigei ku kote Yerusalem. Enai ajeh sengoi de naisengoh ru naihormat ha Jenang. 6Bile naicerngai bengwal begei ajeh, naibekumpol ku pajeh. Enai naikekjet kerana memaseg liknai naicerngai engrok lengrik liknai memaseg. 7Dikdij liknai ihad naihiran lalu naiurok, “Dikdij sengoi de belwal adeh mai Galilea! 8Tapi begeiharok buleh hicerngai naibelwal kateh engrok lengrik lihik memaseg? 9Hik mai Partia, Media, Elam, Mesopotamia, Yudea, Kapadokia, Pontus, Asia, 10Frigia, Pamfilia, Mesir, ru kawasan-kawasan Libya de rek beg Kirene. Mong juga mai de naihol ju Rom 11ru enai ajeh mai Yahudi ru mai pek Yahudi de naimuj agame Yahudi. Mong juga mai de naihol ju Kreta ru Arab. Tapi dikdij hik hicerngai naibelwal kateh engrok hik memaseg naipasal tentang hal-hal luar biasa de bibeh ya Jenang!” 12Dikdij liknai naihiran ru naibingung, ru naibetanya ratak liknai, “Maka imaksod dikdij hal adeh?”

13Tapi mong juga sengoi de naiperli ha pengikot-pengikot Yesus ru naiurok, “Dikdij sengoi adeh naibel!”

Kotbah Petrus

14Lalu Petrus kijinjeg besama ru 11 urag rasul de kilek. Ru suara de kuat, kek kiurok nu mai jengoi, “Sesedara mai Yahudi ru dikdij mai de gigei ku kote Yerusalem! Cerngailoh abor-bor ru ogloh ngterangkan hal de tejadi adeh. 15Dikdij sengoi adeh apeka naibel begei de engkesangka kerana hunen baru pukol sembilan pegelap. 16Tapi hal de tejadi adeh ya bipasal ya Jenang melalui Nabi Yoel,

17Jenang Kiurok, ‘Adehloh hal de doh tejadi ku aher jaman:

Eng doh Ngcerog Kelog Eng nu kemil dikdij sengoi.

Kekenon keral ru kerdor engkek

doh naiperlei bengsat Eng.#2:17 Naiperlei bengsat Eng: Atao, benubuat.

Mai nyengnyam engkek doh naineng ma de Ngperneng nu enai,

mai engrak engkek doh naikep empok de Ngog nu enai.

18Ku mase ajeh, Eng doh Ngcerog Kelog Eng

nu hambe-hambe Eng de keral atao kerdor

ru enai doh naiperlei bengsat Eng.

19Eng doh Ngbeh hal-hal luar biasa ku langit

ru tanda-tanda ajaib ku bumi.

Doh mong behip, os, ru cas tebal.

20Sebelom Arik TUHAN#2:20 Arik TUHAN: Arik adeh kirujok nu arik helnol Yesus nukali nij doh, ru arik de manusia bipeadel. de penteng ru mulie ajeh kitiba,

mat arik doh kibeubah kijadi guer

ru gecek doh kijadi ceher begei behip.

21Ku mase ajeh, jap-jap mai de naicereg nu muh TUHAN

doh bipeselamat.’#Yl 2:28-32

22Sesedara mai Israel! Cerngailoh engrok adeh: Yesus Mai Nazaret ajeh ya biog Itugas ya Jenang. Hal ajeh ya bipebukti nu dikdij liengkek ya tanda-tanda ajaib ru hal-hal luar biasa de bibeh ya Jenang melalui Kek. Sesedara, engkek ya engkepanei ha pekare ajeh kerana dikdij hal ajeh kitejadi ku engkap liengkek. 23Yesus biserah ya Jenang nu engkek kena begei de ya Kipetetap ru Kirancang ju imula. Engkeperdat Kek mase engkebiar mai bedosa naisaleb Kek. 24Tapi Jenang ya Kiberkos Kek ju Idanan ru Kiterlas Kek ju penghod danan kerana Kek mimang pek buleh teros bikuasa ya danan.#Mat 28:5-6; Mrk 16:6; Luk 24:5 25Raja Daud kiurok tentang hal Yesus,

‘Eng sentiase ngneng TUHAN besama ru Eng.

Eng pek yahyoh kerana Jen mong ku englag kentop Eng.

