Mattityahu 12

kapitel tsvelf

1in yener tsait iz Yeshua/Yehoshua a Shabbos gegangen durch di kornfelder; zaine talmidim ober hot gehungert, un zei hoben ongehoiben optsuraisen zangen, un tsu esen. 2un ven di Perushim hoben es gezen, hoben zei gezogt tsu im: ze, daine talmidim ton, vos men tor Shabbos nisht ton! 3er ober hot tsu zei gezogt: tsi hot ir nisht geleient, vos Dovid hot geton, ven es hot im gehungert un di, vos zenen geven mit im? 4vi er iz araingegangen in Hashems hoiz, un zei hoben gegesen dos Lechem Haponim, vos es iz nisht geven mutar far im tsu esen, nisht far di, vos zenen geven mit im, achuts bloiz far di koyanim? 5oder hot ir nisht geleient in der toire, az ale Shabbos zenen di koyanim mechalel Shabbos in Beis HaMikdash, un farzindiken zich doch nisht? 6ich zog aich ober, az do iz do einer, vos iz greser vi dos Beis HaMikdash! 7un oib ir volt gevust, vos es heist: ich bager baremhartsikeit, un nisht kein korben, volt ir nisht farmishpet di umshuldike. (Hoshea 6:6) 8machmas der Bar Enosh iz Har iber dem Shabbos.

9un er iz avek fun dorten, un iz gegangen in zeier shul arain. 10un ze, dort iz geven a mentsh mit a fardarter hant. un zei hoben im gefregt, azoi tsu zogen: meg men Shabbos heilen? kedei zei zolen kenen im bashuldiken. 11er ober hot tsu zei gezogt: velcher iz der mentsh tsvishen aich, vos vet hoben ein shof, un oib di dozike vet Shabbos arainfalen in a grub, vet er zi den nisht onchapen, un aroisshlepen? 12un vifel iz a mentsh mer vert vi a shof! deriber meg men Shabbos ton guts. 13demolt zogt er tsu dem mentshn: shtrek ois dain hant! un er hot zi oisgeshtrekt; un zi iz vider gevoren gezunt vi di andere. 14di Perushim ober zenen aroisgegangen, un hoben zich baroten kegen im, vi azoi zei zolen im umbrengen. 15Yeshua/Yehoshua hot zich ober derfun dervust, un iz avek fundanen; un a sach hoben im nochgefolgt, un er hot zei ale geheilt, 16un zei shtreng ongezogt, az zei zolen im nisht mefarsem zain, 17kedei es zol derfilt veren, vos es iz gezogt gevoren durch Yeshayah hanovi, azoi tsu zogen:

18ze, main knecht, vemen ich hob oisderveilt;

main gelibter, in vemen main nefesh hot a voilgefelen;

ich vel geben main Gaist oif im,

un er vet derkleren mishpot tsu di felker.

19er vet zich nisht krign, un vet oich nisht shraien;

un keiner vet nisht heren zain kol oif di gasn.

20a tsespalten shtekl vet er nisht tsebrechen,

un tliendikn flaks vet er nisht oisleshen,

biz er vet oisfiren mishpot tsum zig.

21un oif zain nomen velen di umes (hooilem) hofn.

(Yeshayah 42:1-4)