26Kerana ajeh, sengik Eng ihad kikerakmik

ru empag Eng kipateh ha Jen ru ihad kerakmik.

Berog Eng juga kisui

kateh neharap ku Jen

27kerana Jen pek Jenwes Eng

ku dunia mai dat.

Jen pek Jenbiar

Eng Hambe Jen de suci jadi sok.

28Jen ya Jenperneng nu Eng

nong nu sinui de lei ditehjeh,

ru ihad Ngkerakmik

kerana Jen mong besama ru Eng.’#Mzm 16:8-11

29Sesedara, ru teros-terang ngurok nu engkek. Jenang rak hik Raja Daud ya kidat ru bicop ru ipenep lekat mong ku engkap hik lei hunen. 30Raja Daud ajeh numom nabi ru kipanei Jenang ya Kibesumpah begei adeh: Numom ju kenon-cenok Raja Daud doh Kijadi Raja begei ha ilei sendiri.#Mzm 132:11; 2 Sam 7:12-13 31Kek kipanei ma de belaku doh, jadi kipasal tentang kisnos Kristus. Kek kiurok Kristus pek biwes ku dunia mai dat ru Iberog pek kijadi sok.

32Yesus adehloh de biberkos ya Jenang ju Idanan. Jik adehloh isaksi ha pekare ajeh. 33Jenang Kiangket Yesus nu kedudukan de tehormat ku Ienglag kentop ru Yesus Kiterima Kelog Santen de ya bijanji ya Menek. Hal de engkeneng ru engkecerngai hunen ajeh Kelog Santen de bicerog ya Yesus nu jik. 34Raja Daud sendiri pek kihuj nu serga tapi kiurok,

‘TUHAN ya Kiurok nu Tuhan eng:

Geiloh ku kedudukan de tehormat ku englag kentop Eng

35lei Ngpejadi musoh-musoh Hek nelapek jog Hek.’#Mzm 110:1

36Jadi, dikdij bangse Israel hod engkepanei tentang hal adeh: Jenang ya Kibeh Yesus de engkesaleb ajeh Kijadi Tuhan ru Peselamat de Kijanji.”#2:36 Peselamat de Kijanji: Atao, Kristus.

37Mase naicerngai hal ajeh, sengik enai kirasa ihad besalah lalu naitanya nu Petrus ru rasul-rasul de kilek, “Sesedara, maka de patot jibeh?”

38Petrus kiberlag, “Betobatloh ru hodloh engkek bibaptis kateh muh Yesus Kristus supaye dosa engkek biampon, ru engkek doh engketerima Kelog Santen sebegei kurnie ju Jenang. 39Jenanji ajeh ya biog ha engkek, kekenon engkek, ru dikdij sengoi de nyak - bok taleh de bicereg ya TUHAN Jenang hik supaye naihol nu Ilei.”

40Petrus kibesaksi kiguna jeoi bengwal de kilek ru kinasihat, “Peselamatloh diri liengkek ju nehukom de doh kihol nu mai jehat ku lengrik adeh.” 41Lalu sengoi de beterima ibengwal ajeh naiog diri liknai bibaptis. Ijengoi sengoi-sengoi de pecaya nu Kristus kibetambah kira-kira tige ribu urag ku arik ajeh. 42Enai rajet naibelajar ju rasul-rasul ajeh, selalo naibekumpol, naibebahagi ruti, ru naibedoa besama-sama.

Sinui Jemaah-jemaah de Mula-mula

43Dikdij mai nairasa hiran ru naisengoh tentang hal-hal de luar biasa ru tanda-tanda ajaib de bibeh ya rasul-rasul ajeh. 44Dikdij mai de ya pecaya nu Yesus naibenanek ru naibekungsi ma taleh de mong ku enai.#Kis 4:32-35 45Enai naijual harta liknai lalu naibebahagi hasel jengwal ajeh kena ru keperluan liknai memaseg. 46Jap-jap arik naibekumpol ku laman Deg Jenang ru naicakcak besama ku deg liknai ru sengik de menghar ru kerakmik. 47Enai teros naipateh ha Jenang ru dikdij mai naigemar ha enai. Jap arik Tuhan Kitambah ijengoi sengoi-sengoi de bipeselamat.

Currently Selected:

KISAH 2: AEH

Highlight

Copy