22demolt hot men tsu im gebrengt a bazesenem mit a beizn gaist, blind un shtum, un er hot im geheilt, az der shtumer hot sai geredt sai gezen. 23un di ale hamonim mentshn hoben geshtoint, un gezogt: iz er nisht efsher der Ben Dovid? 24ven di Perushim ober hoben es gehert, hoben zei gezogt: er traibt nisht arois kein beize gaister, achuts durch dem Ba'al-Zibbul, dem sar fun di beize gaister! 25un visendik zeiere gedanken, hot er tsu zei gezogt: yede meluche, vos iz nisht einik mit zich alein, vert farvist; un yede shtot oder hoiz, vos iz nisht einik mit zich alein, vet nisht blaiben shtein. 26un oib der Satan traibt arois dem Satan, iz er nisht einik mit zich alein: vi azoi zhe vet zain kenigraich hoben a kiem? 27un oib ich traib arois beize gaister durch dem Ba'al-Zibbul, durch vemen traiben eiere kinder zei arois? derfar velen zei zain eiere shoftim. 28oib ober ich traib arois di beize gaister durch dem Gaist fun Hashem, azoi iz shoin Hashems kenigraich gekumen tsu aich. 29oder vi azoi ken emitser araingein in dem hoiz fun dem giber, un avekroiben zaine zachn, oib er vet nisht koidem kol binden dem giber? un demolt vet er oisroiben zain hoiz. 30ver es iz nisht mit mir, der iz kegen mir; un der, vos zamlt nisht ein mit mir, tseshpreit. 31derfar zog ich aich: yede zind un lesterung vet di mentshn fargeben veren; nor di lesterung fun dem Gaist vet nisht fargeben veren. 32un oib es vet ver zogen a vort kegen dem Bar Enosh, vet es im fargeben veren; nor ver es vet reden kegen dem Ruach HaKoidesh, vet es im nisht fargeben veren, nisht in der doziker velt, nisht leoilem haba. 33oder macht dem boim gut, un zain frucht gut; oder macht dem boim shlecht, un zain frucht shlecht! machmas fun di peires derkent men dem boim. 34ir shlangenkinder, vi azoi kent ir reden guts, zaiendik (alein) beiz? machmas fun der shefe fun dem harts, redt doch dos moil. 35der guter mentsh brengt arois gute zachn fun zain gutn oitser, un der beizer mentsh brengt arois beiz fun zain beizn oitser. 36ich zog aich ober, az yedes puste vort, vos mentshn velen reden, velen zei muzn opgeben a cheshben derfun inem Yom Hadin. 37machmas fun daine verter vestu gerechtfertikt veren, un fun daine verter vestu farmishpet veren.

38demolt hoben im einike fun di sofrim un Perushim geentfert, azoi tsu zogen: Rebbe, mir vilen zen a tseichen fun dir! 39er ober hot entferendik tsu zei gezogt: a beiz un noyefdik dor bagert a tseichen, un kein tseichen vet im nisht gegeben veren achuts dos tseichen fun Yonah hanovi. 40vail azoi vi Yonah iz geven drai teg un drai necht in di gederem fun dem riznfish, azoi vet der Bar Enosh zain drai teg un drai necht in dem harts fun der erd. 41di lait fun Nineve velen oifshtein in dem mishpot mit dem dozikn dor, un velen es farurteilen; vail zei hoben tshuve geton oif Yonahs ruf; un ze, a greserer vi Yonah iz do do. 42di Malke fun Teymen vet oifshtein in dem mishpot mit dem dozikn dor, un vet es farurteilen; vail zi iz gekumen fun ek velt tsu heren Shloimes chochme; un ze, a greserer vi Shloime iz do do. 43ven ober der umreiner gaist geit arois fun dem mentshn, geit er iber erter, vu es iz kein vaser nishto, zuchendik menuche, un gefint nisht. 44zogt er demolt; ich vel mich umkeren in main hoiz arain, funvanen ich bin aroisgegangen; un ven er kumt, gefint er es leidik, oisgekert, un oisgetsirt. 45dan geit er, un nemt mit zich ziben andere gaister, ergere vi er alein, un zei geien arain un voinen dort; un der sof fun yenem mentshn vert erger vi der onhoib. ot azoi vet es zain mit dem dozikn beizn dor.

46un beshas er hot noch geredt tsu di hamonim mentshn, ze, zain muter un zaine brider zenen geshtanen indroisen, un hoben bagert tsu reden mit im. 47un emitser hot tsu im gezogt: ze, dain muter un daine brider shteien indroisen, un vilen reden mit dir. 48er ober hot entferendik gezogt tsu dem, vos hot es im gezogt: ver iz main muter, un ver zenen maine brider? 49un hot oisgeshtrekt zain hant oif zaine talmidim, un gezogt: ze, main muter un maine brider! 50machmas ver es vet ton dem rotsn fun main foter, vos iz in himel, der zelbiker iz main bruder, un shvester, un muter!

Currently Selected:

Mattityahu 12: OYBCLATN

Highlight

Copy